مشكلتي اني سنعه كيف اصير رفله

الله ياخذ السنع وياخذهي اني سنعه بكل بساطه
نصصصصصصصصيحه
يابنات صيري رفله اقسم بالله انا بنت ماتتعدى عمري ٣٠
شعري ٨٠ بالميه شيب
ابيضضضضضضضض انا البكر
وتعرفون العوائل اللي على قد حالهم مايجيبون شغالات
ماتصذق الام تكبر بنتها الكبر بالمتوسط عشان تصير
تحملها كامل المسوليه وهذا اللي صار معي من كنت بالابتدائي
وامي تعلمني كلللللللللل شي يجي ببالكم لكن
طفوله دلع مراهقه كل شي ماعشته
عشت حياة كرف يكرف تنظيف طبخ تربيه خواتي الصغار
خاصه خواتي امي كانت بس تولد وترمي علي
صرت ام وانا عمري ماتتعدى ١٥ سنه كانت امي تروح
لزواجات وصديقات واجتماعات وسهر وتخلي
اختي عندي وحده مولوده ووحده عمرها سنتين
تمييييييت كذا مربيه لين امي وصلت لسن اليأس
وصارت ماتجيب لما كبرت كنت حركه وسنعه وحاره
لان تربية على كذا صارت امي تعتمد علي بكللللل شيخوختي كبرو وصلو العشرين
ولا وحده تلمس شي ولا تسوي شي بالعكس
حتى خواتي معتمدين علي امي عودتهم على كذا
اني مسوله عنهم باقي بس ألبسهم واكلهم لو على يكف امي !!
لما ارفض اسوي او أناقش اني ليش بس الكرف كله علي
وهم بس جالسات
كلمه امي المعتادة
هم مايعرفن شي !!
امي عودتهم على كذا وعاجبها
وتبي كل شي علي
تحسني آلة ماحس
اقسم بالله لو ناقشت اني ليش كل شي
علي تقلب وجهها وتبدا التجريح
والاسطوانه اني اغار من خواتي وهذا كبرك
وعجوز وتقولين كذا
تعبببيبييبت صرت اسوي كل شي وتسوي لخواتي
عشان اسلم من قلبة وجهها وكلامها اللي زي السم
انا شخصيه حساسه ومسالمه ممكن كلمه
تسهرني سنه مانام
ولا اكل وابكي بسبب كلمه وامي قاسيه ماتحس
ماقولكم ماتحبني كل ام تحب لكن تعبببببببت
محسستني اني شغاله او مجبوره اسوي كل هذا
لاني الكبيره
الحين خواتي مثلا يأكلون ويقومون مايضفون أكلهم
مطعم او كوفي
امي تسكت
لما اشوف انا مثلا فنجال قهوه ناسيته من بعدي
تجي تغثني فوق راسي تتركين القهوه والأكل بالصاله
انا اللي جالسه أضف
بس بحياتي شفتها تقول هالكلام لبناتها
ليش بس عيونها عليييييي هذا اللي عجزت افهمه
يعني حتى لما اقولها جت عينك على فنجال هذا خواتي
يتركون أكلهم تجي تقول كلن عينه على اقشره
قصدها ان عينك على خواتك !!
خواتي صارو زي امي يحسوني الة
وصرت بدون شعور خلاص
تاقلمت اكرف بدون ماحس حتى لو قلت لا
يانبني ضميري وارجع اسوي وكانه شي واجب علي
امي عصبيه ونفسيه بنفس الوقت
وللأسف تفرغ كل شي فيني
يعني امس رفضت اسوي عشاء لان جنبي أملاح
تحسبون رحمتني!!
قامت تسب وتلعن وتدور اي شي عشان تتمشكل معي
جلست تتمشكل على فنجال قهوه ناسيته
بالصاله اني وصخه وفيك وفيك وانا اظف بعدك
كل هذا لاني رفضت اطبخ لهم اليوم !!
فنفست علي
ونفس الشي قبل يومين ضاعت نظارات اختي
الي بالثانوي وجالسه تسال اختي عنها وامي تدورها لها
تجي تنفس علي ان ليش ماتقومين
تدورين معي لها وأختي منسدحه!!
متخيلين؟؟
مشكلتي كنت كذا اي شي يضيع لها اي شي يبونه
انا يعني متكلين علي بكل شي فصرت اسفهه فيهم
احيانا خواتي يأكلون تبن ويسكتون
لكن البلاء ب امي تنفس علي ليش ماقمت اسوي لها
او ادور لها وكانه شي واجب علي !!
كررررررهت نفسي بمكين بالله لو الهروب او الموت
سهل كان من زمان سويته
امي موب عادددددله ابد
لاتقولون كلميها
كم مره أكلمها ونرجع أردى من قبل
او تغارين من خواتك يعني ي اما اخدميهم
ولا ترا تغارين منهم هذا الشي زرعته فيني
والله ان شخصيتي زفت
شخصيتي محطمه مالي شخصيه شخصيتي ممسوحه
امي السبب والله احيانا تجيني حالة احس بكره اتجاه امي واهلي وكل شي من الي سوه فيني لكن
اجلس استغفر مابي اكون سبب عقوق ب امي
حتى لو شي داخل نفسي
بس انا انسانه لي طاقه اجل بكرا لو بتتزوج
بيغثوني كذا ؟
بيتشبون فيني كل شوي ويحملوني مسؤليات اكبر مني
اقسم بالله اللي مرتاحه الرفله سوا زوجه
او خوات اشوف خواتي مايعرفون شي وامي مدلعتهم
زوجة خالي كذا رفله وزوجها مدلعها
لكن السنعه لو بس يوم واحد تتغيرين
او تتعبين ينسفون كل شي سويتيه
السنعه اهلك وزوجك يحسسونك ان اللي تسوينه
شي اجباري مو بكيفك
بنات ابي طريقه اصير رفله تكفون عطوني حل
قبل كل شعري يصير ابيض الحين اكثر من النص شيب
اتوقع لو بستمر كذا ماراح اكمل ٤٠الا شعري ابيض