السلام عليكم ورحمة الله وبركاته
بسم الله الرحمن الرحيم
اخواتي في المنتدى الغالي بدي احكيلكن قصتي بعد تردد كبير ولكن امبارح بس قررت احكي وافضفض بعد ما قريت موضوع اختي مانجو@ تبع التضحيات والتنازلات في الحياة الزوجية
وجزاها الله خير والله يوفقها وينولها اللي ببالها ويسعدها يارب
وكل البنات اللي حيدخلو ويقروا مشكلتي وحتى لو ما رديتو بشكركن على منحي وقتكن الثمين واسأل الله ان يفرج هم كل اخت تدخل موضوعي وتقراني
انا واعوذ بالله من هالكلمة
ضحيت كرمال جوزي وبعدني عم ضحي وما عارفة متى تخلص هالتضحيات وجوزي المصون يحس فيني ويقوم بدوره اللي ربنا الزمه ياه بالاسلام
مشكلتي
نفسي جوزي هو اللي يشيل مسؤوليتي ومسؤولية البيت والاولاد
ونفسي يصرف علي ويضحي كرمالي ويحسسني انه شايل همي وهم البيت والمصاريف متل ما كل الرجال بتعمل
بعطيكن نبذة عن حياتي وحياة جوزي لحتى تفهمو حجم مشكلتي وكمان لترعفو طريقة تفكيري وكمان اديه انا ضحيت وعملت اللي ما يتعمل ولسى بعمل حفاظا على بيتي واولادي
اللي هم بشوف فيهم حنان الدنيا..وضمه واحد من اولادي بتغمرني وبتعوضني اللي انحرمت منه من وانا طفلة صغيرة رغم ان إمي وابي كانو عايشين ولكني كنت مفتقدة الحنان والحب بحياتي
والحمد لله على كل حال
عن نفسي
متزوجة صارلي اربع سنين ونص
الجنسية: لبنانية/ فلسطينية
العمر: 37
التدين: ملتزمة بالحجاب الشرعي والحمد لله
التعليم : شهادة ادارية من الدانمرك
وشهادة ترجمة واشتغلت مترجمة بالدانمرك مدة 5 سنين
اصلا انا عشت 18 سنة بالدانمرك وهونيك نشأت ودرست واشتغلت
واهلي لسى عايشين بالدانمرك
وانا وجوزي عايشين بالسويد مشان عملت استقدام لجوزي عالسويد
والحمد لله مشيت معاملته ولما وصل عالدانمرك تزوجنا بالدانمرك بين اهلي وبعدين انتقلنا عالسويد على بيتنا
جوزي عمره 35
التدين: ملتزم والحمد لله ومحافظ على الصلاة
وبيعيني على تعاليم ديني ودايما نتناقش معا وقد علمني الكثير
ما شاء الله هو فاهم وواعي لدينه وما عنده تعصب لجنسيته بالعكس تعصبه وغيرته كلها على الاسلام
الجنسية: مصري
التعليم: شهادة جامعية
العمل: لا يعمل
ولكنه بيداوم بالمدرسة بيدرس لغة سويدية ويحصل على راتب بسيط وهو راتب الدراسة
عن نفسي
انسانة متدينة والحمد لله
راقية بتفكيري وتعاملي مع الناس
وبكره التكبر والفشخرة اللي مالها لزوم
وانسانة معتمدة على نفسي من وانا صغيرة
واستقليت ماديا بعمر ال 18 بحكم اني كنت عايشة بالدانمرك مع اهلي وهونيك النظام كل واحد بيبلغ سن ال 18 يعتبر راشد ويصرفوله راتب خاص له
وانا من يوم ما صار ينزلي راتبوانا مستقلة ماديا عن اهلي وبصرف على نفسي من الراتب لا وبل بشارك بمصروف البيت من راتبي
فكري بحياتي كان اني اتزوج انسان يحبني ويخاف الله فيني ويكون اد المسؤولية
انا يا بنات ضحيت كتير
اولها اني عملت استقدام لجوزي عالسويد
وهو مصري وكان ساكن بمصر لما شافني وقرر يتزوجني
كنت عايشة حياتي مرتاحة موظفة بوظيفة محترمة وبصرف على نفسي .. وكان آخر همي الزواج
وبصراحة ياما تقدملي عرسان من لبناني وفلسطيني وسوري..كنا نسافر انا وماما اخواتي على لبنان ونصيف هونيك وبهيك كانو الناس يشوفونا انا واخواتي البنات وينعجبو فينا
بس بصراحة اغلب الاوقات الناس يتقدمولنا بس مشان نحنا من الدانمرك وعايشين باوروبا ..رغم انه والحمد لله عنا الجمال والاخلاق والتعليم وماما ربتنا احسن تربية وبتخاف من نسمة الهوا علينا خاصة نحنا البنات لاننا عايشين باوروبا كمان لانه اهلي تطلقو من فترة طويلة وإمي الله يجزاها الخير ربتنا احسن تربية وزوجتنا
موضوع العرسان بلبنان طبعا يعني الموضوع كان اغلبه مصالح ..والناس ما تصدق تشوف وحدة من بره نازلة على لبنان يقومو يقولو عروس من الدانمرك! وكانو الشباب يشوفونا فرص لا تعوض ويتسابقو مين اللي حيتقدم لنا بالاول !!!!!
ياما رفضت اني اتزوج واحد من بره واني اعمله استقدام واسويله واضحي
الفكرة ما كانت ببالي ابدا
وكنت اصلا عارفة انه هالشي حيضر حياتي الزوجية لانه اللي رح اتزوجه واعمله اوراقه انا اللي حقوم فيه من اوراق وسفر ومن تضحيات اول ما ييجي عالدانمرك واساعده واترجمله واعمله كل شي وآخده واجيبه !!! كإنه طفل صغير !
يعني بصراحة كنت فاهمة منيح عواقب فكرة الزواج من بره
لانه بهيك هالرجل حيفقد قيمته ودوره كرجل او كزوج
وانا اللي حبتلي بهالعلقة
وهيدا بصراحة اللي صار بالواقع !
جوزي شافني بمصر سنة 2007
كان يشتغل بفندق عالريسبشن
وشافني وانعجب فيني لانه كنا بالفندق اللي بيشتغل فيه..
بعد ما خطبني خبرني انه كان يراقبني من غير ما انتبه وضلو يراقبني عشر ايام
وانا والله ما ماخدة بالي لاني خجولة كتيير وكمان ماني من نوع البنات اني لو رحت وسافرت اقعد ادور على عريس او اي رجل اتعرف عليه وبعدين اتزوجه لاء بالمرة ما هيك تفكيري والحمد لله
واصلا انا ما بالسهولة انه اي رجل بيلفت نظري !
وكنت دايما فكر انه الله حيبعتلي الرجل اللي بستاهله بدون ما اروح اتعرف واقابل زي ما اغلب بنات بلدي بيعملو ، الا من رحم ربي
واصلا هالفكر هالحركات ما كانت بطبعي كنت صاينة نفسي منيح وما برمي حالي على حدا لا بل بالعكس والله كذا حدا من شباب العيلة حاولو يلفتو انتباهي واتقدمولي ولكن ما كان يعجبني تفكيرهم واسلوبهم
ومرة انخطبت لواحد لبناني مجرد خطبة عالمحبس يعني بدون كتب كتاب ولكني تركته لانه كانت شخصيته ضعيفة وما عنده النضوج اللي كنت اتمناه بشريك حياتي وهالحكي صار بسنة 2001
وبعدين الله راد انا نسافر مصر وشافني جوزي زي ما قولتلكم
بعدين لما صرنا نحكي مع بعض وطلبني للزواج قلتله اني انا بدي استقر ببلد عربي ومسلم وما بدي افني حياتي بالغربة وبخاف اني اتزوج وابقى ببلد اوروبي واربي اولاديوهيك يعني قولتله من البداية على مخاوفي واحلامي
وطبعا قالي انا كمان بدي هيك بس خلينا نكون مستقبلنا واكيد رح نرجع ونستقر بمصر بيوم من الايام .. وانا وافقت ..قدر الله وما شاء فعل
واتزوجنا وجينا عالسويد
وبلش جوزي بمدرسة اللغة وهاي حيصرلنا 5 سنين متجوزين ولسى هو بلا شغل !!
وانا اللي شايلة هموم المصورف والاكل والشرب
والحمد لله عندي راتبي تعويض البطالة لاني كنت موظفة بالدانمرك ونقلت نقابتي عالسويد وكل حقوقي ومشان هيك انا من اول ما جينا عالسويد وراتبي باخده من هون
اول تلات سنين جوزي ما كان ياخد اي راتب
وبس من فترة سنتين بلش يطلعله راتب وبلش يساعدني بالمصروف
اول سنة زواج كانت عذاااااااب يا بنات والله يشهد علي ما كان فيه اكل بالبيت ..كان راتبي ما يكفينا من اجار الشقة والفواتير
وانا حملت من اول شهر وما كنت آكل منيح
وطفلي نزل وزنه قليل كتيير
يعني باللبناني تعتير عالآخر !!
وكنت صابرة وما اشكي حتى لاهلي
ونحنا بغربة ما فيه للا اهلي ولا اهله وما حدا داري عننا اذا اكلنا او لاء !!
وانا عندي عزة نفس كبيرة وما بحب ابدا اكسر نفسي لاي حدا مهما كان
مرة كان خلاص مصاري راتبي خلصو وما في معنا شي ولا اكل بالبيت
وكنت رايحة عندي مراجعة لحملي وانا ماشية بالطريق
والله كنت ادعي الله اني الاقي شي مبلغ يفك ضيقتنا
كنت اقول يارب لو حتى 100 كرون !!
وال 100 هون ماهي شي اصلا
وكنت خايفة على حملي من قلة الغذا وقلة الكل بس الله سترها وتمملي حملي وانعم علي بطفل سليم معافى
وبس ولدته حسيت بفرحة عمري ما عشتها بحياتي
وحمدت ربي على نعمته
وسبحان الله ولدته ونحنا حالتني المادية الله بيعلم فيها واول تلات شهور كانت عذاااب
وبعدين الله فرجها علي ورزقني براتب الامومة براتب شهري ما كنت احلم فيه
واصلا كان اعلى بكتير من راتبي اللي كنت اخده وانا موظفة !!
ومرت الايام وحالنا اتحسن من فضل الله
وحاليا لسى عندي راتبي نفسه تبع النقابة ولكن باخد دعم سكن وبينزلي راتب شهري للاولاد ومستورة والحمد لله
والحمد لله عايشة على ادي واهم شي عندي مصروف الشهر لاني هلاء صرت ام ومسؤوليتي اطفالي اللي هم لهم الاولوية بكل شي
انا كنت عارفة المشاكل اللي حتقابلني بزواجي بواحد من بره وحاطة ببالي انه حصبر معه لحد ما يخلص لغة ويلاقي شغل
والله يا بنات حاسة حالي اني متزوجة بس بالاسم !
ماني ماخدة حقي بالعاطفة ولا بالمشاعر ولا النفقة ولا من تحمل مسؤوليتي ومسؤولية اولادي
يا بنات تصورو انا ما عندي محبس يعني دبلة الله هي رمز انه الوحدة متزوجة اول ما الناس بتشوف بايدها محبس خلاص بيعرفو انها متزوجة
صح هالموضوع ما بيمت للاسلام بشي ولكنه عرف بوقتنا الحاضر
يعني مثلا لما الله فتحها على زوجي وصار ينزله راتب بدال ما يروح يشتريلي محبس احطه بإيدي لحتى ابعد عيون الناس عني قام راح فكر بنفسه واشترى كاميرا ب 4500 كرون
يعني تقريبا حقها 70 دولار !!
وانا خلاص ما بيهم بنظره لبس محبس او لاء
المهم هو واحتياجاته !!
انا انسانة بخاف الله والحمد لله
واي امر بحياتي او قرار بدرسه منيح من جميع جوانبه وبحط باعتباري اني ارضي ربنا وامشي على تعاليم دينا الاسلامي
قَالَ رَسُولُ صَلَّى اللَّهُ عَلَيْهِ وَسَلَّمَ : ( أَيُّمَا امْرَأَةٍ سَأَلَتْ زَوْجَهَا الطَّلَاقَ مِنْ غَيْرِ مَا بَأْسٍ فَحَرَامٌ عَلَيْهَا رَائِحَةُ الْجَنَّةِ )
حطيتلكن هالآية الكريمة لاني يشهد الله اني بخافها كتيير وما بدي اطلب الطلاق مشان بخاف ربنا
بخاف اطلب الطلاق والله يغضب علي ويعاقبني ويسألني بيوم الحساب ليه ما صبرتي؟!!:confused-:(:44:
رغم اني صابرة وبدعي الله يوميا يقويني ويهدي جوزي
وربنا
لا يحمل نفسا الا وسعها
رغم اني تعبانة ورغم اني مضغوطة وانا اللي قايمة بالبيت من مصاريف ومسؤولية وتربية الاولاد واهتمام البيت والطبيخ ومشتريات لوازم البيت
وحاسة اني عايشة بحيايتي مع جوزي اني مظلومة لاني ماني ماخدة حقوقي اللي الله شرعلي ياها
من نفقة ومسؤولية واهتمام والاهم هو مودة ورحمة اللي هي اساس اي حياة زوجية بين اي اتنين واعفاف للنفس وحقوق زوجية
يا بنات انا ما بدي اتطلق وما بدي اخرب بيتي
رغم انه حياتنا صارت شبه مستحيلة مع بعض بسبب مشكلة بعلاقتنا الزوجية مع بعض
والله ثم والله لو ما كان عندي اولادي كنت طلبت الطلاق من زمان لاني ماني شايفة انه جوزي مقدر اللي عملته عشانه ولا كل هالتضحيات والتنازلات
والاهم من هيدا كله انه ما قايم بمسؤوليته تجاهي لا نفقة ولا اهتمام ولا حتى تقدير عاللي عملته واللي لسى عم بعمله كرماله وكرمال بيتنا واولادنا
ولكن عندي طفلين وحقهم علي انهم يعيشو مع اب وبيت مليان حنان وحب ليطلعو ناس اسوياء بالمجتمع
ولكن انا اللي عم بدفع الفاتورة !
فيه اشياء وتفاصيل مهمة بحياتي وبمشكلتي وما ذكرتها اللي هي بخصوص حياتنا وعلاقتنا الحميمة مع بعض
بس باختصار حتى هالشي فيه مشكلة عندي مع جوزي
ولكن حكتفي بذكر اللي كتبته والله يجزاكن الخير على اصغاءكن لمشكلتي
وتكفيني كلمة حق لوجه الله كل وحدة حتقابل فيها ربها بيوم من الايام
ولكن كل التقدير الاحترام
ro7i tefdak @ro7i_tefdak
عضوة جديدة
يلزم عليك تسجيل الدخول أولًا لكتابة تعليق.
سويس
•
الله يفرج همك ، بطلي تسديد فواتير ... الخ قولي لزوجك راتبي ابقضي فيه لنفسي مو لاولادي ، النفقه على الزوج مع عليك ، قوي من نفسك وخلي فلوسك لك ، لا اله الا انت سبحانك اني كنت من الظالمين
lolo 110
•
يا حبيبتي رجال كان معزم يروح عالسويد مبينة الشغلة بدوش يشتغل وبدو مين يصرف عليه
لانها معروفة السويد بالرواتب الي بتنزلها للعاطلين او اللاجئين فهو استغل هالشي
يعني اكيد بيحكي بحالو هي ماتعبت بشي الراتب من الدولة وهي قاعدة وهو لانو مو حاسس بقيمة الفلوس راح واشترى كاميرا
الفلوس الي بتيجي بدون تعب بتنصرف بدون فايدة وبدون تفكير
بدك تحسي انت وزوجك بقيمة القرش ارجعو لدولة عربية تلمكم
روحو عالامارات او اي دولة خليجية.لانو صعبة العيشة بلبنان ومصر
افتحو صفحة جديدة
الا ازا زوجك متزوجك لمصلحة وقتها صعب التفاهم
وبدي اخبرك الرجال بالسعودية انتشرت عندهم ظاهرة الزواج من اخرى على حساب الاولى
بس هالشغلة مو ضرورة تنطبق على كل الجنسيات
يعني لو حكو ضعي سقف لتضحياتك فبقصدو الرجل السعودي
عنا الحرمة الي بتضحي زوجها بحبها بزيادة وبتعيش معاه العمر
والزواج من تانية ما سمعتها ابدا عند اهالينا او ببلدنا
تربينا انو المرة مكملة للرجال والرجال بعمل حساب لكل شي بتقدمو مرتو
بس بحالتك جنسيتين مختلفين فمابعرف ااكدلك ان قصده مصلحه او خلاص تعود على الكسل وما بعمل حساب لشي
لانها معروفة السويد بالرواتب الي بتنزلها للعاطلين او اللاجئين فهو استغل هالشي
يعني اكيد بيحكي بحالو هي ماتعبت بشي الراتب من الدولة وهي قاعدة وهو لانو مو حاسس بقيمة الفلوس راح واشترى كاميرا
الفلوس الي بتيجي بدون تعب بتنصرف بدون فايدة وبدون تفكير
بدك تحسي انت وزوجك بقيمة القرش ارجعو لدولة عربية تلمكم
روحو عالامارات او اي دولة خليجية.لانو صعبة العيشة بلبنان ومصر
افتحو صفحة جديدة
الا ازا زوجك متزوجك لمصلحة وقتها صعب التفاهم
وبدي اخبرك الرجال بالسعودية انتشرت عندهم ظاهرة الزواج من اخرى على حساب الاولى
بس هالشغلة مو ضرورة تنطبق على كل الجنسيات
يعني لو حكو ضعي سقف لتضحياتك فبقصدو الرجل السعودي
عنا الحرمة الي بتضحي زوجها بحبها بزيادة وبتعيش معاه العمر
والزواج من تانية ما سمعتها ابدا عند اهالينا او ببلدنا
تربينا انو المرة مكملة للرجال والرجال بعمل حساب لكل شي بتقدمو مرتو
بس بحالتك جنسيتين مختلفين فمابعرف ااكدلك ان قصده مصلحه او خلاص تعود على الكسل وما بعمل حساب لشي
مانجو @
•
رديت عليك بس في النسخه الثانيه للموضوع هذا
لولو صادقه عندنا الزواج من ثانيه سهل جدا ومنتشر
واحنا نغار وما نرضى بعد كل اللي نسويه
و نبنيه تشاركنا فيه وحده وتاخذه بارد مبرد
شيء يحز في النفس
عشان كذا من البداية تضحيات في اشياء مهمه لا
تضحيات في حدود المعقول عشان حياتي تمشي نعم
و صدقتي نادرا ما نلاقي جزاء حسن على تنازلاتنا
وان لقينا جزاء حلو لابد تشاركنا وحده ثانيه فيه
مثل الزوج الفقير نساعده ونساعده ونساااعده
واذا الله فتحها عليه عوضني لكن تزوج علي
لذلك من البداية اكون عارفه هالسيناريو
اللي 90٪بيصير و احفظ حقوقي و ان تنازلت اتنازل عن شيء بسيط لوجه الله وعشان تمشي الحياة
لولو صادقه عندنا الزواج من ثانيه سهل جدا ومنتشر
واحنا نغار وما نرضى بعد كل اللي نسويه
و نبنيه تشاركنا فيه وحده وتاخذه بارد مبرد
شيء يحز في النفس
عشان كذا من البداية تضحيات في اشياء مهمه لا
تضحيات في حدود المعقول عشان حياتي تمشي نعم
و صدقتي نادرا ما نلاقي جزاء حسن على تنازلاتنا
وان لقينا جزاء حلو لابد تشاركنا وحده ثانيه فيه
مثل الزوج الفقير نساعده ونساعده ونساااعده
واذا الله فتحها عليه عوضني لكن تزوج علي
لذلك من البداية اكون عارفه هالسيناريو
اللي 90٪بيصير و احفظ حقوقي و ان تنازلت اتنازل عن شيء بسيط لوجه الله وعشان تمشي الحياة
مانجو @
•
مانجو @ :
رديت عليك بس في النسخه الثانيه للموضوع هذا لولو صادقه عندنا الزواج من ثانيه سهل جدا ومنتشر واحنا نغار وما نرضى بعد كل اللي نسويه و نبنيه تشاركنا فيه وحده وتاخذه بارد مبرد شيء يحز في النفس عشان كذا من البداية تضحيات في اشياء مهمه لا تضحيات في حدود المعقول عشان حياتي تمشي نعم و صدقتي نادرا ما نلاقي جزاء حسن على تنازلاتنا وان لقينا جزاء حلو لابد تشاركنا وحده ثانيه فيه مثل الزوج الفقير نساعده ونساعده ونساااعده واذا الله فتحها عليه عوضني لكن تزوج علي لذلك من البداية اكون عارفه هالسيناريو اللي 90٪بيصير و احفظ حقوقي و ان تنازلت اتنازل عن شيء بسيط لوجه الله وعشان تمشي الحياةرديت عليك بس في النسخه الثانيه للموضوع هذا لولو صادقه عندنا الزواج من ثانيه سهل جدا...
بس في حاجه مهمه
مو كل شيء نضحي فيه عشان ما يتزوج علي
لا مو كل رجال يعدد لكن الحياة مع تضحيات بلا حدود حياة ممله
كئيبه مالها طعم كل حقوقي رايحه و اي شيء ابغاه ما يصير و الزوج اتكالي كيف بعيش مبسوطه ومتهنيه
فيه مجتمعات التعدد عندهم عيب
لكن شوفي الزوجة لو صرفت من مالها
بيطلع الزوج مجرد مزهريه و يمكن يسكر و يتعاطى
والا كل يوم ابي فلوس والا هات يا ضرب
حياة مع تنازلات =حياة تعيسة
الحياة اللي انتي الام والاب والسواق والشغاله والمربيه وكل شيء =حياة تعييييسه
مو لازم يعدد فيه الف معنى للخسارة لو ضحيت باشياء مهمه
مو كل شيء نضحي فيه عشان ما يتزوج علي
لا مو كل رجال يعدد لكن الحياة مع تضحيات بلا حدود حياة ممله
كئيبه مالها طعم كل حقوقي رايحه و اي شيء ابغاه ما يصير و الزوج اتكالي كيف بعيش مبسوطه ومتهنيه
فيه مجتمعات التعدد عندهم عيب
لكن شوفي الزوجة لو صرفت من مالها
بيطلع الزوج مجرد مزهريه و يمكن يسكر و يتعاطى
والا كل يوم ابي فلوس والا هات يا ضرب
حياة مع تنازلات =حياة تعيسة
الحياة اللي انتي الام والاب والسواق والشغاله والمربيه وكل شيء =حياة تعييييسه
مو لازم يعدد فيه الف معنى للخسارة لو ضحيت باشياء مهمه
الصفحة الأخيرة
انتي ضحيتي كثييييير الله يصبرك ويعوضك عن كل شي والله قمة القهر اذا مابان في عينه
بس ماشاءالله اللي فهمته من قصتك الرواتب اللي ماشيه لكم شكلي بهاجر لدنمارك هع