مشكلتي عمتي أم زوجي ممكن تساعدوني جزاكم الله خير

السلام عليكم ورحمة الله وبركاته
يا اخواتي طالبه مشورتكم :angry: انا خلاص وصلت حدي مليت ما اقدر اتحمل اكثر :06:
راح ادخل بالموضوع على طول وراح ابدأ من البدايه يعني من ليلة الملكه حتى اليوم .
هذا يا طويلات العمر من ليلة الملكه حسيت ان ام زوجي تبي تتحكم في حياتنا شلون ؟ انا اقول لكم
قبل لا تطلع من بيتنا مرتنا بالصاله (أنا وزوجي) قالت له ولدي حبيبي عاد لا تتأخر في الرده للبيت حدك الساعه 12 وهذاني انتظرك ما راح انام انا من هالحظه حسيتها تبي تتحكم بحياتنا ولمه تزوجنا ما عندها شغل إلا انا وزوجي ، وين رايحين ؟ ومتى بتردون ؟ ولا تروحون هذا المكان تراه غالي ، ولى تروحون اماكن بعيده يعني صارت تتدخل في اشياء كثيره في حياتنا وانا صابره وساكته بس علشان زوجي ، وقبل شهر تقريباً قلت حق زوجي ان خاطري نسافر لنا كم يوم ولمه سافرنا وردينا بالسلامه قالت لي انا طوفت لك هذي الحركه بس ابكيفي لكن مره ثانيه ما تسافرون إلا بشوري :mad: ولمه شافتنا سكتنا حمرت عينها :30: وقالت اخر مره اتطاوع زوجتك انا ادري ان موضوع السفره من تدبيرها :11retcher انا خلاص ما عاد اتحمل شي اهانتني قدامه وهو ساكت
في النهايه بررت موقفها وقالت يا ولدي يا حبيبي انا امك واخاف عليك وعلى مصلحتك و السفر يا ولدي كله مخاطر وانا بصراحه اخاف عليك وابغيك جنبي تراني كبرت بالسن وماحد لي غيرك انت واخوانك الله يحفظكم جميع ، انا اخذت اغراضي ودخلت شقتي وحسيت اني مو قادره اتنفس حسيت نفسي مخنوقه ما ادري شنو صار فيني ومن ذاك الوقت إلى اليوم ما سمحت لزوجي انه يلمسني (احس اني فقدت الأمان ) وهو عارف لي وصابر علي ويحاول يصلح الأمور لكن انا صرت ما اثق فيه . شورو علي شسوي انا في حيره كبيره