مشكلتي مع أخت زوجي

السلام عليكم ورحمه الله وبركاته



بقول لكم قصتي من اولها حتى نهايتها وارجو منكم ان تعطوني دقايق من وقتكم لان والله ان صدري ضايق علي ومادري شنو الحل الي اقدر اسويه



انا فتاه عمري 21 سنه اكملت دراستي الجامعية وتوظفت في وزارة في شغله جيده والحمد الله وخلال فترة عملي تعرفت على فتايات كثيرات بعضهم متزوجات وبعضهم لا


ومن بينهم فتاه كانت متزوجه وتكبرني بكم سنه وربطتني علاقه قويه جدا معها خلال سنه فقط من العمل معها ...


اصبحت بالنسبه لي اكثر من صديقه يمكنني ان اقول اني اعتبرها مثل اختي او اكثر


واخوها في يوم من الايام فكر انه يتزوج ورشحتني هي لاخوها طبعا من غير ان اعلم بالموضوع


وتفقو ان يوم تجي هي للشغل واخوها يجي ياخذها من الشغل وطبعا هناك يشووفني

وفعلا صار الشي هذا وشافني وهي عرفتني عليه وقالت لي هذا خوي


انا استغربت من السالفه وقلت ليش يعني تعرفني على اخوها


المهم بعد مده

قالت لي ان اخوها شافني وانعجب فيني وسألو عني وعرفو اني من عائله محترمه وبسيطة فقرر انه يتقدم للخطبه لي وحددو موعد اللقاء مع اهلي حتى يتقدمون لي للزواج


وفعلا تقدموو لي واهلي وافقو عليه لانه من عائله مرموقه ومحترمه وهو انسان ممتاز في حاله مادية ممتازه جدا

وتم الزواج


والمشكله بدأت لي بعد الزواج

فقد احسست ان معاملي صديقتي الي هي تكون اخت زوجي تغيرت بالنسبه لي كثيرا


فلم تصبح الصديقه التي كنت اعرفها قبل الزواج التي كنا نجلس مع بعض في اوقات الدوام ونضحك ونتكلم بأمور الحياه والدنيا


ولكن اصبحت فتاه اخرى لا تعرني اي اهتمام بل بالعكس قامت تسبب لي المشاكل في الدوام


والله والله والله والله اني لا اعرف سبب تغيرها بالنسبه لي


والله اني اجهل التغير هذا



وفي بعض الاحيان كنت اشك في نفسي فقد كنت اقول بين نفسي يمكن اني جرحتها بكلمه او فعلت شئ يقضبها بدون ان احس او بدون ان اقصد واقسم بالله اني لم اقصد والله ما اقوله شهيييييييييد


وحتى اخوها لاحظ هذا التغير من ناحيتها وعندما كلمها بهذا الشأن لم تعره اي اهتمام


بعد ذلك سمعت من فتاه اخرى معنا في العمل بانها كانت تتحدث عني بكلمات غير لائقه عني وعن اهلي


وزوجي علم بذلك فكلمها وحاول التفاهم معها وقالت هي ان هذي الفتاه لا تصلح لك لانها ليست من المستوى المرموق الذي نحن نعيشه واهلها سطحينين وليسو من مستوانا


طبعا الكلام هذا اثر فيني كثييررررررررررررر


ومن يومها اخوها ما يكلمها وانا حاولت اكثر من مره اني اصلح من بينهم لكن مافي اي فايده اخوها الي هو زوجي يرفض حتى ان يسلم عليها


واما هي تقول ان انا هي سبب المشاكل هذي كلها التي جرت بينها وبين اخوها



اريد الحل والله اني عايشه بضيقه


توني عرووس جديده


للحين ما صار لي 4 شهور من تزوجت


اجل بعدين شنو بيصير فيني


اذا انا توني عروووس والمشاكل تمت تهل على راسسسسسسسي


ووو والله اني احب صديقتي الا وهي اخت زوجي حاليا :06:

حبيبتي الله يعينج انا صارت لي سالفه مقاربه لج تقريبا
بس بما انها ماتبي تصلح الامور انسيها ولا تحطينها في بالج
اهم شي انج ما اذيتيها بشي واذا اهي موعاجبها شي فهذي مشكلتها ومو مشكلتج
الي عليج سويتيه حبوبه واهي ماتبي صلح الامور لاتحطينها في بالج وتابعي حياتج ولا عليج منها

اختي الماسه

شكرا على ردك السريع


وانا فعلا فكرت بنفس طريقتك

لكن الصراحه ما اقدر ،، نفسيتي تعبت ،، كرهت حياتي ،، وحياتي الزوجيه ،، مع ان الزوجي والله والله انه مو مقصر معاي بأي شي بس انا ما احب اعيش بكراهيه

ما احب اشووف اني منبووووووووووووووذه


الله يهديها بس


تدرون حتى والله يقولون لي في الشغل ما عليج منها هذي لانها محتره منك هي كبيره وللحين ما تزوجت وتشوفك سعيده مع زوجك وبالسبب تحاول انها تقلب حياتج جحيييييييييم



بسم والله انا اعرف انها مو من هالطبع ولا تفكيرها جذي

بس هي خلت البنات يخذون عنها فكره شينه


اللحين المهم انا لازم احاول الصلح العلاقه الي بيني وبينها

وبالنسبه لي انا ما يهمني اذا تصلحت علاقتها ويه اخوها هم بكيفهم يتصالحون يتذابحون اخواااااااااان وكيفهم


لكن بالنسبه لي انا لاااااااااااااااااااا


ابي اصلح العلاقه الي بيني وبينه والله مو علشان خاطره ولا علشان اني انا غلطانه لا بالعكس انا ما حب المشاكل ولا عوار الراس وخلتني اكره حياتي وخلتني اندم قد شعر راسي ان تزوجت اخووووووها

حبوبه اذا مصممه اخذيها على جنب وقوليلها هل انا غلطانه معاج في شي هل جرحتج في شي
وشوفيها شنو تقول بس لاتضايقين روحج
واذا كانت مصممه على موقفها خليها براحتها وانتي لاتعورين راسج ترا الدنيا ماتسوى والي مافيه خير ويرد الطيبه الي فيج تراه مايستاهل

كذا فجأه وبدون سبب !!

يمكن حست انك بعد الزواج بعدتي عنها واهتميتي بغيرها فاحست بالغيره والانانيه بمشاعرها طبعا ً هذا شعور غير سوي لكن متوقع !

الافضل تواجهينها بس بكل هدوء ومحبه وتوضحين لها انها غاليه جدا ً عليك وان زواجك ماله علاقه بمعزتك الكبيره بقلبها الي ماتغيرت ولا راح تتغير

وذكريها بايام اول وكيف محبتكم لبعض وعلاقتكم وتسليتكم امسكي يدها وقولي لها صارحيني يافلانه وش فيك ليه كذا تغيرتي علي وخليتينا نبعد عن بعض ووضحي لها انك مره متضايقه وتعبانه من كذا

وان شاء الله يارب تصارحك وتهدى الامور وترجع المياه لمجاريها

وبالتوفيق ياقمر :26:

..

.