السلام عليكم ورحمة الله وبركاته
يا بنات انا صار لي موقف مع ابوي من اسبوع
القصة بالمختصر كان علاقتي بابوي ممتازة وأنا اللي أجلس عنده وأوسع صدره وسم يبه وش تبي وهو بعد ما يقصر مع أن عندي 5 إخوان وأخوات غيري لكني اكثرهم تعلقاً فيه
المهم ذاك اليوم قام يسولف عن أشياء غريبة
ويدخل من موضوع لموضوع ويلف ويدور
وصدمني بموضوع كان أول مثبت لي وجهة نظره في شيء والحين قال عكسها ويقول انا اصلا اشوف انه كذا وأن وأن وأن
سكت، ما توقعت أن ابوي يكون بهالصورة
هو كان يكذب على عشان يقربني منه أكثر؟ ولا يوم حس بالشيء من طرفه غير رايه ؟
كنت تقدس ابوي تقديس لفكره وعمله وآرائه
صح إني كنت أختلف معه في كثير أمور لكن احترم رأيه لأنه ثابت
لكن بعد ذاك اليوم حسيت حتى الحب اللي عندي له قل معد صرت أجلس معه ولا افاتحه بموضوع
ولا لي نفس احاكيه
يكلمني وارد غطاها يسلم بمثلها أو أفضل منها ارد
الآن مر اسبوع تقريبا على اللي صار وجت امي ضغطت علي اعلمها وش صاير وانا كنت انكر ان مافي شيء تتوهمين قلت لها قالت أبوك متألم مسكين وما حكى لي بس انا حسيت ولا حتى سألته وانتي الغلطانة وإذا رجع تسامحي منه وانتهى الموضوع طبعاً سكت ما قلت شيء
لأن اخواني ما يجونه إلا يبون منه شيء وأنا حسيت اني مثلهم ليش هم مب غلطانين؟ ليش محد يعاتبهم؟ ليش يعطيهم اكثر وأحسن مني ؟
الحب مب بس انا اقدرك انك بنتي واحبك أكثر منهم اثبت لي طيب ؟
والله اني جدا متضايقة يعني معد اتحمس إذا قرب وقت رجعته من الدوام وأجلس معه واسولف عليه أحس خلاص معد ابي
شوروا على يا بنات وش اسوي؟
اخاف ارجع ويحسب نفسه أنه صح وأخاف أترك ويصير له شيء لا سمح الله لأنه مريض بالقلب ومعرض لجلطات
الله يجزاكم خير
GSMH @gsmh
عضوة جديدة
يلزم عليك تسجيل الدخول أولًا لكتابة تعليق.
الجنة اغلى لقاء
•
شو الموضوع الي كلمك فيه وخلاكي تكرهينه لهالدرجة بعيد الشر؟؟؟
موضوعك مبهم ياقلبي
لكن على حسب الموقف اذا يمس شخصيتك او كرامتك
اما ان كان مجرد راي بموضوع عابر
فياحبيبتي اراءه ومبادئه له ولا من حق احد يحاسبه
ولااعتقد انه شي ممكن يسبب بينكم حساسيه
هو اب وهذا المهم
لا تسمحي لنقاش يسبب فجوه بينكم
وانتبهي تكوني سبب لتعبه
الاب نعمه وطالما تعب وتضايق لبعدك فمعناه انك جد المميزه والاكثر محبه بين عياله
حافظي على مكانتك واجرك عند ربك مايضيع
الله يوفقكم ويسعدكم
وبشرينا بصلحكم 🌹
لكن على حسب الموقف اذا يمس شخصيتك او كرامتك
اما ان كان مجرد راي بموضوع عابر
فياحبيبتي اراءه ومبادئه له ولا من حق احد يحاسبه
ولااعتقد انه شي ممكن يسبب بينكم حساسيه
هو اب وهذا المهم
لا تسمحي لنقاش يسبب فجوه بينكم
وانتبهي تكوني سبب لتعبه
الاب نعمه وطالما تعب وتضايق لبعدك فمعناه انك جد المميزه والاكثر محبه بين عياله
حافظي على مكانتك واجرك عند ربك مايضيع
الله يوفقكم ويسعدكم
وبشرينا بصلحكم 🌹
GSMH
•
الموضوع تقريبا للي ما فهم اننا تربينا عل. فعل الصح واللي مقتنعين فيه بدون لا نضر احد وطول عمرنا عايشين على كذا لكن فجأة قال اننا لازم نساير المجتمع حتى لو ما كان ودنا وفي داخلنا شي ثاني انا انصدمت مو هذا ابوي مب هذا كلامه مب هذا تفكيره وهو كان يقصد شي محدد فيني والصراحة حسيت أحد لاعب براسه أو سمعه كلمتين غيرته
GSMH
•
GSMH :
الموضوع تقريبا للي ما فهم اننا تربينا عل. فعل الصح واللي مقتنعين فيه بدون لا نضر احد وطول عمرنا عايشين على كذا لكن فجأة قال اننا لازم نساير المجتمع حتى لو ما كان ودنا وفي داخلنا شي ثاني انا انصدمت مو هذا ابوي مب هذا كلامه مب هذا تفكيره وهو كان يقصد شي محدد فيني والصراحة حسيت أحد لاعب براسه أو سمعه كلمتين غيرتهالموضوع تقريبا للي ما فهم اننا تربينا عل. فعل الصح واللي مقتنعين فيه بدون لا نضر احد وطول عمرنا...
الله يجزاك خير يا لولوو لكن مدري كيف أبدأ هل أجلس معه إذا رجع زي أول ولا إذا دخل اهلي فيه زي العادة كأن ما صار شي؟ ولا أبدأ شوي شوي ؟
الصفحة الأخيرة