مشكلتي مع اختي الله يهديها

السلام عليكم ورحمة الله وبركاته

يا بنات اختي الله يهديها ما ادري وش فيها .. ما احس انها اخت ما احس انها تكن لي اي موده

من زمان كنت اعدها صديقتي وروحي واشكي لها همي واقول لها اسرار بيتي واحبها من كل قلبي

لكن تصرفاتها الله يهديها تضيق الصدر .. والله ما اقدر اقول هالكلام لاحد حاشرته في قلبي ومقهوره

احس انها ودها تحطمني باي شكل

اول ما لاحظت هذا الشي كانت فترة خطوبتي وايام ما كنت اجهز كانت كل ما اشتري شي تقول لي مو حلو وانا اثق في رايها كثيير واراوح على طول ابدله .. وفي تجهيزات العرس كل ما بغيت اسوي شي تقول لي ما يحتاج ما يحتاج
لدرجة انها قالت لي ما يحتاج تلبسين طرحه في العرس هذي حركات قديمه وأخذت بشورها وما لبست طرحه
والكل سالني ليش في زواجك ما لبستي طرحه ؟؟

المهم صارت احداااااااااث كثيره وانا كل ما احس ناحيتها بشي اتعوذ من الشيطان واقول هذا الشيطان بيخرب بيني وبين اختي

يعني ما ادري وش قول لكم يا بنات اذا لبست تقول لي مو حلو والمشكله قدام الناس اذا سافرت مكان تقول مخيس محد يبيه اذا سويت طبخه تقول شينه
حتى عيالي تتمسخر عليهم

وهاليومين الله يهديها ماسكه علي كل ما شافتني قالت يبي لك عملية تجميل بخشمك انا امزح معها واضحك بس انها زودتها صارت كل مره وتقوله قدام الناس .. وبعدين ما تحب احد يمدحني في شي كل ما احد مدحني لااااازم تنفي مدحته يعني لو اسوي ميك اب واحد يمدحني تقول ليتكم تشوفونها وهي توها قايمه من النوم بدون ميك ولا غيره
وكل ما شافت وحده في نفس سني تقول لي شوفي فلانه كبرك بس انتي شكلك مثل امها
وانتي شكلك عجوز وانتي وانتي

وانا زوجي نفس عمري وكل طاري تقول المفروض الوحده ما تتزوج واحد كبرها شوفو اختي الحين شكلها اكبر من زوجها
بكره هي بتصير عجوز وهو لسه بشبابه

يعني لو وحده ما تعرفينها ما تقولين لها الكلام هذا عشان ما تجرحين مشاعرها صح والا لا يا بنات

والله مدري وش اسوي معاد احب اكلمها في التلفون واتجنب الجمعه اللي هي فيها