مدرى شقولج

{يا أيها الذين آمنوا إن من أزواجكم وأولادكم عدوا لكم فاحذروهم وإن تعفوا وتصفحوا وتغفروا فإن الله غفور رحيم}
اذا من الاولاد والازواج وهو اقرب الناس قطعه من الروح تصير طفل ممكن يصير عدو لاهله
فمابالك با الاخوه وهذا وارد لان الشيطان مامات
الحسد والغيره موجود ياعزيزتي بين الاهل يمكن من كانت كبيره وجيتي انتي وانتو صغار والوالده ماهتمت من غيرتها منك وهذا وارد ان الاطفال والبنات خاصه يغارون من بعض ويكبرون وتكبر ها المشاعر معهم ويتدخل الشيطان وتكبر معهم
يمكن انتي اجمل منها او مقربه من اهلك او اجتماعيه او سعيده بحياتك مع زوجك وعيالك او على الاقل ما تتشكين وقانعه
والرسول صلى الله عليه وسلم يقول (كل ذي نعمة محسود)
والحسد ماله دخل باخوه او علاقة دم
والعين حق وتجي من محب فمابالك من حاسد وانتي سمعتي اكيد بقصة الام اللي نظلت بنتها يوم زواجها وانعمت البنت وما راجع لها بصرها الا لما ماتت الاو وكان ها الشي مو من كره لا من اعجاب وحب بس الشيطان شاطر
كل ها الكلام عشان اوضح لك نقط مهمه
اول شي لازم تحصنين نفسك
ثاني شي علاقة الاخوه اروع علاقه بس لها حدود والاذى مهو مقبول من الوالدين عشان يقبل من غيرهم (متى استعبدتم الناس وقد ولدتهم امهم احرارا )
والمؤمن ملزوم يحافظ على جسده وعقله لانه مو ملكه ملك لله والاذى النفسي والله اخطر من الاذى العضوي اللي بجراحه بيطيب
لازم تصارحينها وترفضين ها اللي تسوينه من دون حده وتشنج خاصة الله يهديها انها قامت تتكلم قدام الغرب وهذا ما يجوز تفرجون الناس عليكم
حتى لو زعلت وثارت ما راح تطلع عندك اهم من نفسك ونفسيتك وزوجك واولادك لان اللي يتوتر او ينضغط يتغير مزاجه على الكل
خليها تزعل وقولي لها انا تعبت وان كلامك معها انما هو عتب وتوضيح نقاط والحق وانا اختك ما يزعل
المواجهه والصراحه اهم شي في أي علاقه
لانه يا انه كذا أي المواجهه او السكوت
المواجهه انتي متخوفه منها عشان ما تزعل
والسكوت اتعبك وقهرك وماهو حتى مخليك تقدرين تفضفضين لاحد
شوفي يمكن اختك متسلطه بس وفاهمه دور الاخت الكبيره غلط
يمكن متحكمه وما تحب أي شي يصير الا بعلمها او رضاها
يمكن عندها نقص وما تبي احد افضل منها
يمكن تمزح او عدم مراعية لمشاعر غيرها
كل هذا وارد بس كله وايا يكن لازم تواجهينه او تحتسبين بسكوت عند الله وترضين الضيم
ادعي لها الله يهديها ويالف بين قلوبكم ويبعد الشيطان ونوازغه عنكم
ويريح بالك ويعمر لك روحك ودارك برضاه
دمتم بود

خذيها مني
قوليله بصراحه لاتتكلمي فيني قدام الناس

في اخت تسوي سو اتك شكلك
هي بتزعل بس اهم شي راح تفكر قبل ماتتكلم
او قولي لامك تكلمها
الله يصلحه

الله يهديها ويصلحها وربي مافي زي الاخوه

هي شكلها تغار منك .. يمكن لانك احلى منها او اصغر منها او وضعك الاجتماعي احسن من وضعها

او زوجك احسن من زوجها .. الله اعلم وش السبب

بس اكيد فيه سبب ..!!


حاولين تكتشفين السبب ولابد من الصراحه بينكم

اتكلمي معها من منحنى ديني .. يمكن يلين قلبها

الله يصلحها بس

يمكن هي تلاقي منك كلمات او مزحات وتاخذها بجد وتجي ترد لك الصاع صاعين

صارحيها يمكن في شي مضايقها منك موقف او كلمه

والله يخليكم لبعض :)