السلام عليكم خواتي الحوائيات
خواتي انا متوتره وقلقه بخصوص شغله يمكن البعض يوفها شغله عاديه وماهي مستحقه اني اجي واكتبها على صفحات المنتدى لكن وربي وربي انه مافيه غيركم الجأله بعد الله سبحانه وتعالى لاني والله يشهد علي معتبرتكم خواتي وصديقاتي حتى وان كانت مشاركاتي قليله بحكم انشغالي الدائم لكني دايم اتابعكم وتعجبني مساندتكم لبعضكم الله يخليكم لي ولايحرمني منكم
انا امرأه متزوجه لي سنه ونص بدون اطفال والحمدلله لي شخصيتي المستقله وشخصيتي قويه احيانا لكني عاطفيه بسرعه اتأثر من اي موقف وهذي سمه في بنات حواء لكنها تختلف حدتها من وحده للثانيه المهم ياغالياتي علاقتي بزوجي ماتطلع برا البيت وخاصة اهلي وتلاقوني في بيتي لي كياني ووجودي لكن في بيت اهلي العكس تلاقوني دايم ساكته ومالي كلمه بسبب اختي الكبيره اللي ماسكه زمام الامور احيانا انا والله مااغار منها بلعكس من حقها بحكم سنها وخبرتها بالحياة اكثر مني لكن احيانا توصل انها تتدخل فيني وتنتقدني قدام خواتي وامي من ورا ظهري والله يهديها امي تسمع لكلامها وتتغير نظرتها لي بدقيقه وينفر راسها من كلامها ومشكلتي انا مو من الناس اللي يطنشون لا تتعب نفسيتي من التفكير وفكره تجيبني وفكره توديني وممكن اجلس يوم كامل متنكده عشان امي واختي ينتقدوني ويتغيرون علي المهم ياطويلات العمر راح احكي لكم مواقف اختي معي
هذا ياطويلات العمر اختي دايم تنتقدني عند لبسي وتقول اني انا احب اجمع الملابس واشتري دايم بحكم اني احب التجديد بين فتره والثانيه والله والله يابنات ان اختي هذي ماتطلع من الاسواق طول وقتها تقضى لها ولعيالها لدرجه انها من اول زواجها قبل 12سنه الى الان وهي معوده زوجها لازم بالسنه يسافرون مرتين (رحلة الشتاء والصيف)
عشان تتقضى ملابس لها ولاولادها الا هالسنه ماسافرت الامره بحكم انهم بيسكنون بيت جديد وبتخف ايدها شوي المهم انا كل ماقلت بشتري الفستان الفلاني او البلوزه الفلانيه تقعد تتفلسف علي انتي عندك ووشوله تشترين ومن هالكلام وتقعد تتطنز وتتريق علي وخاصةً ايام تجهيزي كل ماجيت اشتري شي تكرهني بعمري لحد مااشتريت اشياء مالها داعي لاني طلبت من النت من ورا ظهرها وجتني الاغراض مش حلوه لانها اذاكنت بالسوق مااخذ حريتي معها ومااقدر اطلع بروحي قبل فاضطريت اطلب من النت وياليتني ماطلبت وبعد زواجي بكم شهر جاء الشتاء واشتريت ملابس شتويه على قدي هذا الكلام العام الماضي فجيت اقيسهم هالسنه لقيتهم كلهم ضاقوا علي وجسمي تغير بعد زواجي سمنت حبتين على ملابسي وتعرفون عيد الاضحى على الابواب وبروح يوم العيد اسلم على اهل زوجي والكل راح يكون موجود فلازم البس شي حلو ومرتب فلقيتها فرصه ان اختي الثانيه سافرت فوصيتها تدور لي على فستان مرتب احضر فيه العيد ’’ اختي جابت لي فستان موعلى الطلب بس الشكوى على الله حاسبتها عليه وراح البسه ان شاء الله هذا الكلام امس طبعاً امي كانت تمدح في الفستان وعاجبها جاء اليوم تغير الوضع وامي صارت تتطنز فيني زي اختي الكبيره وبالزور يالله تكلمني بالتليفون وترمي كلام علي فعرفت ان اختي الكبيره لها يد في الموضوع وصارت تهمشني في كل كلمه اقولها( للمعلوميه امي تتصرف مع الكل في هالتصرفات اذا اختي الكبيره تدخلت)والمشكله امس طالعه من عند امي وهي راضيه عني ومتحسفه على روحتي واليوم بالزور تكلمني :mad:
المشكله انا اشتغل عندي جلد الذات ولوم نفسي وكرهت الفستان وساعته وياليتني مافكرت اشتري
طيب ياخواتي دلوني امي واختي اذا جلسوا يرمون الكلام علي وش اسوي اطنشهم والا ادافع عن نفسي .. وبالنسبه للفستان البسه لاهلي يوم العيد والا البس شي ثاني لاني مالي خلق تعليقاتهم البايخه؟؟
للمعلوميه اختي هذي احيانا ابي منها حل يخصني انا وزوجي في بعض الامور ماتعطيني وجه وتصد بوجهها عني حتى مااسألها عن شي واذا خبيت عنها اموري تتشره علي وتزعل واخر حل افكر اجربه معها اني اصارحها لاني حزتها راح ازيد الطين بله
خواتي انا عارفه ان المشكله ماتستاهل تاخذ حيز في صفحات المنتدى لكني والله العظيم مالجأت لكم الا لاني محتاجتكم وطمعانه في حلولكم وحابه افضفض لكم الله يخليكم لاتطنشوني وحاولواترفعوا الموضوع ولو بدعوه حلوه
احلام مستحيله @ahlam_msthylh
عضوة جديدة
يلزم عليك تسجيل الدخول أولًا لكتابة تعليق.
الله يهديها مدري وش أقولك بس بالنسبه للبس يوم العيد اذا عاجبك البسيه ولاعليك من احد واذا لا شوفي لك شي غيره وانا اشوف انك تطنشين احسن ولاتفكرين بها تتعبين مخك ليه والله يرزقك الذريه الصالحه عاجلا غير اجل
ماني شايفه مشكلة حقيقة
اختك اذا هي تغلط عليك ..احقريها سلمي وادي الواجب واذا غلطت عليك دافعي عن نفسك ..اما امك توددي لها بالهدايا والكلام الزين
وخليك واثقة من نفسك ومن ذوقك ..اذا انتقدوا ملابسك قولي لهم بكل ثقة عااااجبني
اختك اذا هي تغلط عليك ..احقريها سلمي وادي الواجب واذا غلطت عليك دافعي عن نفسك ..اما امك توددي لها بالهدايا والكلام الزين
وخليك واثقة من نفسك ومن ذوقك ..اذا انتقدوا ملابسك قولي لهم بكل ثقة عااااجبني
الصفحة الأخيرة
لا كن مشكلتها تبغى تفرض كلمتها عليكم بس احترميها لجل امك واذا زودتها طنشيها
واذا الفستان موعاجبك اشتري واحد ثاني والبسيه عند اهل زوجك والي شرته اختك البسيه عند اهلك عشان ماتزعل امك واختك
والله يصلح حالكم