مشكلتي مع ((التاوة والجبنية)) تكفوون ساعدوني

هلا اختي
خذي الطريقة هذي وبتدعين لي
بيضة + 1 ملعقة كبيرة زيت + نص ملعقة صغيرة فانيليا + نص ملعقة صغيرة بكنج بودر + كاس صغير جبن بوك تخلط جميعا وتضيفين عليهم كاس الى كاس وشوي طحين لين تتماسك
وحطي طحين وانتي ترقينها واقليها بزيت غزير وادعييييييييييييييييييلي بالحمال

هلا اختي
طريقتي في التاوه بسيطه وناجحه ان شاء الله / مقاديرها مكونه من دقيق اسمر شوي ملح شوي سكر واعجنيها بالماء حتى تصبح مثل عجينة المرقوق او الفطائر
بس السر فيها انك تعجنينها بدري اي صباحا وبدون خميره وبعدين قبل ما تسوينها بساعه تقريبا تقطعينها كور صغيره ويدك مدهونه بالزيت وتغطينها ، إذا جيتي بتسوينها لا تفردينها بالنشابه سويها براحة اليد وهي مدهونه بالزيت ثم حطيها بالزيت الحار جدا وشوفي اشلون تطلع قنابل .
دعواتكم لي بالذرية الصالحة

شوكة وسكينه
مشكوووره اختي ويعطيك العافيه ماقصرتي
الله يرزقك بالاولاد الصالحين عاجلا غير آآجل

طيف الريف الف شكر يالغاليه وماقصرتي
الله يرزقك الذرية الصالحة

ياصغر الفرح

لازم يكون الزيت حار مره اذا بغيتي تقلين

واذا بغيتي تفردينهن لا تخلينها رقيقه مررره تصير وسط بين الرقيقه والسميكه عشان تنتفخ معك

عروق نجد الف شكر لك يالغاليه بس ما أقليها إلا والزيت حار
فيه سبب قالت لي عنه وحده من قريباتي واعتقد انه هو السبب بجرب الحين وارد عليكم اذا صح