خواتي اللي معظهم كتبوا

أبيههم يوضحون أكثر

أشغل الموووية الين يطلع البخار وأدخل أدهن جسمي

أو أشغل المووية وأجلس تحتها بعدين أنشف جسمي وأدهن

وضحوا بارك الله فيكم

رفع

تسلمون حبيباتي
بس والله ضعت بين الطرق
راح اجرب لحد ماتنفع وحده منهم

ررررررررررفع

بيوم من الأيام طقت براسي الا القالي شين زين أزين به خشتي او بالأحرى انظف ترسبات جسمي من دهون ومن جلد ميت والذي منه
لاتقولون شكل ماعندتس سالفة
كل شي فكرت اسويه بس العجز يسوي كل شي
المهم تجيني اختي ذاك اليوم وتقولي لقيت لي ياشموخ مجموعة مغربية وبسعر خيالي قلت شكل ماعندهم سالفه دام سعرهم خيالي
قالت ليه
قلت لها بنفسي شارية بس السائل بلحاله 40 ويقالها مسويه شي وعطتني ليفة مغربية مجانا اعتقد الكل يعرفه
المهم اختي مدحته وقالت لي وش انتي خسرانه ترى كله ب 30 ريال قلت لها مافرقت يعني الا 10 عن اللي شاريته من زمان
قالت بس هذي مجموعة كاملة قامت تعد علي وش اللي داخل المجموعة
صابونتين <<< قلت شكلها صغيرة الا مب مصدقتهم
و صابون سائل لونه غامق فيه ناس ماتحب ريحته وأولهم انا لان جربت ريحته يوم اشري ب 40
وبعد معه كيس صغير فيه طين مجفف وليفه سودا وحجر
المهم ماتحمست ابدا على الموضوع
وبيوم من الايام تجيني اختي اثاريها شاريتن لي مجموعة قالت استخدميه وبلا عجز قلت لها السالفة مو سالفة عجز بس مو مقتنعة فيها
ناظرت لي قالت جربتيها قلت لا
قالت جربيها بعدين علميني اذا اقتنعتي ولا لا
المهم وفي صباح يوم الثلاثاء الموافق 18/ 2 / 1430
الساعة 9 صباحا قررت اجرب المجموعة
قلت لنفسي انتي ياشموخ مو مقتنعه لكن لازم انك تثبتين انها خرطي وماعندهم سالفة <<< خبيثة افكاري هههههه
المهم وادخل لدورة المياه ومعي بخاخ ماء ورد وصحنين وملعقة بالاضافة للفاشكول والشامبو وصابوني السائل وليفتي العادية
بللت جسمي وحطيت ع شعري فاشكول ورفعته على فوق واجيب كم كسرة من الطين واحطهم بصحن واحط عليهم موية ورد وبعدها وزعت الكمية على وجهي
اخذت ليفتهم السوداء ونقعتها بمويا حارة
بعدها اخذت ليفتي العادية وصابوني السائل العادي وأخذت افرك بجسمي كالمعتاد غسلت جسمي وأخذت صابونتهم ومررتها على جسمي حد ماشفت الرغوة طلعت بعدها اخذت ليفتي وأخذت افرك بجسمي بعدها غسلت جسمي ونشفته
أخذت من الصابون السائل حق المجموعة وحطيت حساب ملعقة بالصحن وبديت آخذ من الصحن واوزع على كل جسمي
بعدها انتضرت 20 دقيقة قعدت افرك رجولي بالحجر وانظفها وممكن بهالثلث ساعة تزينين اظافرك او تدلكين شعرك
بعدها جبت مويا دافية وحطيتها قدامي وأخذت ليفتهم وبديت اغمسها بالمويا وبعدها افرك بهالجسم واغمس الليفة وفرك بهالجسم بتشوفين الترسبات بعيونك ورح تنبهرين مثل ما أنا انبهرت
بعدها غسلت وجهي وغسلته بموية ورد وكملت حمامي عادي بعد ماسرحت شعري وحطيت لوشن على جسمي جبت موية ورد مثلجة
وبعد ماخلصت من كل شي لاحظت اني استهلكت تقريبا 3 ساعات من الوقت
واللي تطبق اللي قلته تقولي وش صار على جسمها
طبعا ناوية كل اسبوع اسويه باذن الله
عاد يابنات وللذمه سمعت ان فيه انواع بنفس مسمى هالمجموعة يعني موب كلهن مثل بعض
واللي تبي المجموعة وبسعر حلو تقولي لأن كل ماكثرت الطلبات طلع السعر أقل
طبعا ألبي بس لبنات الرياض
وحاليا ماعندي اي مندوبة خارج الرياض
وما أبي غير دعواتكم الطيبة
ايه صح نسيت لأقولكم اسم المجموعة مجموعة الطاووس
ياليت اللي دايم يشرونها يبلغوني بكم عادة يلاقونها لأني ناوية اكسر الاسعار <<<< تسمع بتكسير الاسعار هههههه
المهم لاتسوني من دعواتكم
وخبروني وش يصير معكم