مشكلتي مع اهل زوجي

السلام عليكم
اخواتي ابختصر الموضوع عليكم ،، مشكلتي مع اهل زوجي من اول ماجيتهم ينتقدوني عند زوجي وهو يجي ينتقدني بعدين تطوروا يكذبون علي وعلى اهلي إذا صارت عزيمه عند اهلي قالوا فلانه قالت وفلانه قالت يقصدون خواتي ، وحتى امي ماسلمت منهم يتكلمون فيها ، ما استقبلتنا زين ، مادري وش سوو ، وأقرا رسايل مرسلاتهن لزوجي اذا تهاوشوا أعوذ بالله منهن ومن شرهم كلامهم بين بعض فحش وسب ، الفاظهم وسخه حتى الخوات بينهم ، انا اول ماقريت الرسايل ماصدقت وبس صراخ ويتخانقون بين بعضهم ، شوي شوي تطور المشكله الحين صار زوجي مايشوفني الا يصارخ علي ويتخانق معي ويتلفظ علي ويهددني بالزوجه الثانيه وبالطلاق !! مرات يمد يده ، كنت اقرأ برسايلهن اخته تقوله ندري هي زوجتك الي مشيتك مو انت لو انت رجال كان تضربها كف وتخليها تجي تسلم على اهلك !! ومن كثر مايقولون له مانت رجال ! صار يبي يصير رجال يهزئني ويسبني (يعلم الله ماجيتهم الا بالخير وكنت احبهم واعزهم وأزورهم واضيفهم واعزمهم واسوي لهم
حلويات واجمل ضيافه وجوني بالشر والتبلي وبالظلم)

تدرون الحين المشكله انا الحين تعبانه وصلت مرحله التعب النفسي صارت حياتي كله سب وهواش وانا بس ساكته ما اسوي شي ابي الحياة تمشي مرات اقول ليش انا اتحمل اهانه كل يوم ليش ماروح عند اهلي وكلن يروح بحاله !! صرت بس افكر فيهم راسي تعب افكاري كله فيهم حتى شكلي ونفسي ما اهتم فيها والله حتى صلاتي ما اركز وش قريت ما انتبه لنفسي الا افكر وبس خايفه منهم اقول الحين وش يبون يسوون شي جديد ؟
تعبت ابي اطنش ومايهمني وما افكر فيهم شلون ؟