السلام عليكم خواتي بنات حواء
اولا احب اقولكم اني عضوه مسجلة وقديمة بهالمنتدى بس سجلت بمعرف ثاني عشان الكل عارفني من معارفي بذاك المعرف فماحبيت مشاكلنا احد يعرفها
بدخل بالسالفة على طول
انا والله يابنات عمري كله ماشكيت لحد وحتى المنتدى ماحب اشتكي فيه لاني اخاف ان الرد يكون فيه تجريح والا اخاف من عدم فهم بعض العضوات لي
لكن هالمشكله وربي ماقدرت عليها وعجزت احلها
انا سلمكم الله البنت الوحيده لاهلي وعندي اخوان ولله الحمد والمنه متزوجين والله يوفقهم ان شاء الله
وعادتنا طيبين لابعد حد مو مدحة لنا لا والله بس اوضح لكم انا مو مثل بعض الناس الي يقول ام زوج واخت زوج لا والله نحبهم ويحبونا وهذا فضل من الله ولله الحمد امي معهم مثل العسل وانا كمان وحريم اخواني كمان كويسين معنا ماراح اظلمهم والله
بتقولون وين المشكلة
انا قريبة لحريم اخواني الحمدالله بالرغم انهم مو من القرايب لكن كلهم عندي عزيزات وغاليات
وبعضهم يشكي لي اذا جت عنده مشاكل واسوي الي انا اقدر اسويه الي هو الدعاء بس
لكن انا ماعرف للمشاكل الزوجيه صح انا كبيره وعمري 28 سنة بس مو متزوجه
عشان كذا انا ماعرف احل ولا اربط في هالمشاكل
ووحده من حريم اخواني معتبرتها مثل اختي في بعض الاحيان تحصل بينها وبين اخوي مشاكل (وللعلم اخوي موب راعي هالسهرات بالاستراحات او هالسكير لاااااااا يارب لك الحمد ) لكن كل بيت لابد تكون به مشاكل سواء كبيرة او صغيرة وتجي وتشكي لي انا في وقتها ماقدر احكي الا بس اقول لاحول ولاقوة الا بالله عليك بالصبر وعليك بسهام الليل ادعي ربك ان الله يصخره لك مع انها والله العظيم ولا اكذب عليكم تتكلم وتتفوه على اخوي بكلمات تهز الجبال طبعا هالحكي تقوله لي وانا ساااااكته ومتحملة قلت بوقت غضب ماراح اناقشها ولاراح اقولها شي وانا اعرف الشخص اذا انفعل يقول اي شي واتحمل واسكت
بعدها انا ابتعد فتره لان الكلام يكون بينا بالتلفون ابتعد فتره ما اكلمها لين تهدا الاوضاع بينهم
وانرجع انا وياها زي اول وهي تقولي بنفسها انتي يافلانة اذا جت المشاكل بيني وبين اخوك ابتعدتي
واذا هدينا رجعتي لي قلت لها انتي تعرفيني ماعرف اعبر بهالمواقف ولاعشتها الحمدالله وماعرف ادبر فيها شي (بتقولون ليش طيب ماتكلم امك بقولكم ان امي كبيرة بالسن وكلنا نبعدها عن اي مشاكل ولانبي ندخلها بالي حصل حتى يوم شكتلي قبل والله مادرت يعني هنا حفرت وهنا دفنت)
وانا مو من النوع الي اوقف بوجه اخوي واناقشه لااااااااااااااااااااا اخوي هذا رجااال وكبير وبمقام الوالد يعني مقدر عليه
المهم هدا الوضع مدة سنتين ورجعت المشاكل من جديد لكن هالمره ماكلمتني انا ارسلت اهلها
يعني بلغت اهلها وللمعلوميه مو اول مرة تشكي لاهلها لكن هالمرة على قولتها طفح الكيل
علمت اهلها وجو وحاكو اهلي والبيت صار يعرف كله عن المشكله المهم انا والوالده ابتعدنا
يعني امي طول فترة هالمشكلة ماكلمتها بالتلفون وانا قلتلكم ماعرف اعبر بهالمواقف ابتعدت ولاكلمتها
والحمدالله هدا الوضع بينهم يعني صجة المشكلة ما اخذت لها اسبوعين ورجع الوضع بينهم تمام الحمدالله
وللعلم خلال هالاسبوعين احنا اخذنا استراحه وطلعنا فيها بس مو كل العيلة نص اخواني والباقي ماطلعو ومن ظمنهم اخوي وعياله الي اقولكم مشكلته << ركزو على هالنقطه
قمت انا بعدها كلمتها بكم يوم وهي كانت مسافره قلت فرصه لي علشان لو كانت هنا بتنفجر فيني
خليني اكلمها وهي منبسطه هناك اكيد بتكون موسعه الصدر
وكلمتها الا الحرمه مانست شي وراحت وقفلت على حالها بغرفه وهاتك ياكلام وهاتك يا اسلوب
انتو ماقدرتوني مارفعتو السماعه علي يعني هانت عليكم العشره لا انتي ولا خالتي ماقلتو نشوف وشفيها مافيها قلت احنا بوقت المشاكل نبعد انفسنا مانحب ندخل انفسنا بشي الله بيصلحه ان شاء الله
وانا هنا اتكلم عن نفسي وامي شي طبيعي ماراح تكلمك لانها عارفه ان الوضع متوتر عندكم
قالت ولو المفروض تكلموني وتاخذون بخاطري
بعدين تطلعون للاستراحه ماترفعون السماعة علي ولاتنادوني ؟؟ قلت كيف نناديك والوضع عندك متوتر واحنا عارفين انكم ماراح تجون قالت ولو المفروض تكلمون لكن الشرهه علي انا الي مايقدرني ماراح اقدره
انسو الي كانت تضحك معكم وانسو الي اذا جت تجيب طبخها معها وخلاص طز فيكم والوجه من الوجه ابيض لاتكلموني ولا اكلمكم بسلوب نفخ ورفعة صوت ما احترمتني ولا احترمت سني ولا احترمت احترامي لها
ووالله العظيم واقسم بالله يابنات حواء انه مايجي طلعه لمنتزه والا لاستراحه والا لبر والا لاي مكان الا اني اكلمها ولاعمري كلمت ولاوحده من حريم اخواني الباقيات ولاعمري عزمتهم والاعلمتهم على طلعة هم يجون بقول رجالهم وعااااااااادي ولاعمرهم تشرهو
الا هذي لاني قلتلكم اني اعتبرها مثل اختي عشان كذا اكلمها باي شي حتى لو ماكلمتها انا تكلمها امي وتقولها يافلانة ترا بنطلع تعالو
يوم جت هالمره بس الي ماكلمتها فيه لان الوضع فيها متوتر قالت هالحكي وقالت هالكلام ؟ ونست كل حاجه ؟
طيب موذنبنا اذا ماقدرت انا ولا امي انا ندخل انفسنا بمشاكل بيتيه زوجيه مصيرها تنحل !!
بجد يبنات كنت مكلمتها بالليل وقفلتها منها وانا خانقتني العبرة بس الدموع تنزل مني ياربي انا وش سويت
ماخلقت المشاكل بينهم ولا تسببت بخلافهم حتى احصل هالهواش كله والله ثم والله ثم والله ان عمري ماحسيت بحرقه مثل ذيك الليلة احس اني انظلمت وان قلبي احترق انا مو من النوع الي يشكي لاي احد كان
ولا انا من النوع الي يجادل وياخذ حقه بنفسه وينافخ لاوالله بس قولولي وش اسوي
ماعرف احل هالشي ابدا صرت والله كل ما اكبر بصلي اقول ((( حسبي الله العظيم حسبي الله وكفى )))
هذي كل السالفه ادري طولتها عليكم لكن طلبتكن لاتخيبون رجاي ابي منكم حل لي هل انا على غلط ؟؟
هل هي على غلط ؟؟
اسلوبها عادي والا انا الي طيبتي بهذلتني ونزلتني للارض وخلت الكل مستهين فيني ويسمعني كلام طول بعرض ؟
يعني تنصحوني اكون من خوات هالازواج الي ياخذون حقهم ومايسكتون ؟ بس وربي ما اعرف لهالشي لاني ماتعودت عليه
ماقول الا حسبي الله وكفى
انتظركم خواتي واعذروني اذا كان الكلام غير مرتب .
طيبتي ذبحتني !! @tybty_thbhtny
عضوة جديدة
يلزم عليك تسجيل الدخول أولًا لكتابة تعليق.
AM AMER2009
•
الله يعينك بس نصيحه لوجه الله كوني رسميه بمعاملاتك مع الناس احسن لك انا كنت مثلك قلبي كله طيبه مااعرف احقد والي بقلبي بلساني بس هالناس ماترحم الطيب ماحد يشوفه شي
الله يجزاك خير على ردك اختي
بس وربي ما اعرف اكو ن رسميه مع احد وهذا عيبي
الله المستعان
بس وربي ما اعرف اكو ن رسميه مع احد وهذا عيبي
الله المستعان
الله يكملك بعقلك ماشاء الله عليك لاتزعلي ولا يضيق صدرك مامنك قصور بس باين ان مرة اخوك من النوع الي يبي كلن حوله
اذا زعلت ازعلو معي واذا رضيت ارضوا معي
خليك على مانتي عليه ودام جت منها اتركيها فترة لحدما تهدا ترجع معك من نفسها
اذا زعلت ازعلو معي واذا رضيت ارضوا معي
خليك على مانتي عليه ودام جت منها اتركيها فترة لحدما تهدا ترجع معك من نفسها
راح اقولك انا حطيت نفسي مكانك وكمان حطيت نفسي مكانها هي غلطانه لانها تحكي لكم كل الي يصير معها وانتي غلطانه لانك تسمعي ولاتسوي حاجه 000يعني مفروض من اول قلتيلها انا مستحيل اوقف يوم في وجه اخوي لالك ولالغيرك انا ماقدر اسويلك حاجه ومشاكلكم حلوها بنفسك 0000ولاتحكيلي عنها00000 فاهمه انك تسمعي وراضيه له سبب زعلت عليك ومفروض الوالده هدت الوضع بكلمتين لااخوك ولها لانها جز مهم في حياتهم ولكل بيسمعلها 000هذي وجه نظري ولك الشكر
الصفحة الأخيرة