اعتبريها أمج حبيبتي ,, وعامليها بالتي هي أحسن ,, الدنيا سلف ودين حبيبتي فلا تجعلين نفسج مديونه ,,

وأكيد زوجك بيزعل من رده فعلك ومابينسى لك هالموقف الا اذا تراجعتي عنه ,,

والله يوفقج للخير

حبيبتي ... خليج طبيعية وقولي هذا مو غريبة هذي ام زوجي حبيبي مثل أمي
و ليش ما تاخذين راحتج في اللبس و في السوالف والأكل والشغل ... عادي هي حرمه نفسج
اذا تبين تلبسين قميص نوم وتقعدين بالصاله عادي بس لبسي فوقه روب ثقيل شوي
وهونيها وتهون ... شتسوين لو يقول أبوي لازم يسكن عندنا ... والا أخوي مؤقت بيقعد عندنا !!
صارت والله صارت !! وتدرين هالزوجة شنو ردت !! قالت له : حياهم الله البيت بيتهم اذا اهلك
ما يقعدون عندنا من يقعد !! هذول اهل حبيبي عساني اسكن بس بغرفة لحالي مع حمامي يكفي اشوفك
جدامي سالم و مستانس

أنا زوجي من النوع اللي إذا شاف أهله نساني ..!!
وإذا راح يزورهم على بال ماأجهز ونطلع بالقوه يطلع من عندهم..!!

عشان كذا لما كان يلمح إننا نروح نسكن ببيت أهله رفضت وبينت له إني احب أهله ومن حبي لهم وخوفي لاتخرب علاقتنا ماأفكر أسكن عندهم..!!

لأني سمعت تجارب أمي لما كانت عايشه عند حمولتها وكيف كانت حياتها..
وأشوف من تجارب أقاربي..!!

وأنا مابي أغلط بأحد ولا أحد يغلط علي..!!

الله يعينك أختي ويفرج لك ..زوجك لازم تسكري الموضوع معه وهو راضي مو وهو شايل عليك ومتضايق..
ومن جهه ثانيه عوضي بإنك تساعدينه ببرها وتوصينه عليها..
وتفزعين معها بعزايمها عشان يقتنع بأنك تحبي أهله لكنك تبعدين عن المشاكل..!!

مااختلف عن كلام البنات

كما تدين تدان..كل شي بحسابه بعدين..

اكيد كلنا مثلك نبي الراحة والحرية لحالنا لكن مشي نفسك وصدقيني انك راح تكبرين بعين زوجك لو عاملتيها مثل امك واحسنتي لها عالاقل عشانه اذا كنتي تحبينه..والله كلنا نشوف ونعاني لكن نتحمل عشان حبنا لازواجنا...
اهم شي انتي لاتغييرين روتين حياتك عشانها عادي خليها تتعود على طريقة حياتكم مو العكس...بكذا راح ترتاحين وماراح تحسين بحمل عليك..

اذا انجبرتي انها تسكن عندك الله يعينك والله انا معاكي فالرفض والبنات كلهم كانو ضدك لانهم شافوها من ناحية انها مره كبيره وانحدت على ولدها----ومن هذا الكلام
بس انا راح اشوفها من ناحيه ثانيه انو بيتك مملكتك الخاصه وصعب احد يشاركي فيها والله حاسه فيكي لكن ايش تسوين اذا فيه شقه قريب منك قوليله سكنها فيها وبكذا تكون قريبه منا اذا احتاجت شي احنا جنبها اذا مافي مالك الا انك توافقين والله يكون معاكي بس مثل ماقالت وحده من الاخوات بينيلها حدودها من البدايه عشان ماتصير مشاكل بعدين وحاولي تكسبينها بالحب والطيبه خليلها الدنيا جنه وصدقيني اذا حبتك راح ترتاحين والله يعينك ويوفقك ويبعد الشر عنك ايا يكن من امه او منه هو