عفوا بنات بس انا رايي غير عنكم
من حقك يكون لك بيت بروحك !!!
من ناحية الارتباط والتقييد بنات لا تغالطون نفسكم البنت راح تتقيد عن نفسي
عشت مع اهل زوجي كم سنه ارتبط فيهم وخصوصا بامه وتقيدت حركتي ولبسي
وعاداتي وحتى تربيتي لعيالي
زوجك اللحين بين نارين امه وزوجته فلا تزيدين حيرته ولا تبينين قدامه انك مب حابه امه
تجي تعيش عندك طبعا انتي ماتبغين الامور تكبر وتزيد بينك وبين زوجك والسبب امه لانه
اذا عاند بيجيبها عندك غصب وانتي راح تاخذين منها موقف بدون ماتحسين وهي المسكينه
لو كانت حبوبه وطيبه وتحبك راح تنصدم بعدم تقبلك لوجودها ولا تستبقين الامور يمكن هي
ماراح ترضا تعيش عندك لانك في شقه وهي تحب الوسع
بقولك شي اذا ام زوجك طيبه وتحبك وانتي وهي متفاهمين فكري عدل في الموضوع صح
المثل يقول روح بعيد وتعال سالم يعني اللي يتقابلون من قترة لفترة ومب عايشين مع بعض
احتكاكهم في بعض قليل وبالتالي المشاكل بينهم تكاد تكون معدومه بس شو تسوين اذا اصر زوجك
لازم تقنعين نفسك وتتقبلين وجودها وتحطين في بالك انه لازم يصير بينكم احتكاك او انتقاد
او اختلاف في الطباع فلا تدققين في كل شي من البدايه حاولي تمشين الوضع لانه اذا بديتو
بالاختلافات من البدايه راح تزيد وهي راح تاخذ اول انطباع عنك انك راعية مشاكل وصعب
العشره والتعامل معاج !!!
فانتي عامليها مثل ماتحبين زوجة اخوك تعامل امك وحاولي تحطين حدود لكل شي من البدايه
عشان ترتاحين وعشان هي ترتاح وتكيف نفسها على حياتكم وعادات بيتكم
حبيبتي قد تفقدين بعض الحريه وتتقيدين ببعض الاشياء بس فكري بالاجر اللي راح تلقينه
وبالمنافع اللي راح تعود عليك من قعدتها معاك اول شي يزيد غلاك عند زوجك ثاني شي
اذا توظفتي والا طلعتي والا مرضتي عندك اللي تطمنين وتحطين عيالك عنده ومافي اامن
من جدتهم عليهم ثالث شي تلقين حد تسولفين وتتخذينه صديق لك تغيرين جو مع عمتك
وتسولفين معاها تطلعون زيارات انا وعمتي كنا رجلي على رجلها وين مانروح مع بعض
لدرجة انهم يستغربون اذا شافوها بدوني بس الله يجازي اللي كان السبب !!!
طمني بالك وريحي نفسك من التفكير ولا تستبقين الامور اللي الله كاتبه تقبليه بنفس
راضيه وهدوء وعقلانيه وكوني صريحه مع زوجك وبنفس الوقت هاديه ومتفهمه
لشعوره كإبن يبي يبر بامه
عفوا بنات بس انا رايي غير عنكم
من حقك يكون لك بيت بروحك !!!
من ناحية الارتباط والتقييد...
ملاحظة هي عارفة إني ما راح أكون مرتاحة وكاشتة ........ الله يعين بس ويجيب العواقب سليمة
تصدقوا أن سعيدة بمجرد إني وجدت ناس أفش قلبي (بالعامية) ويسمعوني صدقوني قراءتي لأرائكم جميعا كتير ريحني بشكركم مرة ثانية وثالثة و....................... :)