يابنت الحلال شيلي الشك من راسك
وش تبين بوجع الراس
اذا مسكتي عليه شي واضح كلميه
غير كذا
تعوذي من ابليس ..وعيشي حياتك ..واستغفري الله
مو كل من كتب وتغير سلوكه معناته وراه شي

الله يعينك وينور بصيرتك لاتوجعي قلبك حبيبتي

الله يفرج لكم ياررب
مو مرتاحة مدري ليش ؟
لازم اصارحه وش رايكم
ايش اقول له :(

سوي نفس الحركه قدامه وكأنك تكتبين واذا زعل قولي له وش تتوقع إني اكتب

وبعدها قولي

يعني الحركة تزعل وانت تسويها دايمااااااااا

شوفي افضل شي لاتنبشين وراه صدقيني لو عرفتي بتتعبين لدرجة ماراح تتحملي وتنفجري فالافضل تجلسي معاه وتقولي له انت ماكنت تتصدد عني بالجوال وانا احترم انه تكون فيه بينك وبين اصحابك خصوصيات وماتحبني اعرفها لكن اتمنى ماتكون غير كذا وانت فاهم قصدي لان اللي ماترضاه على نفسك لاترضاه علي لو انا مكانك وانت داخلك احساس ثاني او عرفت شي اش حيكون موقفك مني ماراح ترضى على هذا الوضع ويمكن تصلح بلاوي في
اعلم ان كل ماتكتبه وتشوفه ربي رقيب عليه وخلاص لاتجادلينه حتى لو تنرفز منك امتصي غصبه بهدوئك وادعي ربك يسخره لك ويغص بصرة عن الحرام واستودعي حياتك معاه لربك ووكلي امرك لله صدقيني بتحسين براحة كبيرة وهو بأذن الله راح يستحي من نفسه ومن احترامك له