عادي طالعي لو بعده عنك وحاول يخبي
قولي عسى ماشر وش عندك ي بو فلآن وش عندك على هالتخبي
ولا جلسي جنبه قولي اشوف الواتس اذا صورتي تغيرت مايغير اوقفي ع راسه شوفي وش يسوي ولا قول هات اشوف

يا عزيزتي ادحري ابليس وتعوذي منه

ممكن يكلم أصحابه او احد من اهله عندهم مشكله او كلام خاص مايباك تشوفيه

بالعقل لو بيكلم حرمه ما بيكتب قدامك عنده وقته برا البيت

وترا ابليس شاطر في التوقيع بين الزوجين وانه يربط لك الأحداث وتطلع بالاخير مجرد وهم

تغافلي ولا عاد تسأليه اذا يلعب بذيله حينكشف لك يوم صدقيني

المشكلة مو لو يخونك لانه الخيانة ممكن تعالجيها
المشكلة لو كان مع تنظيمات ارهابية او ما شابه انتبهي للنقطة هذي

والله كأنك تتكلمين عن زوجي بس الفرق انه زوجي ع الواتس


ومره كنت منسدحه بعيد شوي عنه وهو لاهي بالجوال والاحظ شي غريب انه يبتسم وهو يكتب ويناظر في التلفزيون شوي وبعدين يكتب ويرجع يناظر شوي قدامه كأنه يفكر في الكلام ويرتبه وينسقه عرفتي كيف ومو داري اني ملاحظته , فجأه انط جمبه الا يطلع من الواتس كله قلت شفيك خفت بسم الله عليك قال لا عااادي ترا قروب خواني ويفتح قروب خوانه ويسوي نفسه يقرا المكتوب ويتصفح القروب


انا هنا على طول عرفت ان وراه بلا , وجواله اعرف الرقم السري وزوجي نومه ثقيل مره يعني لو اخذ جواله واقعد بالساعات مادرى عني بس ماابي افتش لاني واثقه مليون بالميه بلقى بلاوي سودا بس دامه مايفتش جوالي ولا يشك فيني خلاص هو موبزر عشان احقق معاه تكلم مين وورني ولا حتى افتش وراه


زوجك احتمال يسولف على برامج كثيره مثل التانقو والكيك او الانستقرام او التويتر
انا من رأيي خليه ولا تفتشين وراه ولا تشكين بتتعبين ترا مثل ماهو لما يشوفك تسولفين مع خواتك وصديقاتك ع الواتس ولا قد شك ولا قد فتش جوالك , خليه براحته وريحي دماغك

انا مثل زوجك صرت اكتب بالملاحظات كلام واستحي احد يقراه يقول مجنونة 
مثل كيف بقضي يومي وكيف بتكلم 
وساعات فضفضة اكلم نفسي 
وعتاب 

ويمكن زوجك ينسق موضوع او برود كاست 
بيرسله بقروب
ما اتوقع زوجك وراه بلا