مشكلتي مع زوجي مالها حل كرهني وكرهتة ☹️

السلام عليكم
اخبارك ياغاليات من زمان عنكم
ترددت في كتابة الموضوع لاني ابغى حلول ماابغى لوم ولا عتب ولا احمدي ربك الحمدلله على كل النعم لكن المشكلة جدا مأزمتني يمكن تشوفونها بسيطة وعادية لكن بالنسبة لي مأثرة جدا على ومو مخليتني ارتاح وماان نفسي عن الخطا يعني انا وزوجي مخطئين
بالبداية زوجي يروح الحد الجنوبي من اكثر من سنة واكون انا وقتها المسؤولة عن كل شي وهذا ضغط كبير وعبأ كبير علي لاني اكون مع اطفالي بشقتي وكم يوم اروح لاهلي اغير جو
المشكلة انه زوجي اذا جا مايعوضنا ولا يجلس معنا يطلع من العصر الى الفجر مايدري وش صاير لنا وخلال هالوقت مايتصل يسال ولا شي واذا اتصلت عليه يسال وش بغيتي ومايقول هو وين
بعدها عرفت انه يشتغل باوبر وانا مرة ماني متطمنه ومااشوف له داعي اصلا وقت اوبر حنا اولى فيه وباقي الوقت يروح الاستراحة وهذا الشي يوميا ☹️☹️
اذا حبيت اطلع يطلعني كانه على عجالة مااستمتع في الطلعه بسرعه يبغى يرجعني علشان يطلع ،، نواقص البيت يقول اكتبيها قبل روحتي باسبوع ماابغاك تطلبين شي قبل الروحة بيوم ابغى ارتاح !!! مرا يتضايق من الاغراض ويشيل هم
تناقشت معه اكثر من مرة يقول مالك حق تمنعيني اطلع قلت ماامنعك بس حنا لنا حق ع الاقل يومين لنا والباقي لك قال لا كل يوم بطلع على كيفي
سويت اجواء قهوة وحلا وشموع يشوفها ويطلع ماتجذبة جربت حلول كثيرة لحد ماخلاص طابت نفسي منه صارت علاقتي فيه كراهية وهو نفس الشي
وصار يرفض طلباتي مباشرة اقوله مليت طلعني يقول جلسي ببيتك مو لازم تطلعين وحاجات كثير بنات لدرجة اني افكر بالانفصال 😔
ودايم يزن على راسي سووقي او جيبي لك سواق علشان خلاص يصير مجرد اسم 😭😭
وش الحل تكفون ولاتنسوني من دعواتكم ♥️