حور الهدى :

شوفي ياقلبي انا بعطيكي طريقتي في البيتزا( بيتزاهت)والكل يقول عنها كذا 2-كاس دقيق اللي تحبي 3-ملاعق حلين جاف بودرة زي ما تحبي 1-ملعقة صغيرة ملح 1- ملعقة كبيرة سكر 1-ملعقة كبيرة مليانة خميرة 2/1 نصف ملعقة صغيرة بهارات (بهارات بيتزا)اسمها (اسناد)ممتازة مرة وطعمتها حلوة 1- ملعقة كزبرة خضراء مطحونة مع ثوم (انت تطحنيها او تخليطيها في خلاط الخضار او زي ما تحبي تفرميها بس تكون فرم ناعم مره المهم كزبرة وثوم مفرومين فرم ناعم مرة ) تخلطي هذي المقدير كلها مع بعض من غير موية ولا زيت علشان تنخلط وتتوزع النكهه كويس بعدين تضيفي - موية كاس وربع - وممكن شوية زيادة بسيطة المهم عاد اعجنيها كويس راح تكون مرة لاصقة في يدك مومهم اعجنيها كويس وارفعيها واضربيها في القدر 20 مرة بعدين دحين ادهنيها بزيت حطي في يدك وادهنيها وحطي في القدر من تحت زيت كمان وحطي العجينه وخليها تتخمر نصف ساعة بعدين عاد حطيها في صينية البيتزاوافرديها وحطي عليها الصلصة بس لا تحطي على الصلصة بهارات لانه هذي الطريقة تطلع فيها حموضة وزفرة بس لما تحطي الصلصة على البيتزا رشي عليها البهارات بعدين رشي جبنه البيتزا وانا استخدم جبنة (فرسان )من بندة اخدمها جنان بعدين وزعي عليها فلفل رومي مربعات وبندورة مقطعة مربعات و شرايح زيتون ورشي عليها كمان بهارات البيتزا ورشي جبنة البيتزا وغطي العجينة فيها ورشي شوية بهارات بيتزا وشوفي بعدين الريحة والطعم بس على طول قدميها اول ما تخرجيها من الفرن بس رجا اذا سويتها وطلعت معاكي حلوة مو حلوة ردي علية وقوليلي بس والله ما امدح نفسي محد يصدق انها شغل بيت

شوفي ياقلبي انا بعطيكي طريقتي في البيتزا( بيتزاهت)والكل يقول عنها كذا 2-كاس دقيق اللي تحبي...