مشكلتي مع ولدي اللي أثرت على علاقتي بزوجي

السلام عليكم ورحمة الله وبركآته
بدخل دغري بالموضووع
يارب لك الحمد والشكر قبل كل شيء
؛
بنات أنا صار لي 4 شهور من ولدت وهذا أول بيبي الله يحفظه ويخليه لنآ
تعبت ي خوآتي والله ثم والله اني تعبت انهد حييييييييييلي ماعاد أقدر استحمل وخزة دبوس
أحس بضغط مو طبيعي لدرجة اكتم واكتم وبالاخير اصييييييييييح وانقهر
وصرت نفسية درجة أولى .. واخلاقي قااااااافلة 24 ساعة وماعد لي نفس اضحك ولااخرج اتمشى
ودايم اذا بكيت احس اني أحزن وحدة في هالكون واوقات اقول اني أم فااااشلة واحطم من نفسي
ومن هالكلااااااااام
وطبعا هالشيء أثر بشكل مبااااشر مع علاقتي بزوجي .. لني احقد عليه وازعل منه بدون سبب
بس عشان مثلا سهرت طول الليل مع البيبي أو مو راضي ينام او ممغوص وانتو أخبر مني فهالأمور حقت البيبي
تعب مو طبيعي يستنفذ مني كللل قوآآآي أجي أخر الليل هلكآنة ومطفية ويكون هو دوبو جاه النشآط ويبي يلعب ويرآغي لدرجة صرت أخليه يبكي لين يقول بس واتلذذ وهو يبكي أقول مع نفسي ايه ابكي عشان ينهد حيلك وتنام
صرت قااااااااااااسية مع اني اموت في البيبيهات وربيت اثنين من اخواني
وكمان مو لاقية أحد يشيله معي بس زوجي اذا جا من شغله يشيلو شوي طول الوقت معي
اهلي بعيدين عني بنص ساعة واهل زوجي بمدينة ثانية
طبعا هالشيء اللي ذكرته مو دآيم بس من فترة لفترة
وربي اني حنووووووووووووونة وام دميعة واموت في الصغار بس احس كأن عندي 10 بزرآن ماعاد استحمل مرررة
ومااخفي عليكم لمن تجيني الحالة اتهاوش مع زوجي بدون سبب حتى اني قبل الهوشة أجلس اتخيل ايش اقوله عشان أنرفزوه وأزعله لني أقول مع نفسي انه هو السبب في اللي وصلت له
مع اني والله ثم والله مو مقصر معي ابد ولا بطلباتي وبالعكس لحد الحين صابر علي وعلى عصبيتي
ونا ماكنت كذآآآ كل ذا الشي جاني بعد الولادة وباقي معي وكل يوم يزززززييييد
ودايم يعاتبني اني قاسية ويقولي تعاملين ولدك كأنه مو طفل جاهل كأنه ند لك واني اكبر مخي ف تعامله معه
وادري انه ع حق بس شسوي ولله مو بيدي لمن اهدى شوي افكر فاللي سويته واقول أكيد مو أنا
وربي وصلت لمرحلة مدري كيف أقولكم أحس ااني بتجنن
وأكثر شي متحسفة عليه هو ولدي ولدي اللي كنت طايرة به ومتجننة عليه صرت اوقات اقسى عليه
وصار زوجي أعطف عليه منّي أعطف عليه من قلب أمه اعطف عليه من بطن خلفته أأأأأخ يالقهر
زوجي الحين يقولي ترا جد بديت افكر انه هذا بيكون أول واخر بيبي لنا يقصد ماعاد بنجيب عيال الله لايقوله
وشيء ثآني افكر اوقف حبوب منع الحمل لني من اخذتها وانا احس بكل هالشيء
وشاكة انها هي اللي لاعبة بنفسيتي .. وفكرت اسوي لولب واريح راسي

كل اللي أطلبه منكم ياخواتي تنصحوني وتهونووووووون علي وادعولي بالهداية والصلاح

يارب لاتسخط علي ولاتحرمني من نعمك
يارب أحمدك على نعمة الخلفة
يارب ترزق كل محرووووومة


* بس بقول شغلتين : انا حامدة ربي على نعمة الخلفة وادري في خوات كثير يتمنون ريحة الضنا ربي يرزقهم
بس موضوعي مو علشان البيبي واني مو مقدرة هالنعمة لاااالااا الموضوع خاص بي انا ونفسيتي
وعارفة انه الغلط راكبني من راسي لساسي عشان كذا ابي نصايحكم

* والشغلة الثانية انا مو دايم كذا يعني هالشي اللي ذكرته من فترة لفترة وباقي الايام أكون عادي
صح اتنرفز بس مااتوصل لكذا ..



وسلآمتكم والله يسعد كل وحدة ترد علي