هلا اصدقائي
انا تزوجت وعشت مع اهل زوجي
في نفس البيت مطبخ مشترك
هو واعدني قبل مانتزوج انه يبني له على الراحه شقه مستقله
لم اشرط بالعقد وثقت بكلامه المعسول
المهم تزوجت انا عايشه مع اهله
هو دايما برى البيت في مزارع مع ربعه
مونس على عمرة وانا دايما محبوسه في البيت لا يطلعني ولاشي حدة يوديني بيت اهلي بس
اذا طلبت منه شي ياراسه مصدع
المشكله يحب نفسه اناني يسافر مع ربعه وانا مايفكر يسفرني ولايهتم بموافقتي او لا
تصرفاته مستهين فيني قدام اهله كم مرة سافر وراح وجاء عدد لايحصى ولامرة كلف على نفسه قال بسفرك
المشكله اهله يتبعون مصلحتهم عمرهم مانصحوا ولدهم لاتسافر
يستغلوا الفرصه بسفرة جيب لنا وجيب لنا
احر ماعندي ابرد ماعندهم
احس نفسي احيانا اني متزوجه ولدهم علشان بس اغسل الماعين واساعد امهم لاحقوق زوجيه ولاشي
احيانا اقوله عيشني في شقه وسافر واطلع وروح مكان الي تبي
بس خلني عايشه لحالي لاتخليني بحركاتك قدام الكل اني مالي قيمه
سو الي تبي مابي اشوف نظرات شفقه
احس اوقات احبه واعطيه كل حبي واريحه في غرفة النوم
وفي لحظات يحسسني اني ارخص شي عندة
يقولي انه امه واخواته اغلى مني
لما اطلب شي من حقوقي اني ابي مستقله في المسكن حالي حال خواته المتزوجات وازواج اخوانه
يقول عني نكديه ومادري شنو
تعبت من ذا الانسان
يمتع نفسه ويحب نفسه انه مجرد وحدة ماعندي احساس ولااي مشاعر بس ياخذ حاجته مني وبس اما حقوق مافي
اهله يلاحظو انه مايطلعني يتكلموا احيانا بطريقه يحسسوني اني كاسرة خاطرهم
المشكله انا لاادرس ولاشي جالسه في البيت ماعندي هدف
ولاحتى اصدقاء ازورهم ويزوروني
واخواتي كل وحدة عايشه حياتها
مادري اني وصلت الي في قلبي باقي كلام بس اكتفي بذا
طبخة @tbkh
محررة
يلزم عليك تسجيل الدخول أولًا لكتابة تعليق.
الصفحة الأخيرة
اول شي عطيه انذارين الاول قوليله يطلعك بيت لحالك وخليك صامله حتى لو صارت مشاكل بعدها لو يبيك بيرضخ لطلبك الا اذا عنده ظروف ماليه فهنا انتي قدري وضعه واذا حسيتي مايبي روحي بيت اهلك وخليهم يطلبون لك بيت .
الانذار الثاني وانتي في بيتك لحالك قوليله مايسافر بدونك واذا سافر يحطلك مبلغ يساوي خسارته بالسفره ..وقوليله ماراح احللك ولا اسامحك اذا نظرت نظره بالحرام لغيري ..مثل ما انا احافظ عليك بغيابي حافظ علي ..واستودعيه الله
اما اهله عامليهم بالمعروف بما انك ساكنه عندهم ولاتخلين علاقتك بولدهم تأثر عليك