مشكلتي نفسيه وسالتكم بالله لاتضحكون علي

السلام عليكم

بنات بقولكم عن مشكلتي بس اسالكم بالله ماتضحكون علي ولا تستهزؤون بي وترى من عيب ابتلى ..

يمكن تشوفونها تضحك او ماتستاهل بس والله مسببه لي خوف شديد لا شويه خوف الا هلع ورعه ورعب ..

انا من يومي صغيره وانا خوااافه اخاف من افلام الرعب واقعد احلم واخاف من الوحوش والاشباح والاشياء المرعبه ..واخاف من الظلااام ..

كبرت وكنت اظن ان هالعقده بس وانا صغيره ..

لكن تفاجأت بنفسي اني الى الحين وانا اخاف ..

يمكن يقول البعض منكم حنا نخاف بعد اذا سمعنا صوت او طقطه او اذا شفنا فلم مرعب نخاف
انا غيررر
انا اخاف من تفااهات ..
اقولكم مثال ..
قبل كم يوم شفت فلم كرتون (انا الحمدلله مااشوف افلام اجنبيه او عربيه ولا احرص عليها )..
بس هالكرتون كان قصتها عن اشباح والله اني مت روعه والمشكله اني لازم اكمل الشي اللي بديت فيه ..
يعني لو شفت فلم مرعب لازم اكمله مااسكره ليه ؟
لاني اقعد اهوجس فيه واخاف لازم اعرف النهايه علشان ارتاح ..يعني لو كان فيه مجرم اعرف انه مات ومن هالخرابيط

المهم انا قعدت لين كملته هو بالنسبه للي بيشوفه ماراح يخاف لانه اصلا افلااام كرتوون بس انا خفففففففففففففففففففففففت

واليوم بعد قعدت العب لعبه في الكمبيوتر عن بيت الاشباح وانا كنت عارفه اني بيطلع لي شبح وبيورعني بس كنت مقصره الصوت وفعلا طلع روعني بس اشوا بدون صوت ولاكان رحت فيها
بتقولون وش الله حادك بقولوكم مو انا اللي دورت اللعبه زوجي (داريه بتضحكوووون ايه متزوجه وعندي بنت بعد بس لازلت بزررررة :icon33: )
وهو طلعها وماقدرت قلت عطيني بكملها المشكله اني احب هالشغلات بس تنقلب علي بعدين..

تدرون وش زاد الطين بله ..
اني صرت افكر اقول اذا هالشغلات تخوفني شلون بالقبر !!!!!!!!!!!!!!؟
والله اني صررررررررررت اخاف زوووووود بطني يمغصني اطرافي بارده احس كبدي توجعني حالتي حاله ..

لا تضحووون علي ترى مايحس بالنار الا واطيها ..

يمكن البزر اذا خاف عنده احد يهديه ويكلمه ويفهمه

انا لما اكلم زوجي يهاوشني ويضحك علي (معاه حق بس والله شي مو بيدي ليت احد يحس فيني) وغير كذا اني صرت اعرف ان فيه موت وفيه قبر وظلمه وعذاب اسال الله ان ينجيني منه وينور قبري ويؤنس وحشتي ووحدتي وكل المسلميييييييين..

الحين ابي منكم حل ..
تدرون لدرجه ان ابليس يدخل علي من مدخل ضعفي ..
يعني لو ماصليت صلاه الليل وزوجي بينام اصلي بسرعه وشي قليل علشان ماينام ويخليني !!!

ياناس وش السواااه؟

تكفون وش الحل؟؟

فيه ادعيه او سور اقراه على نفسي تذهب الروعه وتبعث السكينه ؟
قريت قران وارتحت الحمدلله صليت واحس اني احسن الحين بس ماودي اخاااااف انا كبيررره وش خليت للبزران ؟؟