الاخت اميمة
اصبري ولا تغيري من تصرفاتك فأنت الصح
اعرف وحدة كانت متلك ومتل زوجك طيبين كتير مع الاهل، والكل يستوطو حيطهم كما يقولون لانهم طيبين ، والله عوض صبرهم خير، مرت السنين والايام وكبروا الاولاد ، وصارت ظروفهم احسن من الكل ، الله عوضهم بالدنيا قبل الاخرة ، وصاروا اللي كانوا يعاملوهم متلك يتمنوا بناتهم لاولادهم ويطلبونهم ، طبعا هم لم ينسوا معاناتهم ، ولن يزعلوهم بنفس الوقت، فكانوا يقولون لهم :نحن لانعطي للاقرباء نريد ان نباعد النكاح، طبعا هذه حجة.
وهم الان من اسعدهم
فاصبري واحتسبي واعملي خير وارميه بالبحر اذا ماعرفه العبد بيعرفه الرب.

اختي الاميمه..
اعانك الله ووفقك...
بالنسبه لمشكلتك الاخوات الله يجزاهم خير كفواوقالوا الحق واللي يبري
الذمه.
الآن انت الصح وهم الغلط فلاتهتمي وخليك ماشيه على نفس الطريق
ترى الدنيا ماهي مطاوله احد.
ويكفي رضا زوجك وسعادتك معه انت واولادك ..اما تصرفاتهم تجاهك
انت بالذات فهذا سببه لايخفى عليك وهو الغيره القاتله والحسد...
ودواء الحسود القاتل هو التجاهل والمعامله بالاحسان ..
هكذا يحترق بنار غيظه ..والله يهديهم ويصلح قلوبهم.
اختي العزيزه انا لي رأي سأقترحه لك وهو:
استمري على معاملتك الحسنه وطيب اخلاقك معهم فلك الاجر
في ذلك.
اما بالنسبه للهدايا وغيرها مما يكلفك وزوجك فلااعتقد ان له لزوم
خاصه وان لاقيمة له عندهم...
الااذا كانوا فقراء ومحتاجين فهذا امر آخر...
وبالنسبه للركض في العزايم والخدمه فهذا طبع فيك لأنك سنعه وست بيت
لاتغيرينه لاكن برضه لاتضغطين على نفسك وخلي لها حق من الجلوس مع
الضيوف والسواليف معهم والوناسه.
خلي هالبنات يضطرون يقومون يسوون شغلهم على الاقل يمكن يحسون
بقيمة جهدك دائماً في عزايمهم.
لاتنسين انك انت الآن في موقف القوي لانك محسنه عليهم فلاتتنازلي عن
مركزك...وكوني وسطاً وتذكري ان لنفسك عليك حقاً.
الله يوفقك ويعينك .

اخواتي بارك الله فيكن وخاصه كلام ام يحيى له صدى في قلبي وجزاها الله كل خير

اخواتي مشكلتي ليست من قريب بل منذ زواجي مدة عشر سنوات والله كنت اتحمل ولااخبر زوجي اريد واتمنى ان العلاقه تتحسن ولاكن الىالان وانا اعاني تخيلوزرتهم قبل رمضان هذه السنه ورموعلي كلمات الله يهديهن وضاق صدري مره وحاولت ان انسى وقلت في نفسي يمكن مايقصدون ومررته وذهبنا اول اسبوع من رمضان واعيد نفس الكلام والله اني حزنت وبكيت وتمنيت اني لم احضروبالعيد تخيلو كنا ماشين ليلة العيد ولما وصلنا الساعه 3وجلست اسبح اعيالي واجهز ملابسهم ولانمت مواصله من امس الظهر وكنت يوم العيد مرهقه ودخلت المطبخ وخلصنا شغلهم وجهزنا السفره وقلت بنفسي ليش ماارتاح زي حريم اخوانه انا جايه من سفر ولانمت المهم جلست ورمت علي احدى البنات كلام والله ردته ثلاث مرات خافت اني ماسمعت انقهرت ليش اقعد مع ان كل حريم اخوانه جالسات كنهم معزومات واحترمت اهلي مع ان اهلي يعيشون بنفس بلد اهل زوجي قللت زيارتي لتك المدينه بسببهم مع ان ابي وامي كبيرين بالسن ويحتاجون لي تقولون ليش ماتجلسين عند اهلك اقولكم ليش اذا جلست عند اهلي يزعل ابو زوجي ويعتقد اني ماابيهم ويهاوش زوجي في الطالعه والنازله وبعدين زوجي يزعل علي يقول اهلي لهم حق ولما اروح لهله اتكدر والله اني احاول ان الطف الجوالاكن لاحيات لمن تنادي

وحالتي النفسيه متعبه من التفكير لاني لااريد ان اقاطعهم واريد ان ارضي زوجي مع ان زوجي يشوف بعض الاشياء وعارف ان من خواته هداهن الله لاكن يضغط علي يقول تحملي عشاني
ومشكلتي كيف اتحمل كلامهن ابغى نصائح وارشادات وكيف اطنش مثل زمان

قلبي معك يالأميمه
إسمك ذكرني بجدتي (نناديها بالأميمه):21:
الأميمه الحال من بعضه:10:
أنتي قابلتي إسائتهم بالإحسان وما فاد فيهم والمقاطعه ماراح تفيدك في شئ بل على العكس راح تزيد المشكله وراح يلقون عليكي الي يتكلمون فيه وسبب يبرر موقفهم منك
الظاهر من مشكلتك إن خوات زوجك هم الي يرفعون ضغطك ويحرضون خالتك (أم زوجك)عليكي حاولي تتقربين منهم وتتفهمينهم ولما يقولوشئ ردي عليهم بس بهدوء وببروده
الظاهر لي إنهم يغارون والغيره مالها علاج إلا الدعاء والإحتساب
عامليهم زين وتحمليهم حتى تردي بيتك (إحمدي ربك مانتي ساكنه عندهم )
مالومك إنك تنقهرين بس لازم من الصبر فهذا إبتلاء من الله تعالى والشيطان حريص على نشوب الخلافات بينكم
وتقبلي مني دعائي بأن يصلح الأحوال

تصدقين ذكرتيني بمثل دايما امي تردده تقول
ما تعيش مريه وبالبيت بنيه
يعني ما تعيش مرة الولد وفيه بنت بالبيت
كان الله في عونك يا اخت اميمه
بس تصدقين أنا اعرف كثير مثل حالتك بس يبدو انت ضعيفة الشخصيه
واللي يشوفونه الناس طيب يذلونه انت لا تردين عليهم والله عيب بس
اسفههيهم طنشيهم الهدايا اللي كنت تجيبينها اقطعيها عنهم وطبخك خليه
عادي مو لازم يتمتعون وياكون طبخات حلوه خلي طبخاتك عاديه
خليهم يتذكرون ايام زمان
الله يعينك ويساعدك امين يارب العالمين