والله والله والله انك تذكريني بنفسي البنات يخافون من ليله العرس وانا والله مافكرت فيها ابد كل همي اني كيف بتصرف لما يجوني ضيوف وانا مااعرف اصول التعاملوهذا كله غلط من صغري لاني قبل الزواج كنت انطوائيه ومااجلس مع امي لما يجون للضيوف وكنت نفس الشي افكر بالاولاد كيف باربيهم ....
اختي انا الى الان ماعرف اطبخ وهذي النقطه اهم شي يكون زوجك متفهمها وتحاولين تكلمينه فيها قبل الزواج انك راح تتعلمين عشانه......ومثل ماقالت الاخت انك في بيتك راح تثقين في نفسك اكثر لانك بتكونين حره وواثقه في نفسك ولافي احد يستهزا فيك مثل الاهل فالزوج يختلف عن الاهل كثير وراح يعطيك فرص للتعلم ......
بالنسبه للاكل للضيوف او لك ممكن تشترين اكل جاهز لاهل زوجك او لضيوفك لغايه ماتجيك الخادمه وتساعدك في شغل البيت اناكنت لوحدي لغايه ماحملت وبعدها زوجي جابلي خادمه تساعدني والطبخ الان عليها بس احاول اسوي شغلات بسيطه لزوجي ......وعلى فكره انا بيت اهلي بعيد كثير عني .....ولاني مثل ماقلت لك كنت مااعرف شي كانوا خوات زوجي يجوني ويساعدوني لما يجوني ضيوف لانك مثل ماقلت لك منطقه جديده وماعرف احد فيها كانوا يساعدوني في التضييف..... وكان زوجي مايقصر يسوي معي الشاي والقهوه ههههههههه وكان هو اللي يجهز سله الفواكه للضيوف والله كان تنسيقه ماهو بطال هههههههه....
المهم اقولك لاتخربي حياتك في الايام الجايه وقولي حق خطيبك عن مشكلتك خل يخفف عنك ...وخليكي قريبه من اخواته وحبيهم لانك مالك غيرهم لانك مثل ماتقولين المنطقه بعيده عن اهلك.....
اما للاخت اللي قالت انها تخاف من زوجها ترا والله عادي كلها اسبوع......بس تبين الصراحه انا خلال يومين صار كل شي عندي عادي ههههههههههه ولاتخافين وتوكلي على الله

وردة ليش دا الهم كله......
انا انصحك انك تتعلمي اشياء جديدة اقصد اكلات جديدة .......يعني صيني هندي ايراني .......
احسن من انك تسوي الاكل التقليدي وبعدين تقولي مو زي طبخ امي والا مو زي طبخ اهل زوجي ......هدا شي
الشي التاني زي ما قالت ست الحسن ....في بيتك راح يكون طبخك غير عن بيت اهلك
ما تتخيلي انا كيف عايشة .....الناس يعجبهم طبخي ودايما يسالوني عن الوصفات وانا مررررررة ماني مقتنعة به ولا راضية عنه وحاسة انه زوجي ياكل عشان يمشي حاله بس........لانه نادرا ما يتكلم
بس هي فترة وتعدي
والعزايم ربك يعين .....وانت حضري نفسك من قبل بيومين مثلا ابداي في الحلا وتنظيف البيت وتجهيز الحمام الله يعزك...........اقولك احسن لما تتزوجي وتجيك عزيمة قولي واحنا نحاول نساعدك

عندي نصيحة لك...........غيري اسمك الله يوفقك.......ما ينفع لمقبلة على الزواج:02:

يأس .........يا بنات ايش الاسماء هده؟؟؟؟؟
شوفي يقولو في حكاية قديمة: كان في قوم مسافرين لبلد ومر عليهم وباء(مرض يعني)
وقالهم انه رايح يموت الف من سكان البلد اليي رايح لها.
بعدين سمع القوم انه مات في البلد خمسة الاف . فلما خرج الوباء ومر عليهم سالوه ليش كذب عليهم وقال انه قاتل الف وقتل خمسة الاف ؟
رد الوباء عليهم وقال انه قتل الف زي ماقال لكن الباقين قتلهم الخوف

اتمنى انها وصلت...... شوفي انا انصحك نصيحة وبكرة تدعيلي هونيها تهون.
وكل الصعوبات اليي في الدنيا تهون لو فكرنا فيها بطريقة مختلفة

ترى الايام الجاية مرة حلوة ومليانة مواقف حلوة وطريفة لا تفوتيها عليك بالتفكير في هول المصيبةو كبر الجريمة لالالالالالالا

خليها شي عادي جدا شي راح يصير ويصير ذكرى .......واحسن انها تكون ذكرى جميلة وحلوة بدل ماتكون نكد وخوف ومشاكل

والله طريقة التفكير في الشي تسهله مررررة .....تخيلي اني ولدت ولدي الاول في المدينة لما كنت في زيارة والولادة على بعضها ما اخدت ساعتين..........ليش؟
لاني كنت حاطة في بالي انه مافي حامل وما ولدت وانه كل ام بتولد وانه شي عادي والبسة بتولد ولا احد يدري عنها وانه شي عادي زي الاكل والشرب

وشي اخير لاتسوي لها هوليلة .......يعني كل شي في السر يكون سهل

والله يسعدكم ويهنيكم في اجمل ايام عمركم:38: :38:

خواتي اشياء بسيطه بس دايما الا على وجه زواج تعقد كل شي خلوها على الله ولاتفكروا فيها وفي شي انا ماتعلمت الطبخ الا بعد الزواج ولاتوقعي نفسك اول شهرين او ثلاثه راح تطبخي يعني كل مطاعم وعزومات .

أنا أمر في حالة كما تمرين بها أختي وردة ذبلانه ولكن من نووووع آخر :D
الحمد لله أنا متقنة للطبخ وكل شي لأني تحملت مسؤولية البيت في بعض الوقت ولكن يرتابنا بعض الخوووف الشديد من الزواج ولا ندري من شو نخاااف منه :35:

هل هو الخوف من المجهووول أو الخوووف من ليلة الزواج أو الخوووووف ما أدري :35:

وتصدقون أخواتي كل ما يجينا أحد أررررفض وآخر شي أمي عصبت علي وقالت لي ترى من الان لو يطلبك أحد تراك تبين تأخذينه غصب عليك والان أنا مخـــ :D
وأدعو ربي أنه ما يوافقون أهلي :mad:

وتصدقون أخواتي والله الذي يزيد من خووفنا ما نرى نحن ما يحدث في ليلة الزواج وحدة أغمي عليها في ليلة الزواج :08:

الشيطان يلعب دور خطير في تخريب حياتنا هذه حقيقة واقعة ليه الوحدة اذا بتتزوج ( وهو امر حلال) تدور في بالها الف مشكله لكن اذا
فكرت لاسمح الله انها تسوي علاقات حرام مثلا (وهو امر وارد في فترة المراهقة) الشيطان والنفس يشرحون صدرها لهذا الامر
ياوردة توكلي على الله واطردي اي فكرة خراب من الشيطان من راسك واي صعوبه تواجهك في الزواج سواء طبخ معاملة عزومة كوي عيال زوج اهل زوج حطي في بالك شي مهم جدا جدا جدا ان ملايين الحريم ملايين ملايين ملايين نفس وضعك ورغم كذا الوحدة منهم (الضحكة واصلة لاخر الشارع) وتذكري ان هناك الاف العوانس يتمنون ولو شوي من اللي انت خيفة منه