هذا الأمر ليس بأيدينا وش نسوي :08:

اسمعي انا بقول لكِ تجربتي

من الزواج ماكنت خايفه ابدا اقصد ليله العرس لان مثل ماقلتي الكل حذرني من الخوف واقصد صديقاتي قالو لي بتندمي بعدين وبتزعلي على الفرحه اللي بضيعيها بسذاجتكِ اذا خفتي ،، ومشيت على نصيحتهم وخليت نفسي كوووووول وفعلا مرت الليله بسلام و........ افهميها

اما للي تسئلي عنه : تزوجت وانا مااعرف اسوي شيء حتى الكيك العادي اللي ممكن تسويه وانتي مغمضه عيونك واول يوم نتغدى فيه في البيت سويت اكل الله لايذوقكِ زيه ، الرز طلع عصيده والباقي على شاكلته ورده فعل زوجي ولا ابرد من كذا اكل وملىء بطنه وكنت كل مااسئله ايش رايك يقول حلو بس اكيد بعدين بيصير احلى عاد انا ماتغديت هذاك اليوم ،، وصار يعلمني هو الاكلات اللي يعرفها بحكم انه عاش فترة لحاله وصار يجيب لي كتب لطبخ وخليته مثل مايقول اللحين فأر تجارب ،، المهم بعد حوالي الشهرين من الزواج عزم اصحابه وعائلتين اضن وماتصدقي ان الكل مدح في طبخي وقالي ماشاء الله طبخك يجنن لا وتفننت وعملت اصناف كثيره ، وصارو اصحابه كل مايتغدى احد منهم عندنا يقول له زوجتك طباخه محترفه شكلها وهو بينبسط في نفسه ويفتخر فيني ويجي ينقل لي الكلام ويقول لي مايعرفو اني انا اللي علمتك وانا اللي تعلمتي عليه ،، صدقيني اذا خليتي اي شيء يقلقك فعلا فعلا مابتقدري تعملي شيء اذا اخذتي الامور ببساطه بتحسيها بعدين اسهل من السهل وبالعكس بتصير بينكم ذكريات حلو كثيرة بعدين وبتقولو الله كانت ايااااااااااااااااام

طولت صح فاضيه ونفسي اتكلم مع احد فقيت موضوعك قدامي

الينا

السلام عليكم
هلا ومرحبا اختي الينا بالعكس نورتي الموضوع ومشكوره على مشكاركتك الحلوه والمفيده وفعلا اهم شي الزوج المتفهم
الله يرزقنا بواحد طيب وعلى نياته(عشان اسويه فار تجارب)
وبالتوفيق عزيزتي

أختي وردة مفتحة إن شاءا لله

هذا الخوف وارد عند كل الفتيات
الخوف من الزواج بشكل عام كالتوفيق بين الزوجين , وماهية الحياة التي تنتظرها , والمقدرة على الإنجاب أن لا , والقيام بواجبات البيت , والتفاهم مع أهل الزوج ووووووو......................الخ

هذه المخاوف طبيعية ولكن صدقيني لا يهمك منها شيء ولن تفيدك في شيء أبدا اللهم إلا شغل البال والقلق الذي لا مبرر له .

فحاولي أن تزيحي من رأسك المخاوف والشكوك , وتغلبي على نفسك , وهوني الأمر بما تعرفينه من امور زوجك .

وتذكري دائما أن الله عزوجل سيرعى هذا العش الزوجي الذي حض عليه ورغب الناس ببنائه
( وجعل بينكم مودة وررحمة )
أيضا تذكري أن الأسرة تبدأ صغيرة جدا
أنت وزوجك فقط
فالطبخ الذي تخافين منه ومسؤولية البيت التي ترتعدين منها ستكون صغيرة وجزئية بالنسبة لمسؤولية أمك التي ترينها أمامك وتخافين منها

ومع الأيام ستكبر عائلتك قليلا قليلا ومعها تكبر خبرتك وتزداد مهارتك فتصبحين قادرة على تحمل أعبائها لوحدك وبكل جدارة إن أردت .

ودائما إستشيري ممن هن في عمرك متزوجات أيضا وأمك وخالتك واقرأي كثيرا من لنصائح الزوجية المهمة جدا لتبدأي جياتك بثقة ونجاح غن شاءا لله تعالى

راجية لك التوفيق والنجاح والسعادة وألف مبروك ووفقك الله وزوجك دائما .

السلام عليكم ورحمة الله وبركاته
شرفتي الموضوع يااختي العزيزة شام والله اشكرك من اعماق قلبي على هالنصيحه الرائعه والله رفعتي معنيوياتي وبدا خوفي يتلاشى بالتدريج وتحل الثقه محله انشالله والله يوفقنا جميعا
وشكرا