مشكله تواجه غالبية المتزوجات

ALIGN=CENTER]يابنات اسمعوني زين وكل وحده منكم بالله عليها تقول وش الحل ..
وقبل لا ابدا اعذروني على طرحي للموضوع وعن التقصير في الاسلوب

بطبيعتنا الحريم الغيرة عندنا ضاربه رقم قيااااااسي :23:
والمشكله ابليس يساعدنا في هالنقطه ويكبر السالفه وتصير مشكله كبيرة وينقلب حالنا فوق تحت :30:
وصراحه قريت مواقف كثيره في هالمنتدى وسمعت عنها برا المنتدى
يعني على سبيل المثال :
موضوع الاخت زهور الربيع
وخلني بعد اضرب لكم مثال بيكون من نسج الخيال لكن اتوقع انه حاصل
الزوج كان يكلم تلفون بصوت واطي وزوجته دخلت عليه فجاه وارتبك وتلعثم وبسرعه سكر التلفون
ويمكن تكرر هالموقف اكثر من مرة الزوجه الحين بدا ابليس يجيها ويفر مخها

بتقول ليه سوا كذا !!!؟ من كان يكلم !!!!؟ <<< هذي في البدايه
ثم تكتم في نفسها وتتضايق ويمكن تتمشكل مع زوجها لاسباب سخيفه ( طبعا السبب الاصلي شكها فيه بس موب قادره تواجهه لانها ماتاكدت وغير كذا ماهي متجرأة تقوله تخاف من ردة فعله )
تكبر السالفه وتزيد زيارات ابليس:30: لها ويلعب بعقلها وتقول اكيد في وحده ثانيه اكيد له علاقه باحد
ياربي من هي !!!؟ وهنا تبدا الدموع والضيقه والكتمه وحاله :44:

الزوج هنا مايدري وش فيها وليش هالضيقه وليش تعكر المزاج وليش هالمشاكل على اتفه سبب
المهم اخيرا تقرر الزوجه تعترف يوم فقدت اعصابها ووصلت حدها وبعد ماكبرت المشكله ( يعني هي مكبرتها بينها وبين نفسها من شك واوهام )
قالت له اللي مضايقها وصياح وحالة:06:
الزوج ينصدم لان ماجا في باله هالشي ابد ومن وين جبتي هالخرابيط:29: ؟
تقول له الموقف يقعد يضحك :42:لان ماجا في باله هالموقف ابد وان هالموقف زعلها
يعترف لها بالقصه كان يكلم واحد بشي مايبي يقوله لها
تلح عليه وتصج راسه
الين قالها انا موصيه على هديه لك لكن يوم جيتي ارتبكت ماابيك تسمعين وتخربين علي
والحين انتي خربتيها وحستي الدعوه الله يهديك

صراحه ياحريم ماهي مشكله !!!؟
اقسم بالله انها مشكله تعانيها الغالبيه
خطواتها :
1/ شك من مكالمه / مسج / تصرفات/ كلام / موقف / شي شافته عنده ..... الخ
2/ ماراح تستفسر منه وراح تكتم لانها ماتقدر تواجهه وتخاف من ردة الفعل او تحس انها تافه وانه شي سخيف ماله معنى او انه مجرد شك ومابعد تأكدت او وشلون تعترف له وهي شافت هالشي وهو مايدري عنها ( سواء فتحت جواله وهو مانعها عنه او قربت من خصوصياته سواء فضول منها او بالصدفه وهو يكره انها تتدخل في خصوصياته مثل محفظته جواله ... الخ ) عشان كذا تخاف تعترف باللي مضايقها يهاوشها ليه فتحت اغراضه !!
3/ الشك يبدا يكبر وتزيد المشكله تعقيد وتكبر عندها الاوهام وتصير مشكله من لاشي وتنعزل وتنكتم وتحس بمراره وقلبها يحترق لحالها وابليس يزين لها وييزدها ضيقه والحال مايعلم به الا ربي
4/ مشاكل مع زوجها على كبيره وصغيره لانها مقهورة وماهي قادره تطلع اللي فيها ولاهي قادره تنسى تبي تبرير للموقف

بالله عليكم موب هالشي حاصل مع الكل ؟؟
عيبنا الشك والغيره :06:
وعيب رجالنا انهم مايقدرون هالشي فينا ولايدرون :11:
واللي يضحك ويبكي ان الزوجه منقهره وضيقه صدر وصياح ويمكن تقعد يوم يومين او اسبوع ثم تقول لزوجها واخرتها الزوج مايدري ان هالموقف زعلها ولاجا في باله
حاس انها زعلانه بس ليش مايدريي ولا فكر ان هالموقف زعلها
لانه عارف وش كان يقصد وقتها لكن زوجته ماعرفت بقصده وفسرته على هواها
ويوم استفسرت بانت له الحقيقه

طيب :
ليش تمنع زوجتك عن جوالك !!!
ليش اذا شفت نظره الشك بعينها ماتبرر موقفك وتفسر لها !!!
ليش وليش وليش
خل في بالك كل ممنوع مرغوب
وخل في بالك زوجتك تغاااار وتفكيرك موب زي تفكيرها

وانتي :
ليش ماتحسنين الظن بزوجك !!!
ليش ماتبعدين عنك ابليس !!!
ليش ماتدورين الاعذار له !!!
( الكلام سهل وعلشاني حرمه وعارفه بقولكم مهما حاولت بظل افكر واهوجس )

الحين ابي الحلوووول اللي عندكم
موب كل مره تجي سلامه

بالنسبة لي احسن شي اني اصارحه باللي مضايقني علشان مااخلي المشكله تكبر وعلشان اريح نفسي واريحه معي ..

بنات ابي رايكم بهالموضوع بكل صراحه واذا تعرفون مواقف قولها علشان نستفيد

انتظر ردودكم :: ::