مشكله خطيره جدا جدا جدا

السلام عليكم ورحمة الله
خواتى وأخوانى أعضاء منتديات حواء
عندي مشكله وفي رااااي أشوفها جدا كبيره وتحتاج رااايكم ووقفه منكم

أختى اتعرف حرمة متزوجه وعندها بنتين وولدين طبعا هي مربية عيالها تربيه صحيحه وكنت اشوف بنتها ملااااك طاااااهر يقطر براءه وطفوله :27: (البنت عمرها 19 سنه ) واختى من كثر ما اتشوف هذا الأدب وهذا الإحترام وإهتمام الأم فيهم والله مالها طاري إلا هذي التربيه الصح والأخلاق الحميده :13: بصراحة أنا كنت دوووم أقول لإختى انه هذي البنت جدا مضغوطه وانه امها وااايد رااصه عليها على اي شي حتى بيت خالاتها ممنووع ولا في الأحلام وفوق هذ بعد مالها رايي في اي شي في حياتها الأم اتقرر لها كيف تمشي وكيف تاكل كيف تدرس يعنى ضغط فضيع
المهم من فتره عرفت شئ رهيب عن هذي البيت وعن الأم المخدووووووعه اتخيلوا انه هذي البنت عندها صديقتها من أيام الإبتدائية والأم تثق فيها ثقه عمياء وتثق بأم هذي البنت وأتأمن انه بنتها اتروح لبيت هذي البنت :41:
المهم الأم تاخذ بنتها لهذي الصديقة واتروح وترجع عليها بعد كمن ساعه اتعرفون انه ام هذي الصديقة اتسهل للبنت اي شي تبغى اتسويه يعنى تبى اتكلم شباب اتخليها تبى تطلع معاهم اووووكي تتصل الأم وتسأل عن بنتها اتقولها انهم داخل ايسولفون وهي في الأصل طااالعة مع شباب :30:او طالعه للسوق او للسنتر
اتخيلوا وهذي الأم المسكينه الواثقه واللى في نظرها بنتها ملاااااك طاااهر
والله ياخواتى انى انصدمت وانى خفت على عيالى اللى لين ألحين ما جبتهم شو بسوي وكيف بحميهم اذا حتى الثقة بيخونون الأمانه :44:
ياآباااء يا أمهات خافوا الله في عيالكم وشوفوا منو أصدقائهم والله صرنا في زمن ينخاف على الأخ من أخوه
سامحونى بس هذا صار حال الزمن اللى نحنا فيه
اللهم يارب إرحمنا برحمتك يــــــــــــــــــارب

شو رايكم خواتى في هالشي صدقونى هالكلام صحيح 100%100 وما اتبلى اللى ذابحنى براءة هذي البنت واللى طلعت مش على وجهها:06: