خير الامور الوسط ..انا انصحج انج تدرسين دبلوم كبداية وعقب الله كريم خاصة انه هو متردد

اكيد عزيزتي انصحج تكملين دراستج

شوفة عينج الامور بدت تتصعب والحين الجامعيات مب محصلات شغل وانتى لم بتحتاجين بكرة بيكون عندج ثانوية عامة بس الحين ماصارت تسوي شئ في هالزمن

نصيحة من اخت لاختها ولوجه الله تتوكلين على الله ومن باجر تروحين تسجلين وطبعا انصحج بالجامعة لانها اعلى من الدبلوم وممكن تاخذين اربع مواد على راحتج يمكن ماتضغطين روحج ولو انتى شاطرة تقدرين توفقين بين الدراسة والبيت انا وايد كانوا يدرسون عندي بنات بجامعة الامارات ماشاءالله عندهم عيال لكن مثابرات وايد ومجتهدات لانهن يعرفن الحين الشهادة هي سلاح الحياة وبيني وبينج صارت شهادة الجامعية بهذا الزمن ماتسوي شئ من كثر الخريجين يعني انا الحين افكر ادرس ماستر
والحين انا قاعدة اخذ دورات عشان ترفع مستواي التعليمي اكثر
وانصحج تدرسين التخصصات المطلوبة عشان باجر ان احتجتي تلقين بسرعة وظيفة


وادعيلي احصل وظيفة من قلبج

نصيحه لوجه الله الشهاااااااااااااااااااااااااااااده لا تفرطين فيها

واخذي بكالوريوس بعد ....

اتعبي على شي يستاهل خذي بكالوريوس واتوكلي على الله...

والله بيعينيج هونيها وبتهون والأيام تمر مثل الهوى ...

..السلام عليكم ورحمه الله..

شحالج الغاليه؟؟

فضول..ليش ماقدمتي ع جامعه العين ولا التقنيه في السنه اللي كملتي فيها ثانويه؟؟
===================
نقطه مهمه قالها ريلج..انه سنوات البكالريوس طويلة وماتضمنين نفسج تكملين ولا لا..وجامعه بوظبي دراستها يباالها لغه وصعبه ويبالها توفل..(جربي امتحني توفل ولو يبتي ال500 المطلوبه فكري في جامعه بوظبي).. لانه بتوفر عليج سنه لفلات انجليزي وفلوس ع كل لفل...
فكري فجامعه بوظبي وايد وخذيها من كل النواحي...

الكليه تطلب 450 توفل وتعدين لفلات الانجليزي بتكونين وفرتي سنه وفلوس..وتدرسين براحه وارخص وسمعت انهم مقدمين ع بكالريوس وان شاء الله يوافقونلهم... ساعات الدراسه اريح..اتصلي واسالي لو خلصتي دبلوم من الكليه وبعدها فكرتي تكملين جامعه هل بيحسبولج المواد ويخلونج تكملين بكالريوس؟؟..وانا ارجح الكليه بالنسبه لج...

ملاحظه:.. انا ماعرف مستوى ريلج المادي.. لكن يمكن انه مايبا يكسر خاطرج وقالج لو تبين بدفع ويمكن انه خايف هالفلوس تروح ع شي مافيه نتيجه ع حسب تفكيره..(ماعرف كيف اوضح الفكره)..والدليل انه مب مشجعنج ع الدراسه...

استخري قبل كل شي الغاليه والله يوفقج...

همسه: في شي مهم وفيه شي اهم..الدراسه مطلب دنيوي مهم..وزياده العباده مطلب ديني أهم...وفكري بالاهم قبل المهم... :).. (بعد ماعرف اوصل الفكره هههههه مشكله)...

والسموحه فديييييتج والله يوفقج دنيا واخره ويكتبلج اللي فيه الخير...

أولا اسفه علي تأخيري في الرد عليكم 000بس ألف شكرا لكل وحده دخلت موضوعي علقت عليه سواء بالنصيحه أو التجربه يعلني ما اخلي منكم 0000
بس بغيت أعلق علي الاخت الغاليه رجاوي السلام عليكم ورحمة الله وبركاته شحالج حبيبتي تسلمين الغاليه علي الاهتمام وألحين أبغي أتحاور مع بنات أفكرج وأجيب علي كل سؤل فيها واتفاعل مع كل فكره وأرجح إحتمال من كل الاحتمالات 000
بالنسبه لجامعه العين ما قدمت عليها لاني من بوظبي والتقنيه حملت وربيت في سنتين وراحت علي 0
بالنسبه للتوفل والله أنا إنجليزيتي ركيكه(ربة بيت) فناويه أخذ سنه لغه طبعا في الجامعه إلي بدخل لها
0والله أنا بعد هيومين سمعت عن جامعة الحصن إذا عندج فكره عنا يقولون رهيبه وبعد وااايد أقرب من جامعه بوظبي (لانهم ناويين يفتتحون مبانهم في مدينة خليفه) والحصن في شارع المطار 0
وأول أول مره أسمع عن إن الكليه ممكن تعطي بكلوريوس أشك لان الخوارزمي كم سنه وما عطوه البكلوريوس 0
مستوى ريلي عادي ميسور والحمد لله هوه قالي الدراسه حلوه بس إنتي موب محتايه لها ماديا أقصد الشهاده وبعد قالي أخاف تبدين المشوار وفي النص توقفين وتضيع الفلوس كان صريح في الشيئين لان الدراسه طبعا بتكلفه موب أقل من 180 ألف بس رد وقالي إذا إنتي معزمه وحابه الدراسه بعد موب ممانع وعلشان هشكل أنا متردده خايفه أفشل وأكون ما سمعت بنصيحته وضيعت الفلوس 000!!!؟؟؟تعرفين بيكون شكلي موب حلو فقلت خلي الخوات يسعدوني بتجاربهم ونصايحهم والكل يحثني علي الدراسه بس الظاهر يبالي خطوه أولي ثابته والله يسرها بعدين(ماعرف اوصل الفكره هههههههههههههههههههه)
فعلا مثل ما قلتي في أشياء دنيويه وأشياء دنيه والعلم من الاشياء الدنيويه التي حث عليها الرسول وإن شاء الله إنها ما تأثر علي الجانب الديني ووووايد مشكوره علي مداخلتج الطيفه والحلوه والله يحقق لج إلي بخاطرج وتسلم عيونج000 إنتي من وين؟