انا بعد انصحج تكملين ... واقظل انج تدخلين الجامعه لان اذا دخلتي الكليه بد ما تتخرجين بتحسين ان الدبلوم شويه وبتردين تكملين عشان تاخذين البكلريوس وجي بتظيعين سنه او سنتين زياده...

هلا مولان الغاليه...

تسلمين ردج راقي والله يوم قريت اول شي خفت ماعيبج ردي...بس تبين الصدق..اكثر البنات اللي يردن يردن من السعوديه ويرمسن بشكل عام وفرق اصلا بين دراسه هنيه والسعوديه.. دراستنا كلها صارت بالانجليزي..والتوفل مطلوب.. انزين اييج الشور.. روحي قسم ساعدوني واسالي البنات عن جامعه بوظبي وجامعه الحصن شوفي شو يقولوج عن الدراسه واشرحيلهم ظروفج العائليه وشوفي هم بيشورون عليج اكثر وبيخبرونج كيف الدراسه المهم بقولج اللي اعررفه عن جامعه بوظبي توني متخبرتلج....5 مستويات انجليزي...المستوى ب4000 مع مستوى 1و2 يسمحولج تاخذين ماده مع مستو 3و4 يسموحلج بمادتين ومستو 5 بثلاث مواد..مو مطلوب التوفل لكن لازم تعدين امتحانات ويطلون علامه محدده لازم اتيبين اكثر عنها وقالتلي انه الامتحان شرات التوفل...بس والله اخر جمله انقالت..قوليلها لاتدخل ههههه قالت كليه الامارات مطلوبه وسنتين ودوام ع راحتج..قريبتي ظهرت من الجامعه وراحت الكليه ووايد بنات وياها يايات من جامعه بوظبي والله...ماقدروا ع الدراسه ماقدر اعمم اقول بتكونين مثلهم بس ماعرف بنات وماعندهن شغله مب قادرات يكملن كيف وانتي لج عايلة وانتي ادرى بقوانين الجامعه الالتزامات لو انج من اول داخله كنتي بتكونين تاقلمتي لكن اصعب شوي اول سنين جامعه ...وايد رمست بس مب لازم تاخذين رايي حسبيها من كل صوب..شوفي القوانين ..مستوى الدراسه..اوقات الدوام..اسالي في قسم ساعدوني واي سؤال فخاطرج خبريني بتخبرلج عن الكليه ولا جامعه بوظبي كلهن اعرف فيهن ناس..بس الحصن ماعرف والله ماسمعت عنها شي..بس مهما سمعتي عن اي مكان اسمعي من ناس درسوا فيه ...


همسه..(لاتخافين هالمره غيرههههه)..من تحدرين تبين تقرين الموضوع ع طول ادخلي الصفحه الثانيه من القسم لانه اكيد لين تحدرين المنتدى قد موضووعج وصل 3 صفحه..(يارب اني وصلت الفكره)...

السموحه طولت..وانا من بوظبي... :icon28:..

آميــــــــــــــــن يارب...