مشهد عن الأسهم من تأليفي

السلام عليكم ورحمة الله وبركاته

مجلس حريم وتدخل أم صالح وتسلم عليهم وتسألهم عن احوالهم

أم صالح: ماشفتوا أم خالد ايش صار عليها

الحريم بصوت واحد اش صار

أم أحمد عسى ما ماتت؟؟

أم صالح أعوذ بالله من لسانك يام احمد قولي خير أو اسكتي ابشرك طيبة وبخير

الحريم طيب ايش صار

ام صالح صارت غنية ومين قدها سيارة وجوال ولاب توب عز والله عز

أم أحمد كيف لايكون زوجها مات وورثت عنه ولاأبوها مات وورثت عنه

أم صالح اعوذ بالله منك يام احمد انتي ما وراك الا الموت

لا بس ام خالد ماشاء الله عليها طلعت ذكية وعرفت كيف تتصرف

الحريم طيب ايش سوت

ام صالح امس قالت لي انها دخلت هذه اللي يسمونها الاسهم وربحت 80 الف

ام احمد هب ووي ووي عليها 80 الف مرة وحده وعسى ما انجلطت

ام صالح اعوذ بالله من لسانك بسم الله عالحرمة بسم الله على وخيتنا

في هذه الاثناء تدخل ام خالد في يدها جوال ومعاها اللاب توب ويكون مفتوح

ام خالد السلام عليكم ورحمة الله وبركاته

الحريم وعليكم السلام ورحمة الله وبركاته

ام صالح هلا والله بحبيتنا وقروشها قصدي وعلومها

ام احمد اهلا (بدون نفس) الا اش ذا اللي معاك ذا الكبير

ام خالد هذا اللاب توب حقي عشان اتابع الاسهم اول باول

والحريم يبدأون يتوشوشون

ام خالد الا ياوخياتي ليه ما تجربون الاسهم وتدخلون

لو تبغوني اعلمكم من عيني

ام احمد وتروح تتلصق فيها وتقول ايييييييه

وانا اقول ام خالد ما في زيها حبيبة وطيبة

ام خالد ما عليه انتو هاتوا فلوسكم وانا ادخلها لكم

خلاص بكرة تعالوا واعطوني اللي عندكم

وينزلوا البنات

المشهد اللي بعده تكون ام خالد قاعدة في بيتها ومعاها اللاب توب

شويه طق طق الباب تقوم ام خالد تفتح

وانها ام صالح تجيب لها الفلوس والذهب في كيس

ام صالح ترى يام خالد هذا كل ذهبي وفلوسي

وترى بعت التلفزيون والسيارة من غير ما يدرى زوجي

هالله هالله في الربح

ام خالد ابشري يام صالح ما يصير خاطرك الا طيب

وتطلع ام صالح وتجي بعدها ام احمد

ام احمد لا اوصيك يام خالد ترى هذه فلوسي ما عندي شي بعدها

ام خالد ما يصير خاطرك الا طيب

ام احمد ترى يام خالد ابيك بسالفة بس مستحية

ام خالد ولو يام احمد احنا اهل قولي

ام احمد ترى امس ام صالح كانت تدعي عليك بالموت

كل شوي حسد والله حسد اقري على نفسك يا وخيتي

ترى انتي حبيبه

ام خالد قل اعوذ برب الفلق مشكورة يام احمد ما قصرت

والله ماهقيتها من ام صالح لكن صدق اللي قال تحت السواهي دواهي

وتطلع ام احمد وكل شوي يجوا الحريم ويعطوها الفلوس

وبعد شوي يرن جوال ام خالد وترد

ام خالد الوووو

ام احمد الوووو

ام خالد هلا با احمد

ام احمد هلا والله اقولك بكرة الجمعة عندي بعد العصر نتابع الاسهم مع بعض

ترى عزمت خوياتنا

ام خالد ان شاء الله

وينزلوا من المسرح

المشهد اللي بعده الحريم قاعدين اعصابهم متوترة يستنوا ام خالد

ام صالح وينها ام خالد خير ان شاء الله اش فيها اتأخرت

ام احمد عسى ما ماتت؟؟

الحريم بسم الله على فلوسنا

وفي هذه الاثناء الحريم يسبوا ويشتموا بعض (لان حالتهم متوترة)

وشويه تجي ام خالد ومعاها اللاب توب ويكون مفتوح

ويستقبلها كل الحريم

وتجلس وكل الحريم حولها وقدامها قدام اللاب توب

وبعضهم يدخلوا راسهم داخل اللاب توب

ام خالد وجع قوموا ايش فيكم انهبلتوا اصلا انتوا ايش يفهمكم في هذه الامور

ام احمد ايه قمت تتكبرين علينا اقول اخلصي ايش صار على الاسهم

ام خالد لسه دقيقة اصبروا بس

وفي الاثناء ام صالح تقول يارب والحريم كلهم وراها يارب

وتعيد اربع مرات والحريم وراها في المرة الاخيرة تقطعهم ام خالد وتقول

الاسهم الاسهم

وكلهم يطبوا فوقها هااااااااااا ربحنا

ام خالد اصبروا اصبروا لسه ما طلعت

ام صالح بعصبية انتي مو تقولين الاسهم الاسهم

ام خالد ايييه لان الموقع قفل علي انتوا ايش يفهمكم

وهذه الاثناء يكونوا في حالة توتر

وفجأة تدخل بنت ام احمد وتقول يمااااااااااااااااااااااااااااااه

ام احمد ايش في؟ ابوك مات ؟

البنت ابويا مات متى وكيف وتصيييييييح

ام احمد تقوم وتضربها وتقول

انتي اتخبلتي انا اسألك ويش فيك تصارخين

البنت اييييييييييييييييييييه الحمدلله ابويا حي

وفجاة تصرخ يماااااااااااااااااااااااااااااااااااااه اخوي ضربني

تقوم ام احمد وتضربها والبنت تشرد وتطلع من المسرح

ويسألوا ام خالد ايش صار (طبعا هم في هذا المشهد بكامله يكونوا متوترين)

ام خالد اصبروا اصبروا

وبعدين يبدأوا ينشدوا

الف اسهم فيها جنان

الف الالام بل احزان

الف ااااا

الف اسهم ترفع ضغطي

الف اطلب رحمة ربي

الف احلم بالالاف

الف اخسر حتى اللحاف

الف اااا

ياليل ياليل ياليل ...........

ياناس ياناس شوفوا حالي

شوفوا شوفوا ايش جرى لي

في الاسهم كل مالي

وخسرت حتى ريالي

والله انت ياهيه ياهيه ياهيه

والله الاسهم بالي توب ياربي علي

يا داخل الاسهم

خل بالك منهم

لاتضيع فلوسك

ولاحد يدرى بك

والله انت ياهيه ياهيه ياهيه

والله الاسهم بالي توب ياربي علي

ياتارك اعمالك

ومتابع اكتتابك

لاتضيع حياتك

ودينك وصلاتك

والله انت ياهيه ياهيه ياهيه

والله الاسهم بالي توب ياربي علي

وبعد ما يخلصوا تقول ام خالد الكمبيوتر علق علي

تقول ام احمد انا بنتي الكبيرة تعرفله وتناديها

صالحة صالحة صاااااااااااااااااااالحة الله يصلح حالي

تجي صالحة نعم

ام احمد شوفي يابنتي هذا المدري ويش اسمه عطلان

صلحيه بسرعة نبي نشوف الاسهم

تجي البنت وتقطق في الجهاز شوي وتصلحه

تقولها ام خالد يابنت شفتي ذا الموقع حطينا فيه اسهمنا

طلعيها لنا

تجي صالحة وتشهق شهقة

كل الحريم ويش فيك

صالحة حطيتوا فلوسكم هنا؟؟

الحريم ايييييييييييييييييييييييه هاااااااااااا ربحنااااااااااا

صالحة هذا موقع تبرعات؟؟؟

الحريم يشهقون شهقة وكلهم يطبون فوق ام خالد اسهم هاااااااا

وام خالد تشرد

وينتهي المشهد