مشورة حول مساعدة البنات لاامهاتهن

انتي قلتيها تفسد علينا بناتنا
خليها تشتغل وتكد بكره تتزوج ويكد بهاولد الناس>>>>زوجها
ولامانع من المكافأت الغير ماليه مثلا تمشيه وخلافه

عيالك وبناتك طبيعي بياخذون منك مصروف فايش المانع لويكون هذا المصروف بمقابل عمل يقومون فيه بالبيت علشان يشعرون يقيمة الفلوس اللي تجيهم ويعرفون انها ماتجي إلا بالتعب والجهد .يعني بنتك او بناتك مع بعض ياخذون راتب الشغالة اللي هو 800 ريال أو 1000بالشهر بدل الشغالة وتخلين بنكت اوبناتك تفرحون بالفلوس اللي تجيهم من عرق جبينهم وتخلينهم تنظفون البيت لأن لو بدون مكافأت او راتب ممكن يكون فيه تكاسل، يوم تنظف ويوم لا لكن اوفرلكم واحسن لبناتك لو تدفعين راتب الشغاله لهم. ولوعندك بنات مايخالف اقسمي الشغل بينهم كل وحدة تنظف شيء لمدة اسبوع والأسبوع الثاني كل وحدة تستبدل وتاخذ شغل الثانية علشان مايملون من نفس الشغلة وتقسمين راتب الشغالةعليهم هذا بالنسبة لشغل البيت العام اما غرفهم فكل وحدة مسؤولة عن غرفتها وملابسها غسيل وكوي بدون مكافأة او راتب .
نفس الشئ اذا عندك أولاد صغار قسمي عليهم الشغل مع البنات واذا هم كبار ويسوقون خليهم يشتغلون بدل السواق في السواقة وتنظيف الحوش والسيارات وسقاية الزرع وتقليم الأشجار والمساعدة في اي شيء يعمل بالبيت من نقل اثاث او تصليح سباكة بسيطة او الوقوف مع عمال اثناء شغلهم في البيت الخ .

ياليت كل البيوت كذا كان ارتحنا من وجود الخادمات والسواقين ، منهاشبابنا وشاباتنا يتعلمون يخدمون انفسهم واهاليهم ومنها يتعلمون لأنفسهم ومستقبلهم ومايعتبرون إن الشغل عيب لأن شبابنا صاروا مومثل شباب اول تعودوا ان فيه اعمال عيب هم يسوونها بأنفسهم لأن اللي يسويها عمال وخدم حتى لو شافوا احد اصدقائهم يسويها يفشلونه ويحطمون عزيمته أما اذا وراها مقابل ماراح يهتمون بكلام اصدقائهم لأنهم بيحسبون حساب انهم لو تركوه بينقطع عنهم المصروف اللي جايهم بمقابل تعبهم .

والله اسمع عن ناس امهم مطلقة عايشة على راتب الشؤون وصدقات المحسنين وعندها ولدين لما كبروا وصاروا فوق 18 سنة ببساطة مستهينين ان امهم تستمر تعتمد على راتب الشؤون وصدقات الناس ولايقبلون يشتغلون بعمل في شركة براتب 3000 ريال لأن الشغل موعاجبهم شيء غريب يعني يقبلون بالصدقات ولايبون يشتغلون إلا في وظيفة كبيرة رغم إن شهاداتهم واحد تانوي والثاني تعليم مهني .

والله م اؤيد هالشئ ..

يمكن لاني تربيت في بيئة معينة هيئتها لي امي الله يرحمها ..

يعني ليش تهلكين بناتك بالكرف وهم في عز شبابهم لاحقين على العناء ..

غير كيذا عندهم دراستهم المفروض تهيئين جو يساعدهم على الدراسة مو العكس ..

م ادري احس الشغالة شئ ضروري ..

م شفت رفض وجودهم في البيت الا هنا في عالم حواء ..

من يوم عرفت نفسي والشغالة في كل بيت شئ م فيه نقاش ..

سعودية ذوق انا نفس افكارك بس وين الخدم ووين الجنسيه المريحه

وحده من بنات حواء هههعع الله يوفقك من وين حوش وزرع البيت كله غرفتينومطبخ