مش بعرف اكون صداقات في مكان عمل جديد و احافظ عليها

انا الحمدلله جميلة و موءدبة و بهتم بنفسي و نظافتي و عندي عدد اصدقاء بره العمل كويسين و منهم اصدقاء من الطفولة بس كل لما اروح مكان عمل جديد بحاول اندمج مع البنات و اصاحبهم . انا في طبيعتي مش باخد علي الناس بسهولة و مش بحب اكون تقيلة علي حد فلما بروح مكان عمل جديد بحاول افتح كلام مع البنات و ساعات هما بيفتحوا كلام معايا و ممكن نتواصل مع بعض و نخرج مع بعض كام مره لكن الصداقة مش بتدوم وبتتقطع لما بمشي من الشغل و مش بيسالوا و دي حاجة بتزعلني لاني بكون عايزة اكون صداقات من الشغل و كمان ساعات بيعملوا اصدقاءي في الشغل خصوصا البنات بس ينموا عليا من ورايا و بحس انهم بوشين و مره يسلموا و مره لا فبضطر اني اقطع العلاقة عشان مكونش عبيطة . مش عارفة ليه مش بيحاولو يحافظوا علي الصداقة زي ما انا بعمل . الغلط فين ؟