يادنيا اضحكيلي @yadnya_adhkyly

عضوة جديدة

مصدوووومه في اخوي الي كنت معتبرته مكان ابوي الله يرحمه

السلام عليكم
بنات والله ضايقه ومالي غيركم افضفض له
والله اكتبلكم والدموع بعيني
انا ابوي متوفي من وانا صغيره كااان مره حنون ومره مدلعني الله يرحمه لاني اخر العنقود
المهم اخواني كثار ماحاول احد منهم يحل مكانه ولا بس يحسسني بشوية اهتمام
امي كبيره في العمر وما اقدر احملها همومي يمر العيد ولا احد يسألني اخذك مع زوجتي تشترين الي ناقصك
لا اروح مع امي بلموزين السوق والله اني ابكي وانا على الشارع وحنا نوقف لموزين واخواني وش كثرهم لا وساكنين جنبنا والله انه يتقطع قلبي على امي وانا اشوفها تقاوم التعب في السوق لما اخلص اغراضي تقولي ماابيك تطلعين اقل منهم
ولا واحد فيهم قد دق بابنا وقال هذا بريال خبز
الا واحد فيهم كان ارحم منهم بين كل فتره وفتره يسأل عني كنت دااايم الجأ له كنت اقول الله عوضني بأخ يحن علي
حبيته وعطيته حبي لابوي
انا حريصه ما اثقل عليهم بطلباتي لاني ما احب اكون ثقيله ما اطلبهم الا للضرووووووووره القصوى
يعني اذا مستشفى ولا سوق ولا اغراض للبيت اروح انا وامي الله يخليها لي بلموزين
لكن بعض الاشياء لازم رجال الي يسويها
المهههههههم الي بكاني اني دقيت على زوجة اخوي هذا الي اقول عنه احسن منهم ويحس فيني اسولف معها
من بين السوالف قلتلها ان تلفزيونا خربااااااان وقلتلها مع الراتب بأشتري واحد نتسلى عليه انا وامي مع اني والله ما طلبتها تقول لاخوي الا قالتلي لا ليش تشترون جديد انا اقول لاخوك يمرك بكره ويوديه للمصلح يصلحه
قلتلها والله فكره المهم من بكره ما جاء دقيت عليه قلتله ان تلفزيوني خربان ياليت تمره وتوديه يصلحونه قالي طيب
امس قابلتها الا وتقولي انا حلفت لاخوك اني اعلمك قلتلها خير ان شاء الله
قالت شفتي يوم قلتلك اخوك بيمرك بكره عشان يودي تلفزيونك عند المصلح قعد يأشر لي اسكتي
والله لاوريك ليه تقوليلها اوديه وقالتلي والله دايم اذا دقيتي يخاف تطلبنه مشوار يقولي ردي قوليلها نايم..قسم بالله وهي تتكلم حارت الدمعه بعيني حسيت اني بدون سند
محتاجه انسان يكون جنبي يساندني انا لحالي في هالدنيا تعببببببت والله تعبت صرت رجال البيت
لاتقولولي تكذب لان سالفة نايم انا كشفته فيها مره ومن حبي له سويت نفسي غبيه
تفشلت لا وانا ووجهي داقه عليه بعدها بيوم واقوله السالفه علبالي ماعنده مشكله ومتعاطف معي
انا انصدمت هذا الي لاضاقت الدنيا فيني قلت وينك
يتثاقل من طلباتي وياليتني من الي يطلبون كثير
هذا الي تعلقت فيه ودايم رافعه راسي فيه وادعيله
هذا الي اذا شفته مستانس استانست واذا ضاقت فيه الدنيا ضاقت فيني
:44:بنات ادعولي ان الله يرزقني بالزوج الصالح عاجلا غير اجل الي يعزني وارتاح من اني اطلب ناس قدامي بوجه ووراي بوجه
ماااااابي اثقل على احد ادعووووووووولي محتاجه دعواتكم
احبكم يابنات حواء:44:

212

13K

يلزم عليك تسجيل الدخول أولًا لكتابة تعليق.

تسجيل دخول

تميمية2006 • 16 سنة

الله يفرج عليك كربتك ويرزقك الزوج الصالح الي يسعدك ويهنيك

جـ:*ـ*:ـوري • 16 سنة

لاحول ولا قوة اله بالله

قولي آمين ربي يرزقج بزوج الصاااااااااااااااااالح الي يعوضج عن اخوانج ويقوم في امج معاج

سبحان الله ..

مو مقياس كثرة الاخوان .. ممكن ربي يرزق عائله رجل واحد ويكون عون لهم وممكن يكون عندهم عشره وكلهم مثل عدمهم

والله المستعان ..

زهرةالحياه • 16 سنة

تميمية2006 :

الله يفرج عليك كربتك ويرزقك الزوج الصالح الي يسعدك ويهنيك

الله يفرج عليك كربتك ويرزقك الزوج الصالح الي يسعدك ويهنيك

مجرد مشاعر • 16 سنة

يااااااااقلبي عليك ،، والله كلامك يقطع القلب

الله يرزقك بالزوج الصااااااااااااااالح يااااااارب التقي النقي الغني اللي يعزك انتي وامك يااارب

ولا تحتااجين لأحد منهم

ما رأح أنسااك من دعااائي

روعه بكل شي • 16 سنة

ياحياتي الله يفرج كربتك يارب..

وسوي نفسك مادريتي!! ايه لاتخسرين اخوك .. معليه الواحد ايش يسوي يحاول يجاري الناس

وبصراحه مرت اخووووووووووووووووك تقهررررر ليش تقووووووووووووولك :@

ماعليك منها واقهريها قولي اخوي وانا راضيه لين يقولنا هو بنفسه .. او تدرين لاتفتحين معاها الموضووووووع ابد
ولا يهمك ..