مصطلحات اللهجة الليبية

السلام عليكم حوائيات عالم حواء جميعا:39:
كيف حالكم وش أخباركم عساكم بخير

عاد انا اختكم ليبية من ليبيا وجتني فكرة تنزيل موضوع علي لهجتنا لاني شفت الكثير يحب اللهجة الليبية ويحب يتعلمها او حتي يفهم مصطلحاتها ومعانيها
وخصوصا بعد ثورة 17 فبراير لهجتنا انفتحت علي العالم العربي ككل
فحبيت نعرفكم علي لهجتنا
طبعا هي بسيطة وفيها تشابه بعديد من اللهجات
فتلقي كلمات متشابهة بين اللهجة الليبية والمصرية والسعودية وهكذا
وزي مانتم عارفين ليبيا كبيرة من حيث المساحة فتختلف بعض الكلمات من مدينة لاخري
وخصوصا غرب ليبيا والمتمثلة في طرابلس وتاجوراء والزاوية وصبراتة وصرمان ومصراتة والخمس وزليتن والجبل الغربي بصفة عامة
والشرق الليبي والمتمثل في مدينة بنغازي واجدابيا والبيضاء وسرت والبريقة والمرج ودرنة وطبرق وشحات
والجنوب الليبي كمدينة سبها ووادي الشاطئ ومرزق وأوباري
يلا علي بركة الله نبدأ:

هَلْبَا::كثير

مْتَاعِي::حقي

مَاهُو:: لان

مِشْ:: مو

رَاهو:: تجي بمعني ترا في اللهجة السعودية

خِيرَكْ::ايش فيك او مالك (طبعا هذه بلهجة الغرب)

كَنَّكْ::ايش فيك اومالك (بلهجة الشرق)

حِي:: ويل و ياحي ياويل

كَعْمِزْ::اجلس

تَوَّا::الآن

بَاهِي ::طيب

لابِدْ:: كَارِسْ:: مختبئ

صَبِّي:: اوقف

راقِدْ:: نايم

ارْقُدْ:: نَامْ

خُشْ:: ادخل

وَلِّعْ:: اشعل


أَمْنَعْ:: اهرب

رُدْ::أرجع الشيء في مكانه او جاوب علي مثلا وعند الشرق يعني ارجع انت

ارْفَعْ:: أنْهَضْ:: شيل (بلهجة الغرب والشرق الليبي يقولو شيل ايضا)

أُزْرُطْ:: ابلع

صَبِّي:: اوقف

نْدِيرْ::أسوي

نَشْبَحْ::نشوف او اشوف

دِرْتْ:: سويت

حَوِّلْ:: زِيحْ, فك, انقل

نَقَّالْ:: جوال, موبايل

شنُو:: ايش

رُوشنْ:: شباك

حَامِقْ:: غاضب

وَاعِرْ:: صعب

عْلاشْ:: ليش (بلهجة الغرب)

شْكُونْ:: مَنْ (بلهجة الغرب)

كُوجِينَة:: مطبخ

دَارْ:: غرفة

حُوشْ:: بيت

جْنَانْ:: حوش باللهجة السعودية او الجنينة باللهجة المصرية

دُرُوجْ:: الدرج

مَرْبُوعَة:: مجلس الرجال

بَرَّا:: امشي

غَادِي:: هناك

صَقَعْ:: برد

شِخْشِيرْ:: جرابات

سِرْوَالْ:: بنطلون (طبعا بجميع انواعه للرجال والنساء)

سُورِيَّة:: قميص

مَاكِينَة:: آلة

حَدَّادْ:: مكواة

غَازْ:: بوتاجاز

كَوشَة:: فرن كهربائي

مُوسْ: :سكين

كَاشِيكْ:: ملعقة

فَرَكِيتَّا:: شوكة

صُونِيَّة:: صحن

طَنْجَرَة:: قدر او حلة

طَاسَة:: كوب

شِيشَة:: قنينة

لَوَنْدِينو:: حوض المطبخ او المغاسل

شِيشْمَة:: حنفية

وَرَكِينَة:: الكلوركس

حُكَّة:: علبة (بلهجة الغرب)

حُكِّيَّة:: علبة (بلهجة الشرق)

هَرْدْ:: ثقب

مْخَدَّة:: وسادة

نْصَولَة:: شرشف (حنا أكثر الغرب نقولو شرشف)

خْرَاصْ::حلق أذن

بُخْشَة::مفرش الاكل


لاَمْبَا:: لمبة

فُوطَة:: منشفة

بُطْمَة:: زر

سُرّيتا:: سُوسْتا علي ماعتقد واهل الشرق الليبي يسمونها سوستا

وَاحِلْ:: متوهق

عَاوِدْ:: أعد مرة أخري

زنقة::شارع (بلهجة العاصمة طرابلس)

شوكة ::بلهجة الشرق اما باقي ليبيا فيقولون شارع والاغلب كلمة شارع هي اللي سائدة

بُخْ:: رُشْ

بُخِّي:: رُشِّي

صُبِّي:: اسكبي

شِدِّي:: امسكي

جِيبِي::هاتي

طُرُوفْ:: قطع

سَيِّبِي::خلي أو سيبي

مْشَفْشِفْ::ذو شعر حايس وغير منظم ومنها أتت بو شفشوفة وهو القذافي بالطبع

لِزْ::اطرد

طاحْ:: وقع علي الاض



لَزِّيتَه::طردته

أَرْكَحْ::هَنِّي رُوحَكْ:: يعني بَطِّلْ

سَادْ::كافي او كفي او خلاص

نْحِقْ::نشوف (بلهجة الشرق)

فلِيت:: مبيد حشري

بِيرُو:: قلم حبر

لاَبِسْ::قلم رصاص

كُرَّاسَة:: دفتر


وهذا اللي يحضرني حاليا من كلمات واي كلمة سامعينها وتبو ترجمتها انا حاضرة انتظروني في رد اخر رح انزل أكلات ليبية شعبية بالصور ان شاء الله
وناوية انزل امثال شعبية ليبية ورح نترجمها ان شاء الله
ملاحظة: للبنات الليبيات المتواجدات ارجو اضافة ماعندكم لاطراء الموضوع خصوصا بنات الشرق لاني ماعطيت لهجة الشرق حقها باعتباري من غرب ليبيا ياريت تضيفو اللي تحبوه واللي تروه غير مفهوم عند غيرنا من الشعووب


تقبلو ودي