مضاربه

الركبة البيضى/ اشكرك ياابوبرغش ياعيوني ... وبصراحة تراي شرهة على نفسي وشلون قبلت اقعد مع هالعبده السودا على طاوله وحده .
ــــــــــــــــــــــــــــــــــــــــــــــــــــــــــــ
الركبه السودا/ تكفين عطيني من بياضتس شوي خلاص خلاص ترا ابموت لو ما قعدتي معي
ــــــــــــــــــــــــــــــــــــــــــــــــــــــــــ
ابو برغش / ههههههه حلوه يالركبه البيضى … ونشكرتس على تواضعتس والله يلوم الي يلومتس(معاناة)
ـــــــــــــــــــــــــــــــــــــــــــــــــــــــــــ
الركبه البيضى/وابنصحتس اذا بغيتي تقعدين معي اسبحي تراهم يمدحون المويه وان مانفعت ترا التنر مهوب شين.
ــــــــــــــــــــــــــــــــــــــــــــــــــــــــــ
الركبه السودا/ الحمدلله هالسواد يشهد لنا بطاعة ربنا وكثر السجود . ــــــــــــــــــــــــــــــــــــــــــــــــــــــــــ
الركبه البيضى/ والله حنا نصلي مثلكم خمس مرات في اليوم ونوتر ونتسنن وما صارت ركبنا سود . نبغى سبب مقنع
ـــــــــــــــــــــــــــــــــــــــــــــــــــــــــــ
ابو برغش: لو سمحتوا معي مكالمه .. الو مين
ــــــــــــــــــــــــــــــــــــــــــــــــــــــــــانطوان/ معك انطوان من لبنان ...ابسال سؤال ...اقول سمعنا عن الضب الممسوخ وصدقناه وشفناه .... سمعنا عن الاطباق الطائرة وصدقناها وشفناها ... لكن عن الركب السود ماسمعنا وما اصدق ان فيه ركب سود ... شي لايمكن يصدقه العقل (يعطي الحلق الي بلا ودان).... شكرا لكم.
ــــــــــــــــــــــــــــــــــــــــــــــــــــــــــ
الركبة السودا الله يحوم تسبدها تقول عندها مداخله
ـــــــــــــــــــــــــــــــــــــــــــــــــــــــــــ
الركبه السودا/ انتم مااهتميتوا بنفسكم وببياضكم الا علشان يشوفونكم الناس.
ـــــــــــــــــــــــــــــــــــــــــــــــــــــــــ
الركبه البيضى / يعني لو كنتو تلبسون قصير مثلنا اهتميتوا بركم .. يعني منتوب مهتميم الا علشان الناس .
ـــــــــــــــــــــــــــــــــــــــــــــــــــــــ
الركبه السودا / بس انطمي يالبرصى (مالقت شي تقوله افحمتها البيضى)
ــــــــــــــــــــــــــــــــــــــــــــــــــــــــ
ابو برغش/ ههههههههههههههههه (عاجبه الوضع).. الو معنا مكالمة.
ــــــــــــــــــــــــــــــــــــــــــــــــــــــ
سعد بن راشد / الو معك سعد بن راشد … وعندي سؤال … وين حقوق الانسان عنا … وين منضمة العفو الدوليه … وين جامعة الدول العربية .. ليش مانقوم بمظاهرات لتصحيح الوضع ليش احنا محرومين من الركب البيض …طرقع(انقطع الخطالركبه السودا / اعتقد ان سعد بن راشد هذا لبناني ومغرض... والي احب اقوله ان ربعنا تكيفوا مع الوضع( السحالي مهيب اطيب منا)
ـــــــــــــــــــــــــــــــــــــــــــــــــــــــــــ
ابو برغش / هههههههههه اما سعد بن راشد لبناني
ـــــــــــــــــــــــــــــــــــــــــــــــــــــــــــ
الركبه البيضى/ انطمي بس يالكوع المحلي .
ــــــــــــــــــــــــــــــــــــــــــــــــــــــــــ
ابو برغش / اما الكوع المحلي هههههه حلوه ههههههههههه والله الي لقيتيها ههههههههههههه …. بردتي على تسبدي شوي.
ــــــــــــــــــــــــــــــــــــــــــــــــــــــــــ
الركبه السودا/ الله واكبر من زينتس الفخذ ناشب في الساق صايرين وصلة وحده مالس لالون ولا شخصيه.
ـــــــــــــــــــــــــــــــــــــــــــــــــــــــــ
الركبه البيضى / ترى ذي مدحه لي يالعبده … والشخصيه اللي ماهيب جايه الا بالوسخ مخلينها لتس. اسبحي
ـــــــــــــــــــــــــــــــــــــــــــــــــــــــ
الركبه السودا / عناد فيتس والله مااسبح.
ــــــــــــــــــــــــــــــــــــــــــــــــــــــ
ابو برغش / والله ماقعد بها الا انحنالركبه البيضى / ناصح الركب في النار. بس وين يجيتس ذا السواد منه تحبين في رماد والا على قار.
اما لو تبحنتسين صار تسنك سرلنكيه هههههههههه
ــــــــــــــــــــــــــــــــــــــــــــــــــــ
ابو برغش /سرلنكيه ههههههههههههههههههه خلاص والله معاد اقدر عز الله اللي جبتيها ... بردتي علي الله يبرد عليتس في قبرتس
ــــــــــــــــــــــــــــــــــــــــــــــــ
الركبه السودا / يكفينا انه مايشوفنا الا رجالنا .
ــــــــــــــــــــــــــــــــــــــــــــــــ
ابو برغش / والله لوها بيض ان تنشبون فينا بنطلعهم مثل مانشبتو في سياقة السيارات .
ـــــــــــــــــــــــــــــــــــــــــــــــــ
الركبه البيضى/ والله انا مارحمت الا رجالكم وش ذنبهم مايشوفون الركب البيض الا في التلفزيون .
ـــــــــــــــــــــــــــــــــــــــــــــــــ
ابو برغش / الله يرحمتس دنيا وآخره(قالها وهوخانقته العبره)
ـــــــــــــــــــــــــــــــــــــــــــــــــ
الركبه السودا / يمدحون الجمس الجديد (تبغى تغير السالفة
ـــــــــــــــــــــــــــــــــــــــــــــ
الركبه البيضى / خلاص هالحيين عرفت اني افحمتس … وعلى طاري الجمس الجديد… ابنصحتس نصيحه لو تطقين لتس طاقيه وترسمين على جنب اذنيين وتكشخين في الجمس ياسلام
ـــــــــــــــــــــــــــــــــــــــــــ
ابو برغش/ خلاص خلاص انتهى الوقت .... شكرا لكي ايتها الركبة البيضاء على تلبية الدعوة وعلى مشاركتنا ولازم تشاركيني الشاهي واحنا حاطين بوفيه شاهي علشانتس .... وبالنسبة للركبه السودا اقول خلاص روحي لبيتكم انتهى البرنامج