مطبخي صغييير وماعندي مستودع ادخلوا اكسبوا أجري ودورا لي حــل

حبيبتي اشياء النظافه خصصي لها مكان بالحمام ( وانتي بكرامه ) او بغرفة الغسيل اذا موجوده عندك غرفة غسيل

وسطل الزباله حطيه تحت المجلى ( مغسلة المطبخ ) وكل يوم طلعي الزباله وخليها بس للمناديل والعلب يعني لاتحطين فيها بقايا الاكل عشان حرام اول شي وثاني شي عشان لاتعفن عليك خلي بقايا الاكل لوحده وبعدين اتصرفي فيه حطيه للقطاوه والعصافير



ان شاء الله هالحل مناسب لك


ولاتضيقين صدرك :)

غموووووض حماماتي صغااااااار مرة مافي مكان .. وماعندي غرفة غسيل .. واللي تحت المجلى صغيييييييير مرة مايكفي للزبالة حطيت فيه المنظفات

أدري عقدتــم معي :44:

طيب حطي سطل الزباله فوق الرف اللي جنب المغسله انا كذا مسويه ومخليتها سله صغيره باليوم ابدلها مرتين وممسحه لسيراميك خلها مه ادوات النظافه تحت المغسله والسطل حقها غسليه وحطيه بالبانيو مايضره شي اهم شي يكون نظيف سبت البصل والثوم جيبي سلات صغيره وحطيه فيها على الدولاب او فوق الثلاجه اذا ماعندك مكان اهم شي الترتيب والاسبات تكون شكلها حلو وعمليه حجمها صغير وسلامتك الله يعوضك ببيت اكبر منه عشرين مره

الله يعينك ياقلبي

انا مثلك مطبخي على قدي بس انا داقه مسامير ورا الباب معلقه فيها ممسحة السيراميك والمكانس

الزباله الله يكرمك حاطتها في الدولاب اللي تحت المجلى ...

بالنسبه للثوم والبصل فيه سلال تنباع في السوق اللي 3 او 4 رفوف فوق بعض انا شريت وحده وحاطه فيها الثوم والبصل جنب الفرن مكانها وعادي في الأرض بس لها قواعد يعني مو على الأرض مباشره

روحي ايكيا تلاقين اشياء روووعه ممكن تنفع للمطبخ

والله يرزقنا واياك بمطبخ أكبر وأوسع

ممكن تشترين من ايكيا من الخزانات الطويله وعرضها يمكن نصف متر
او تفصلين بلون مطبخك وتحطين فيها كــــل الأغراض المخصصه للتنظيف

والبصل والثوم بالنسبه لي اسرتي صغيره ومانستهلك كميات كبيره
اشتريت سله من هوم بلازا صغيره في الحجم لكن فيها عمق (عشان تكفي )
وأحط فيها الثوم والبصل واحطها فوق الدولاب
تقريبا مثل هذي الاشكال