انا جيتكم من جديد
وابقولكم طريقة مصقعه خطييييييييره بالهمبرقر
للي ماله خلق يقلي ويحوس ويبخر البيت بالقلي
وطعمه والله لذيذ
المهم ياطويلات العمر
اللحم المفروم نستعيض عنه بالهمبرقر اللي من البقالات العربيه
بعدين
تقطعين البصل شرايح وتصفينه بقاعدة الصينيه
بعدين تقطعين البطاطس شرايح وتصفينه فوق البصل(البطاطس مو مقلي طبعا )
وبعدين تصفين اقراص الهمبرقر وباخيرا تصفين شرايح الباذنجان (وكذلك الباذنجان)
وبعدين تصفين شرايح فلفل بارد(رومي) ملون
وتكونين مقشره تقريبا 6 فصوص ثوم وشوي بقدونس او كزبره وطماطه وصلصه ومكعب ماجي تذوبينه ببيالة ماء حار والبهارات الموجوده عند (طبعا كل هذي الاشياء حسب رغبتك يعني اللي مايحب الثوم لا يحطه وعلى هالحال )
وتخلطينه بالخلاط وتصبينه على اللي بالصينيه بس انتهبوا ما تكون المويه كثيره يعني لاتغطين الخضار يكفي نص الصينيه لانك اذا كتمتيه بالقصدير ماراح تتبخر الصلصه
وتغطينها بالقصدير وتدخلينها الفرن
لمدة تقريبا ساعه لان كل شي مو مطبوخ فيها
وطبعا تكونين مسويه رز ابيض مع الكشنه السنعه او خبز
وبالهنا والعافيه

الريتاج

تسلم الايادي الصورره تشهي احاول اجربها
لاني مو شاطره بالعجن كل عجينه اعملها
تخرب علي احاول بطريقه وانشاالله تظبط

قصيميه سنعه
وش ها الزين سهل ومرتب
احب اطباق الفرن ما تاخذ وقت
بس ما فهمت البرجر وين تحطه بالقاع
قبل البصل ويكون مقلي ولا لا
و كم مقدار البياله

*الريتاج*
لاتفهميني غلط في المندي بعشر دقائق اقصد شغلته تخلصينها في عشر دقائق وبعدين تدخلينه
الفرن ساعه
واسفه ما عندي له صوره بس والله انه يجنن وخاصه الي زوجها ما يتغدى الا رز
( انا زيكم ابو الشباب لازم يتغدى رز علشان كذا دائما اطبق الأطباق حقت الرز اكثر شئ)
ورد الريف
حياك الله وين كنتي مختفيه نور المنتدى والله ومشكوره هذا من ذوقك
عين حمران
هذي طريقه المندي وجربيه قبل العزومه علشان تشوفين يضبط معك ولا لا ورح اجيب طريق البخاري للأخت عزيزه جربتها ومره حلوه وكمان تشرف اذا عندك ضيوف وما تتعب
وتري الحلى
الي حطته الريتاج مره حلو والكل رح يسألك عن طريقته يعني اعتمديه ورح احط لك شوي اطباق مجربتها بس اي شئ تبغين تسوينه في العزيمه لازم تجربينه قبل علشان ما تتعبين وبعدين ما يعجبك ورح انزل سلط فواكه تجنننننن
المندي السريع
المقادير:
دجاجه صغيره (على كيفكم بس الصغير دائما لذيذ)
ربع ملعقه صغيره صبغه الزعفران (عقده صفراء)
ملح +فلفل اسود
ربع كوب زيت
كوب نصف ارز حبه طويله
نصف بصله مقطعه صغير
2 قرن فلفل
قرفه +3حبات هيل +3حبات مسمار
(صلصه الدجاج)
3ملاعق معجون طماطم+فص ثوم مبشور+ فلفل مقطع مربعات صغيره+فلفل اسود
الطريقه:
1- تنظفين الدجاجوبعدين حطيه في زبديه(وعاء مجوف) وبعدين اضيفي له الملح والصلصه بعد خلط جميع مقاديرها ثم اضيفي صبغه الزعفران وخلطيها زين واتركيها على جنب
2- خذي صينيه فرن وحطي فيه البصل والزيت والفلفل الكامل والقرفه والهيل والمسمار وسبكيها على النا ر وهي تتسبك غسلي الرز وبعدين اضيفيه للبصل ثم اضيفي الماء بحيث يزيد على الرز بشوي يمكن واحد سم وملحيه
3- قصدري الصينيه وشدي القصدير زين وبعدين خذي سكين صغير وثقبي القصدير كله خليه كله ثقوب
4- حطي الدجاج المتبل على القصديرالمثقوب وبعدين قصدري الصينيه مره ثانيه وتأكدي انه ما يطلع منه ولا نفس ودخليه الفرن على درجه منخفضه (250) ساعه كامله وعلشان تعرفين انه استوى رح تطلع ريحه المندي واذا طلعتيه شيلي الدجاج بشويش على جنب وبعدين افتحي على الرز تلاقين لونه صار ابيض واصفر خلطيه بالشوكه بشويش علشان ما يخرب وحطيه في صحن التقديم والدجاج عليهوممكن تزينينه اذا تبغينه يطلع احلى بالبصل تسبكينه وبعدين تضيفين جزر مبشور انا ابشره بالمبشره الي تقشر البطاط يطلع لي شرائط وتضيفين شوي زبيب وهلح وشوي بهارات مشكله وتخلينها تتسبك شوي واذا جهزتي المندي رشيها على الجوانب
وبالعافيه وتروا والله انه سهل بس الكتابه كثيره علشان اوضح اكثر

مشكوره يالريتاج على العجينه فعلا حلوه تجننننننن زي ريتاج

شوفوا يابنات ياحلوين
هذه طريقة رائعة للرز البخاري عارفة بتقولوا في واحدة كتبت الطريقة مشكورين مانبغى
استنوا .... استنوا لاتخرجوا اقروا الطريقة واذا ماعجبتكم لاتردوا
وماراح ازعل بس اتمنى انكم تجربوها وذيك الساعة تقولوا
تسلم اليد اللي علمت عزوز هذا الطبق الرائع
المقادير
لحمة او دجاج حسب عدد افراد العائلة وبشرط انها تكون ناشفة من الموية
يعني تحطيها في منشفة وتنشفيها كويس لانه هذا اهم خطوة
4بصلات مقطعة شرائح رفيعة جداً - 6فصوص ثوم مبشور -
بهارات حب( 4اعواد قرفة -8حبات قرنفل - 8حبات هيل - 2 ورقة شيبة-
1م ص فلفل اسود حب - 1م ص كمون حب - 1/2 م ص خولنجان مبشور ناعم - 1/2 م ص جوزة الطيب مبشورة ناعم -ملح) - علبة صلصة محلولة في 1/2 كوب ماء ساخن
مع اضافة 1/2 م ص فلفل اسود مطحون - 3 كاسات رز ابو كاس

<FONT color="#FF0141">الطريقة </FONT>
نضع كاس زيت في قدر وعندما يحمى تمام يوضع عليه البصل ويقلب حتى يصبح لونه احمر ثم يضاف له البهارات والثوم ويقلب تقليبة واحدة ثم نرص اللحم او الدجاج على البصل ويترك حتى يحمر الوجه الاول ثم يقلب على الوجه الاخر ويترك ليحمر ايضاً مع الانتباه الا يحترق
ثم يقلب جيداً ويصب عليه خليط الصلصة ويترك ليتسبك ثم يضاف له الماء المغلي ويترك حتى ينضج اللحم او الدجاج
اذا كان دجاج يرفع ويحمر في الفرن
نضع الرز في قدر وتصفى فوقه المرقة ويضاف قليل جداً من الفلفل الاسود
ويعدل الملح ثم يترك حتى ينضج
عند التقديم يغرف في الطبق ويصف عليه اللحم او الدجاج ويزين باللوز والصنوبر والزبيب المحمر
ويقدم مع السلطة الحارة
اتمنى انه يعجبكم
<FONT color="#FF00FF">وهذه طريقة الوالدة الله يحفظها من زمان ودائما في العزايم يشترطوا عليها انها تسويه لانه بأخذ العقل</FONT>
بس اتمنى تعملوه بعد الاختبارات علشان مايطير عقول عيالكم ومايعرفوا يجابوا ذيك الساعة تقولوا كله من عزيزة