شكرا علي المرور

اختي كمان في مدارس مملكتي الصغيرة هي تقريبا في شارع صاري على امتداد معهد ادارة الاعمال في شارع صاري كانك رايحة طريق الملك هي المدرسة في الشارع النازل على يدك اليمين جوه الحاره بس تبان من الشارع العام كمان ممتازه اختياراتك لاتخرج من المدارس اللي ذكرتها لكي فقط في الرد السابق وهذا الرد

شكرا أختي جزاك الله خبراً بس أنا زرت المدارس اللي ذكرتيها و ما ناسبتني. أعتقد كلهم عندهم مشاكل في الإدارة و المبنى غير منظم و نااقص أشياء أساسية.

والله زرتهم بعد اقتراحك الجميل وأتمنى أن تنولي ما تريدين دنيا ؤآخرة بس للأسف المدارس ما ناسبتني.

أما البيان فكان تعاملهم سيء معايا.

عفوا اختي ممكن تقوللي فين رحتي وايش بالضبط اللي ماناسبك في المدارس حتى نتناقش لانه فعلا هاذي المدارس افضل المدارس اللي سمعتها حلوة هاذي طبعا المدارس الاهلية وليست الانترناشونال

السنة الماضية زرت بيتي الصغير واللي ما عجبني إن المبنى مبنى كمباوند يعني مش مبنى مدرسة مجهز و مؤمن. المعلمات كان شكلهم ممتازين بس المبني كان هو السبب الرئيسي اللي خلاني ما أختارها كمان الرياضة عندهم شكلها ما فيها اهتمام كبير. بس برضه أكرر المبنى كان السبب الرئيسي في عدم اختياري ليها لبناتي. حسيت إنه مشتت و ما يناسب إنه يكون مدرسة. وحقيقي كنت أتمنى لو مبناهم أحسن لأني حبيت موظفاتهم و منهاجهم زي ما أبغي مناهج عادية بس يعطوا إنجليزي و فرنسي.

و بعد ترشيحك لمدرسة المرساة رحت لهم. بس المبني تعبان علي الآخر. مديرتهم محترمة و مثقفة و الموظفات ذوق في التعامل بس المبنى غير عن إنه لا يناسب مدرسة كمان الإعتناء فيه قليل و تجهيزه دون المستوى.

مملكتي الصغيرة نفس المشكلة. بس اللي لاحظته إنه غير عن إن المبنى لا يصلح كمبنى مدرسة كمان طريقة استخدامه خاطئة مثال: البنات في الصرفة يلموهم يجلسوهم في الأرض في الممر لغاية ما تيجي سياراتهم؟؟؟!!! والشنط تترمي على الدرج فوق دحلة مبنية في الأصل عشان البنات يجروا شنطهم عليها!!! و غير عن هذا مناهجمهم ما فيها شي مغري زيادة.

مدرسة الييان لما زرتها قابلتني وحدة و عاملتني كأني جاية أشحذ منها... فطلعت و ما رجعتلهم تاني.

حديقة الأطفال ما رحتها بس غير إنها بعيدة عن بيتي كمان وحدة قريبتنا بناتها فيها و مو عاجبني مستواهم، ؤأكيد لما فتحوا انترناشيونال كمان صار المستوي أسوآ والله أعلم، بس من اللي أشوفه ما تشجعت لها.

في مدارس تانية رحتها غير هذي تعبت وأنا ألف بس مشكلة المباني الغير مناسبة مشكلة كبيرة أو إني أحس إنه جو المدرسة ما ناسبني أو تعاملهم سيء يعني كل مدرسة مشكله.