والله يااختي انا كنت في البداية زيك لاني كنت اتمنى اني اجد مستوى المدرسة ومستوى المبنى عالي لكني اكتشفت انه في مدارسنا لايجتمع الاثنان معا فعندما وجدت لايوجد مباني مجهزة انه تكون مجهزة صرت انظر الى المستوى اكثر مع كمان انه يكون المبنى مناسب وشوفي انا انصحك بمدارس بيتي الصغير عارفه ليه لانه مناهجهم حلوة ولهم خبرة كبيرة ومدرسة المرساة نفس المناهج لانها اخت صاحبة مدرسة بيتي الصغير بس صح كلامك مبنى بيتي الصغير متعب شوفي اذا بناتك صغار ومستواهم حلو في الانجيلزي نصيحة دخليهم مدارس انترناشونال واعمللهم اختبار في نفس المدارس الانترناشونال علشان تعرفي مستواهم لان من جد هاذي المدارس تقدم كل شيئ انجليزي ودين وعربي منهج لبناني قوي ورائع وفرنسي ورياضة واسعار رائعة باالنسبة للمدارس الاهلية اللي عندنا عارفة بعد ماسمحو للسعوديين الدراسة باالمدارس انترناشونال صار التوجه للمدارس هاذي اكثر وصارت المدارس الاهلية اللي عندنا تعاني من خروج الطلاب وانتقالهم الى هذه المدارس

هو فعلاً شي يحير. من كتر التفكير الواحد صدع. المدارس الإنترناشيونال أنا للآن ما اقتنعت فيها. زي ما قلت يغيروا رأيهم كتير و ما في تنظيم. و صدقيني أختي مو عشان لبنانيين يكونوا يعرفوا أي حاجة. أنا آعرف فرنسي و إنجليزي و يناتي الآن يتكلموا إنجليزي أحسن من العربي لما بدأوا مدرسة الثتنين وجدوا صعوبة في البداية عشان يتفاهموا مع مدرستهم والأطفال اللي معاهم و هذا سبب ثاني يخوفني من المدارس الإنترناشيونال أخاف يطلعوا ما يحكوا عربي بالمرة. بس أهم حاجة إنه المدرارس الإنترناشيونال هاذي تجيب أي مدرسة بس تعرف إنجليزي و السلام مش مهم المؤهل و التعليم و هذا شي مو كويس. إنتم عارفين في بريطانيا و أمريكا، المدرس يكون متخرج جامعة و زيادة لازم يكون معاه تدريب خاص للتعليم أو يكون أساساً شهادته في التعليم. حتى هنا في السعودية عشان المدرسات يتوظفوا لازم تكون متخرجة من كليه التربية أو جامعة مع دبلوم تربوي. بس هادي المدارس الإنترناشيونال يجيبوا لبنانيات يعملوا منظر و بس و عندهم الحضارة إني ألبس جينز لاصق و أسشور شعري كل يوم (ما أقصة أهين أحد) بس من جد أحس المدارس الإنترناشيونال هادي يستهبلوا الناس، و ما أظن إني رح أغير رأيي فيها إلا لمن أشوفهم يهتموا أكثر بنوعية التعليم و النظام . أما أتخلي عن كل حاجة عشان اللغة الحمد لله مو محتاجة بناتي يتكلموا إنجليزي أحسن منهم الله يحفظهم.
المدرسة الوحيدة اللي سمعت إنها مختلفة من جد هي دار جنا بس ما رحتها ناوية أزورها عشان أكون على نور أكثر.

في مدرسة الأجيال المتطورة أفكر فيها هي مدرسة يدرسوا النظام الكندي. والإدارة الأساسية تقوم فيها شركة كندية و حاطين مقياس محدد لنظام التعليم عندهم عشان هدفهم يحصلوا على الإعتراف بشهادتهم من كندا. في نفس الوقت المفروض رن اهتمامهم بالعربي و الدين جيد. سمعت كلام ممتاز عنهم من أهل أولد دخلوهم فيها، بس كمان سمعت سلبيات . بس علي الأقل أعرف إنه عندهم مرجعية في السعودية وزارة التعليم و في كندا وزارة التعليم في مقاطعة بريتيش كولومبيا. وجود مرجعية ممكن يخلق أساس قوي مو ري المدارس الإنترناشيونال الثانية اليوم جاي عبالهم يدرسوا منهج بريطاني، بكرة أمريكي بعده يخلطوا الاثنين و الطالب يضيع في وسط التغيير. كمان هذولي عشان ينالوا الاعتراف من كندا لازم مدرساتهم يكونوا مرخصات من الوزارة هناك . بس لسه ما أقدر أحكم عليهم بدقة من تعاملي معهم للآن في عيوب. كمان حضرت اجتماع للأهل و كان في شكاوي كتيرة. كمان مبناهم ممتاز و الموظفات يتعاملوا معاك باحترام.

الخيرة.

ماشاء الله انتي اول أم احسها فعلا مهتمه من قلب ..

>> انا في انتظارك ايش راح تختاري >>وياليت تكتبي كل التفاصيل زي ما شفنا >>وياليت كمان الاسعار والموقع

وشكرا جزيلا

الله المستعان

up