كلام حلا صح

اختي ( حامل طفشانة )
انا ماعاد صرت اعرف صدقه من كذبه ..
هو قال لي انا ما ابغاها ..وابغى اخلص من الموضوع ..بس اصبري عليا الى ان ربي يفرجها ..
مايبغاها ..طيب ليش الصباحيات والمسائيات ..ليش من اول ما يخرج الصباح يتصل عليها ..ليش في المساء طول الوقت مكالمات ومراسلات ..ليش ..
بتقولون عشان انتي عنده ..وهي لا ..
هي اخذت حقي كله ..انا ما اشوفه الا وقت الغداء ووقت النوم ..واذا اتصلت زي اللي احد ياخذ من الجوال مااقدر اطلب طلبين على بعضها ..
بيتعلق بيحبها لا ينسى حقي وحق اولادي ...
قال ارملة تبغى تستر نفسها ..
طيب هي اخذتها عشان تستر نفسها ..وانا اللي حقي عليك واجب من قبل ماتاخذها مين يسترني ..
بكل سهولة انقلعي ..ليش ..ايش الخطا اللي عملته حتى يكون النهاية انقلعي ..
هو مو قادر يمسك غلط عليا ..اسال الله ان يثبتني يارب ..
انا ما اعامله ابد بجفاء ..وهو يقولها بلسانه كمان ..حتى متعود اصحيه بهدوء وصوت ناعم ..لما يصحى على اصوات تزعجه يقول لي انا متوعد على نغمتك ..ولمستك ..
بس وينها الحين دفنها بيده ..خرب حياتي وحياته بيده ..
نظرته ليا زي كاني فرض مغصوب عليه ..
واجهه قدام الناس زوجة بس مايبغى يعيش حياة زوجية معايا حلوة زي السابق ..انا كدا فهمت ولاحظت عليه ..
اذا هي في نظره لها واجبات ..انا كمان ..بس جالس يحرمني ويثقل عليا بتحمل اشياء فوق طاقتي ..
انا مستحيل ارجع اعمل له ليالي حمراء ..اذا هو راح يكون قدامي جثة ..وعقله يفكر في شي ثاني ابد ماراح يشوف مني شي ...
انا كل شي عملته له ..من الى ..وكل شي يخلي حياتي معاه تمشي بهدوء وسكينة اتفقت معاه على اشياء ...كلها كان يقول لي طيب ..الحين قلب كل شي ..كل شي
.بمعنى كل شي ..يوم قلت له ما اتفقنا على كدا ..قال انا كل اللي انفقت معاكي عليه مش موافق عليه ...
خلاص ..ايش يبغى اكثر من كدا ...
نسي اذا وعد اخلف
..نسي اذا حدث كذب ..ايش عقوبته ..وين مكانته ..
انا اخذت بيده عشان نعيش على شاطئ البحر ومانغرق ..
هو مايبغى ..يبغى يغامر ويدخل البحر ..ويا يغرق يا ينجو ..
والله الذي لا اله الا هو انه يجلس يومين زي الثور الثائر ..بعدين يرجع لك العنز الوديع ..يعتذر ويتاسف ويسامح ...لو انا غلطانه ..كان ابد ماجاني ..ولا سامحني ..ولا اعتذر ...
بس ما اقول ..الا حسبي الله ونعم الوكيل ..اللهم من اراد بي سواء اكفينهم بما شئت واجعل تدبيرهم تدميرا لهم وابتليهم في انفسهم واشغلهم في انفسهم

اختي ( مريم يحي ) الغالية ..
آمين آمين آمين يارب ..واياك يارب ..

حبيبتي فكري بالزوجة المسيار كيف تتصرف >> زوجها يجيها مرة بالإسبوع أو يجيها بصعوبة علشان محد يعرف
شئ طبيعي بتخليه يعيش معاها كأنه في حلم ما يبغى يصحى منه
وهي كمان تبغى تستانس معاه
اما الزوجة الي عايش معاها طول حيته وعندها عيال>> اكيد حياتها غير مسؤولية كبيرة
فإنتي الي عليك خليه يشتاق لك>> مو علشان ينساها>> علشان يشتاق لك ويخف شوقه لها
استقبليه وإنتي مبتسمة ومتعطرة ومرحبة فيه .. إنسي وقت دخوله البيت تمااااما إنه في وحدة خارج البيت تشاركك فيه
بغرفة النوم خليه يعيش كأنه كزانوفا زكامه محد قده
صدقيني الرجال يموت بالحرمة إلي تعشقه وتوله عليه حتى بعد ما يطلعون من غرفة النوم
فما بالك هو جاي من برا ويلقى الزوجة الغيورة الحنانة اكيد بيطفش

الله لا يحرمني منكم ومن نصائحكم ودعواتكم ..عنجد ارتحت كثير ..ويارب يعينني عالتطبيق ..والله يسعدكم اينما كنتم وحللتم ...






ابغى ارد على رسائلكم كلكم ...بس ادعوا لي كثير..لاتنسون دعوة المسلم لاخيه المسلم مجابه ...