مثل ماقلتلك لو طردك سويها وروحي خليه يخاف خسارتك وخليه يتوهق بالعيال... خليه يندم ولاعاد يعيد هالكلمه
اطلبي منه سواق وروحي وتعالي وانشغلي عنه اغلب المتزوج عليهم زوجهم يسوون كذا
تتمشى وتتسوق وتسوي ليزر لجسمها وبدكير منكير وحركات
وزوجها اخر اهتماماتها .. لو ماجاء عادي ماتدق ولا تسأل ولا تهتم
صار هو يراكض ورى الاولى ويتمنى تعطيه وجه ويعاتبها ليه ماتدقين وليه وليه
صارت تقول له روح لها ويزعل
لازم تكونين غامضه واغلب وقتك ساكته ومبتسمه ومشغوله عنه
سوي واجباته وانتي ساكته ولاتكشرين ولاتهاوشين ولاتطلبين طلاقها ولاشي
قوليله انا غلطت يوم قلتلك طلقها احس اني ارتحت يوم تزوجتها صرت حره وتفرغت لنفسي وجسمي وكلشي
بس قللي كلام معاه وانشغلي ومثلي انك مشغوووله
وحاولي تعلنين زواجه منها لو تبين هالشي عشان لو خليتيهم كذا هي تتقرب لاهله عن بعد وتاخذ قلبه
وانتي العكس... ولما تكون رسميه غصبن عنه يروح لها ويكون مسؤؤول عنها
واذا ماتبين يعلن خلاص ارسليه لها قوليله انا مابيك تنام عندي ولاشي... دامك ماتعدل انا بعد ابي حريتي
جيب لي سواق وانت روح لها وانا بصير المسيار اذا بتجي شوف عيالك تطمن عليهم وروح ..
خليه عندها عشان مايتراسلون ويتكلمون وووالخ
يصيرون مقابلين بعض وتصير غصب تطبخ وتنظف وتكنس ويشوفها بدون مكياج ووووالخ
يعني بيشوف عيوبها
وبتصيرين انتي اللي بيرجع يلزق فيك ويتمناك اقري قصص من النت وتعلمي وطبقي وان شالله يارب يرجعلك

أسال الله ان يجعل لكـ من كل ضيق مخرج
دااااااااااااااااااومي على قراءة سورة البقره يوميا وكاااااامله يشهد الله انها معجزززززززه وعن تجربه شيء خياااالي

اختي ..( هتان العتيبي ) الله يسعدك يارب ...
حاولت اطنشه ..وانا اصلا ابد ما اجيب سيرتها بمعنى كلمة ما اجيب سيرتها ..بس ما يجي نهاية الاسبوع الا واتوتر ..احيانا يظهر في تصرفاتي ..واحيانا اصارع داخل نفسي ..
وانا والله اني اعطيته كل الاهتمام سواء هو او البيت او الاولاد ..تحملت مسولية اكبر مني ..تحملت مسوليته وواجباته ..
ابغى عالاقل رد جميل ..وفاء عشرة ..احترام وتقدير ومودة ..مافي ..
صاير مثل فرعون ..اللي يبغاه راح يسويه ..
ويتهمني باشياء غريبة اول مرة اسمعها منه ..يحاول بقوة وبشدة ينفرني منه باي طريقة واي اسلوب ..
مقابل ذلك يحاول يلبي احياجات البيت اليومية ..
حتى ما امسك عليه شي ..
لكن تعالي لما اطلب منه شي خاص فيني ..تقوم قيامته ويرفض صار بشدة ..
اقول له ليش ..يقول ماعندي فلوس لما ينزل الراتب ..ووعدني بيوم ينزل معايا ..لما ينزل الراتب ..وجاء اليوم وذكرته ..قال طيب ..ولما قرب الوقت ..قال لي راح اخذ الاولاد واشتري لهم انتي وقت ثاني ..سكتت ابد مارديت ..
بعد ماخلصوا من شراء اشياءهم ..اتصلت عليه ..متى راح تاخذني ..بصوت عال وبقوة وشدة ما راح اخذك ولا راح اعطيكي ..ولا راح انزلك ..طيب وعدتني ..خلاص ما ابغى ..ماعندي فلوس ...قلت له وين الراتب ..قال خلص ..بسرعة دي ...قلت له انا طول عمري وانا معاك وانت شاهد عليا ما اكلفك بشي فوق طاقتك ولا احملك ما يرهقك ..ليش القسوة عليا والافتراء عليا ..قفل الخط وماعرف يرد ..
هنا انا مالي الا الله ..الله شاهد وعالم بحالي ..
وهو لو يخاف الله فيا ما قال اللي قاله ..ولا عمل اللي عمله ..بس وين راح يروح ..نحن في ارض الله عايشين وكل شي بامر الله قائم ..ولا يرضى ربنا بالظلم .. جالس يدمر نفسه ويدمر البيت ويدمر الحب اللي كان بيننا بيده ..
الواحد اللي مثله حقه يفكر في تجديد الحب مع زوجته ..التقرب للاولاد اكثر ..والاهتمام بهم وبمسولياتهم وتربيتهم ...امانة مسؤل عنها ..بس ما اقول غير حسبي الله ونعم الوكيل ..اللهم اجرني في مصيبتي واخلف لي خيرا منها ..
الله يرزقني واياكم العفو والعافية في الدنيا والاخرة يارب ...

اختي ( من الزمن الجميل )
حسبي الله ونعم الوكيل ..
هو اصلا عنده خوف ما يبغى موضوعه يعلن..احسه خايف وخجلان مو طبيعي ..تجي عليه اوقات يبغى يقطع نفسه مو قادر ..الله يكون في عونه ...حتى هي عندها احساس بانهه فترة وراح يتركها ..عشان كدا تخطط لنفسها عشان يكون زواجها معلن ..هي كم مرة جات وطلبت والحت وحاولت بطرقها انه يكون الزواج ظاهر ومعلن ..بس هو على كلامه انه يبغى يخلص منها ..مو عارف كيف ..احس انه خايف لوتركها اهلها ماراح يتركوه في حاله ..عندي احساس قوي بانه خايف ..والا كيف قدر يلفظها عليا ..وماقدر عليها ..انا راح يكذب على اخواني ويفتري عندهم بكذباته وافلامه ..نفس قصة اخوه ..حط كم حاجة في عقله ..وكبرها مع اخوانه ..الى ان تركها ..ومش مهم عندهم الاولاد ..يتربوا في بيت واحد والا لا ..يقولون لك راح يكبروا ويعيشوا ..المهم هم يتمتعوا في الدنيا وينبسطوا ..ماعاد فيه خوف وتقوى من الله ..
واذا جات على مناسبات اهله ..هو غلطان ..واحد لما تكون عنده مناسبة عند اهله يفكر في نفسه وعياله وبس ويقولها بفمه انتي مو من العيلة ..هذا شي خاص بعائلتنا ..بالله عليكم تسمعي كلام زي كدا ايش شعورك ..خليه يروح ينبسط مع اهله ..
بس الغلط مني لما اجي واقول له تعال معايا عند اهلي في مناسباتنا ...
بس الحين ماراح اكلمه ولا راح اقول له اي شي يخص اهلي ..
واولادي مايحبون اعمامهم بسبب سوء المعاملة ..مالي ذنب في الموضوع ..هم باخلاقهم ومعاملتهم مع اولادي نفروهم منهم ...الحمد لله يسمعون ويشوفوا اللي يضايقهم بس يتحملوا ويسكتوا ..ولو تكلم يقوموا عليه ...
الباب اللي يجيك منه ريح سده واستريح ..
اذا كان وجودهم في المناسبات يسبب لهم ضيق بسبب سوء المعاملة ..يبعدوا منهم افضل ..لانه ايش ما عمل ماراح يقدر ياخذ حقه ..مهما كان عمه ..ولازم يحترمه ..بس انه ماراح يقدر يقول له شي عن سوء المعاملة ..
بالعكس ننبسط اكثر اذا مارحنا جمعت اهله ..والله مامنها غير الهم ..خلينا مبسوطين في بيتنا افضل لنا بكثير من الجمعة بهم ..الله يهدينا ويهديهم ويصلحنا ويصلحهم يارب ...
ما اقول انه عدم صلة رحم ...لا هم يشوفهم كل يوم تقريبا ..بس كجمعات براحتهم اذا يحبوا يروحوا مافي مشكلة مايبغوا براحتهم ..
وابوهم لو شاطر مايخرج من البيت الا وهو بيده زوجته واولاده عشان يحس ونحس نحن كمان انه يعتز بنا ويفرح بانه جاي ومعاه زوجته واولاده ..بس هو شال نفسه وراح لي حاله ..بعدين يجي التحسر ..
لاحولا ولا قوة الا بالله العلي العظيم..

ازعلي كام يوم عند اهلك منها ريحي اعصابك ومنها تكوني انتي المسيار او بالاحرى يكون يفرفر عشان ترجعي له
حتكون كل المهام عليها ويطلع وجهها التاني
جربي بادن الله ماحتندمي
وقبلها استخيري مرة واتنين وتلاته عشان ماتندمي