الله يفرج همك

آمين آمين آمين يارب..
الله يجزاك خير يارب ..والله يسعدك في الدارين ويرزقك ماتتمنين يارب ..

والله حبيبتي حزنت عليك لكن لا عليك العمر ساعات معدودة و دوام الحال من المحال الان عليك بتغيير اسلوبك خليك امثر دلع و اعطيه خقه و اكثررررر. انت ام الاولاد و الاساس الصح. لا تخربي بيتك بيدك. و اكثري الدعاااااء و الاستغفاااار وتيقتي ان الله يفرجها بعزه و ك مه. اسال الله العظيم الاحد الصمد الذي لم يلد و لم يولد ان يفرج كربك و يرد اليك زوجك رظا جميلا. امين

لما عرفت بموضوع الزواج كان من قبل يكلم يراسل يحادث حريم ..والله ما اعرف من وين يجيبهم ..وكنت اقول له خاف الله ..الى متى الحريم ..المهم ..قال لي ..لو شفتي في جوالي بعد اليوم حرمة اكسري الجوال ..وهو كان وقتها متزوج بس ما كنت ادري ..وقال هاذي الكلمة لانه يقول لي نفسه انا متزوج ولو شافت احد في جوالي مالها حق تتكلم ..بس كان فيه اللي متزوجها واللي يلعب معاها ..المهم مرت الايام وانا اشوف ..وما خلتني نفسي اكسر الجهاز ..ولما عرفت ..طلبت منه يطلع رقم جديد ويفعل برامج بالرقم الجديد عشان اخلص من الحريم لانه هو جالس يحلف بالله انه مافي بينه وبينها اي علاقة ...وانا اصدق على طول صاحبة قلب طيب ..ايش اعمل ..طلع الرقم الجديد ارتحت كثير ..بس بعد فترة اتفاجأ انه الحريم مازاولوا في الجوال ..هنا ما اقدر اعمل شي ..الهداية بيد الله ..بس قلت له ما ابغى اشوف رقمها محفوظ في الجهاز ..وتعمل لها حظر في الواتس ..سمع كلامي يومين ..ورجع ..المهم ماكنت اعرف تمام نواياه ..لاني بصراحة انا عشت معاه حياة من قبل كلها تفاهم ..ومافيها اي شي يدل على الخداع والكذب والمكر ..قبل ما اعرف موضوع زواجه كان طول الوقت والجهاز ملصق في وجهه.. ايش ما كلمته ..تعال اجلس معانا ..خليك وسط الاولاد ..صار بينك وبينهم فجوة ..ماعاد تسال ولا تشوف وتدري عننا ..بس برضوا ..زي كاني اكلم حائط ..بس هو الخسران ..راح يخسر الالفة اللي بينه وبين الاولاد ..راح يكون تعامل الاولاد معاه كالغريب ...والله يهديه كان يكلمها عني ..لانها هي اللي كانت تسال عني ..ولو هو شاطر كان ما قال لها شي عني ..اعطاها رقمي ..وكان حتى يتفق معاها وتساله عني وعن وجودي انا فين ...بس هو غبي ..اعطاها كل شي ..حسبي الله ونعم الوكيل...
ومن خلال حكم المسيار ..انا في نفسي شي منه مش مرتاحة ابد حاسة نفسي اشارك في اثم وجريمة ...
واذا عالتوفيق انا والله مرة مستغربةمنه ..ماعاد صار يحس ببركة ولا راحة ولا شي من اللي كان يحس فيه زمان... كم مرة اكلم نفسي واناقشها وافتح النت واسال واشوف الردود ..هو في الوسط بين وبين ...وهو حالته المادية ما تهيأ له ابد يفتح بيتين ...مايقدر ..راح يورط ..عشان كدا جالس يقلع فيني يبغاني اخرج من حياته برغبة مني ..عشان مايجي العيب فيه ..
وهو اللي خلاه يفكر في دا الاسلوب ..واحد من اخوانه طلق زوجته بدون اسباب قوية ..بس اتفق هو واخوانه على تشويه صورة الحرمة وعلى كلمة وحدة من غير ما يدخلوا بينهم حكم يحكم بينهم ..لانهم عارفين انه الغلط فيهم ..ومايبغوا يفضحوا نفسهم ...نفس الطريقة زوجي يبغى يسويها معايا ...انا اكتشفتها من كلامه وحركاته ..يبغى يبدل ..لانه مايقدر على فتح بيت ثاني ..واخذ المسيار ..وفي السر ..وهو اكثر خوفا من نشر خبر زواجه ..هو مايبغى ..قد مو هي تحاول بطرقها الغريبة انها تتقرب لي اولادي ..ومنها راح يعرفوا الاولاد ..وراح ينتشر خبرها شوي.. والحين تعرفت على اخت زوجي ..وتحاول تتقرب منها ..والله يجعل تدبيرها تدميرا لها يارب ..
بس هي ما هي مخليته في حاله ...طول وقتها وهي تساله انت فين ومع مين ..ووووووو ...من الصباح للمساء ...
وانا بس لو قلت له ليش ماقلت لي انك راح تتاخر ..قوم الدنيا وقعدها انتي تحبي تتحكمي انتي تحبي تدققي فين اروح وفين اجي ...
اقول له ابد مش تحكم ..بس اعطيني خبر انك راح تتاخر ..مافيها شي.. ولا اجلس قلقانة ...
يخجل على نفسه ومايعرف يرد ..بس هو يحاول يرفع صوته ..ويغلط في رده ..عشان انا يكون ليا رد فعل يرضيه ..حسبي الله ونعم الوكيل..

الله يعينك بس للأسف يااختي انتي من البدايه استهونتي الامر يعني لو اول يوم عرفتي بزواجه خيرتيه ياانا ياهي ورحتي بيت اهلك وقطيتيه عليه العيال تغير كل هذا والعقربه الي ماخذها لو هي بنت ناس واصل وتعرف الصح من الغلط اقل شي بتعرف حقوقها وحقوق غيرها وبيتدري انه عيب ترسل عليك وتهددك او تمشكلك معاها بس واااضح هي ماودها بالمسيار تبيه يصير علني وحالها من حالك وقدام الكل عشان كذا تختلق مشاكل وتبي متي يرميك انتي ويطلقك عشان هي تأخذ محلك وزوجك للأسف كذاب لانه مرتاح معاها وهذا اكبر سبب مو مخليه يطلقها والا من اول يقول مو مرتاح ليه ماتركها الله يعينك حاليا خليك ببيتك وعشان عيالك وهو بقلعه تقلعه وغيري مجري حياتك كل اهتمامك فقط عيالك وهو اركنيه علي الرف غالب الرجال لا طنشتيه جاك يركض ولو بيوم هانك او مد يده عندك اخوان وعزوه يوقفوه عن حده لا تسكتين له