الاخت
نور عينى جنان :
أشكرك على الافادة ..

بارك الله فيك وفى اولادك

نمتي و إنت بتكتبي :) تعبناكي معانا يا هبة
تسلم إيدك

عجبتني طريقة تفسير سورة القارعة... و فعلاً التفسير يربط الطفل بالسورة و يجعل حفظها أسهل و يتعود ألا يحفظ فقط, بل يفهم و يتعلم و يعمل بما قرأه

متابعة :)

أشكرك بوادى على المرور

وفى انتظار نصائحك فى التربيه ...

عروس :
ربنا يخليك ... وطالما فى الله ولله

فأنى أجد متعة فى كتابتى وتوضيحى ..

أسأل الله الاخلاص فى القول والعمل ..

بالنسبه لانهاء سورة القارعه :

وقفنا فى : }{{ فأما من ثقُلت موازينه فهو فى عيشةٍ راضيه }

جميل إننا نحضر ميزان المطبخ أو أى ميزان تانى

ونجعل الطفل يتخيل إن أعماله هاتتوزن زى ما بيتوزن

الطماطم أو اى خضار .... وربنا عنده القدرة على ذلك ...

هايسألك : يعنى إزاى بيعمل كده ؟؟

تجاوبى وتقولى زى ما خلى الماء يكون ثلج فى الفريزر

أعمالنا بتتوزن زى أى حاجه تانيه وربنا عنده القدرة على ذلك ..

وتعرفيه .. إنك -إن شاء الله - لانك ولد صالح هاتكون من الفئه

اللى أعمالها حسنه ....

وتكون فى عيشة بتحبها وترضاها لنفسك ..

{{وأما من خفت موازينه فأمه هاويه وما أدراك ما هيه نار حامية }}

يعنى اللى ما عملش أعمال كثيرة وميزانه خفيف

بيدخل النار اللى هى حارة جدا .. وربنا يجنيبنا فتنتها .

وإن شاء الله ما نكنش منهم لاننا بنحب ربنا ،

وبنحب نسمع كلامه.

وعارفين إنه بيحبنا لانه بيعلمنا كل الحاجات دى .

طبعا لازم يكون الحديث مشوق لطفلك

وتحاولى تجاوبى على كل أسئلته ..

ولو فى شىء ما عرفتيه ،

قولى له هانعرفها عن طريق كتاب مثلا

أو سنتباحث فيها فى موسوعه .

لانه هايدخل معاكى فى أسئله علميه

زى النار دى ايه مكوناتها ؟؟

والماء ليه بيتجمد ..؟؟

والحاجات دى كلها

نقدر بالاستعانه بالموسوعات العلميه

نعرفهم بصورة مبسطه وسهله ..

وعندما نوضح هذه الامور ،

نساعدهم على إدراك قوة الله

وعظم قدرته ..

ويتوسع خياله للجنه والنار ..

ويستطيع أن يكون أقوى من غيره، ثقافيا ..

وللعلم إذا استطعنا شرح
معظم السور القرآنيه

الاخيرة ،
سنقوى عقيدة الطفل بصورة رائعه .

لان هذه السور مكيه ،

وجاءت لمجتمع مفحم بالكفر..

المرة القادمة أبدأ أتكلم معاكم فى عنصر آخر

من عناصر التربيه ..

وهذا ما أعرفه عن العقيدة والوسائل

التى تسهل على تعليمها للابناء ..

والافضل اننا نربط الطفل
بالسيرة وكيف عانى النبى

لتوصيل الدعوة .

ونروى له حكايات الانبياء

لترسيخ العقيدة ...

والله اعلم ...

طبعا لو تناولت الحديث عن النبى
صلى الله عليه وسلم
فلن أنتهى من التحدث عنه ..

يكفى أن أنبه إلى محاولة النزول

لمستوى الطفل

ورواية الحكايات التى يحبها

مثل حكاية العنكبوت والحمامه مع النبى

صلى الله عليه وسلم

ولا داعى لشرح ما يؤلم للطفل

خصوصا فى سن ال5 وال 6 سنوات .

حتى لا يتأثر ويحزن .
نحاول أن نفرحه بحكايات

الانتصار للنبى أكثر من حكايات

المعاناه .. ولا أمنع أن

أروى كيف عانى ، ولكن

ليس بإسلوب مُنفر للطفل ،

يدفعه لكره الاسلام الذى يعانى أهله

بهذه الطريقه ..

وللحديث معكم بقيه
إن شاء الله تعالى ..

السلام عليكم

ما شاء الله يا هبه موضوع جميل جداا

و سبحان الله لسه قارياه النهارده بس

و سبحان الله اكتر اني باحفظ بنتي سوره القارعه و شرحتلها معناها و مثلناها و ما شاء الله مع اني كنت حامله هم انها تبقي صعبه عليها لقيت كلمات الفراش المبثوث و العهن المنفوش سهله جداا عليها بعد ما عرفت معناها

عايزه اضيف نقطه صغيره لاني مستعجله للاسف

اي حاجه عايزه توصليها للطفل وصليها عن طريق الحكايات و الحوار و عدم العصبيه او التشدد و انتي بتحكي

يعني مفهوم الله و الحلال و الحرام ما شاء الله الاطفال بيفهموه هنا في الغرب قبل الاطفال اللي في بلادنا و بيستوعبوه جداا ما شاء الله

امبارح بنتي بتقولي انها لقت في طبقها في الاكل في المدرسه حاجه افتكرتها لحمه ( طبعا هي في المدرسه لا

تاكل الا وجبات خاصه بالمسلمين يعني سمك و خضار و مكرونه و لبن و بيض و خضار ) فقالت للمدرسه بتاعتها انها

شاكه انها تكون لحم و حرام تاكله و المدرسه شافتها ولقت انها بطاطس بس برضه بنتي مرضيتش تاكلها حرصا منها و جت حكتلي و هي حبيبتي 6 سنين لانها مش عايزه تعمل حاجه تغضب ربنا

اربطوا الاطفال بالدين بالحكايات من القراءن و السنه و قصص الانبياء في اي مكان سواء في الغربه او في بلادنا

يعني خلوه اسلوب حياه / بنتي مره شاورت علي النخله و تقولي دي زي اللي السيده مريم ولدت سيدنا عيسي تحتها و قالها هزييها علشان البلح


كل ده بالحكايات و المصادقه يعني متزهقوش ابداااا من الاسءله بتاعه الاطفال

حاسه ان كلامي مش متربط ببعضه لاني باكتب و بنتي عايزه تنام

ان شاء الله لي عوده مره اخري

ما شالله طريقة رائعه بالشرح اختي هبه

ربي يوفقك



متابعين...