أختكم*هبه* :

اخواتى ... اتكلمت بداية بالعقيدة اللى لازم نهتم بيها كويس قوى فى زمانا وخصوصا لو كنا فى مجتمع كفار .. واتكلمت ازاى لازم نأكد على الطفل جانب العقيدة .. ممكن نقول تعريف للعقيدة الصحيحه – باجتهادى الشخصى – هى انى أعرف مين خالقنى ؟ مين رازقنى ؟ مين خلق الكون؟ ليه خلقنا ؟ وايه هى الامور اللى نمشى عليها؟ والامور اللى نبتعد عنها ؟ وايه صفات هذا الاله لاعبده ؟؟ فنعلمه 3 أشياء ليتحقق عنده مفهوم الالوهيه وهى : حب الله الدعاء لله الخوف من الله فى السنوات الاولى نُعلم الاثنين الاولين والثالثه تتأكد ممكن على حسب معرفة الام بولدها يعنى ممكن من 6 سنوات أو أقل من ذلك أو أكثر ... طب مفهوم الربوبيه ( طبعا مش لازم أنا أأقول الكلام الضخم ده للطفل .. يكفى إنى أفهمه بس معناه إيه ) مفهوم الربوبيه هو إن ربنا خلقنا ورزقنا وخلق السموات والارض وخلق كل شىء وبيده كل شىء ... *وبنفهم الطفل ان الكفار كانوا عارفين ان ربنا خلقهم لكنهم مش مقتنعين انهم يعبدوه وحده-سبحانه وتعالى – وكانوا مُصرين على اشراك الهتهم كوسيط بينهم وبين الله .. وهذا قال الله عنه فى كتابه العزيز : {{ولئن سألتهم من خلق السموات والارض ليقولن الله فأنى يؤفكون}} والايات الداله على انهم كانوا مؤمنين بوجود ربنا كثيرة لكنهم كانوا مشركين .. طبعا الطفل محتاج تجلسى معاه أكثر من مرة .. وحبذا لو عملنا حلقه ونحث الاولاد عليها، ونترك لهم المجال للنقاش والحوار والتساؤل ... يعنى هو دلوقتى عرف مفهوم الوهيه وعبوديه بصورة مبسطة. محتاجين دلوقتى نعرف ربنا بأسمائة وصفاته .. بتبدأ كل أم شرح إسم إسم بالاستعانه بأحد الكتب ومهم جدا نفهمه معنى سورة الاخلاص ... *ايه كمان ممكن أسلح ابنى بيه من أسلحه لتأكيد عقيدته ..؟؟ الاعجاز العلمى فى السنة والكتاب كما ذكرت آنفا . *تفسير القرآن الكريم وهو يحفظه .. فالتفسير يشرح للطفل عقيدة الموت وما بعده من أهوال وهذا مما يزيده إيمانا بالله وارتباطا له .. مثلا سورة مثل سورة القارعه : القارعه : معناها يوم القيامه وما هو يوم القيامه . .. يا ماما ؟؟ يوم القيامه هو زمان كأى زمان مثل ما كنت انت فى بطنى .. أليس هذا وقت عشت فيه فى بطنى وكبرت فيه .. الطفل : نعم .. والقارعه أو يوم القيامه هو زمن بعد زمن الموت أخبرنا الله به وأمرنا للاستعداد له .. الابن : لكنى خائف .. ماما من الموت ..؟؟ لا أريد أن أُوضع فى التراب وحدى .. الام : حبيبى ..إن العبد الصالح اذا مات فتح الله له فى قبرة شاشه مثل التلفاز يشاهد مكانه فى الجنه ..فلا يخاف من القبر .. الابن : عاوز أكون معاكى يا ماما الام : يمكن ربنا يخلينى معاك ونموت مع بعض وممكن لاء ... وربنا اكيد بيحفظنا وبيخاف علينا. الام : فى سورة القارعه بيكلمنا ربنا عن يوم القيامه وبيقول .. يوم يكون الناس كالفراش يعنى كلهم هاينتشروا زى الجراد والفراشات اللى محبوسة وبتطلع مرة واحده .. وتكون الجبال كالعهن المنفوش يعنى زى الصوف المنفوش هاتشوف الجبال شكلها كبيرة وضخمة لكنها من الداخل لا شىء. الطفل : ازاى يا ماما لا شىء الام : باحضار قطعة صوف بتمثله كلامها هذا . فأما من ثقلت موازينه: هاكمل بعدين لانى كتبت الكلام امس لعطل فى النت ونمت وانا باكتبه

اخواتى ... اتكلمت بداية بالعقيدة اللى لازم نهتم بيها كويس قوى فى زمانا وخصوصا لو كنا فى...

ralolam :

لا يمكنك مشاهدة هذا التعليق لانتهاكه شروط الاستخدام.