انزين....
لما جا يوم الدخلة... ربيعتي ماطاعت تخلي التلفون وكله جالسة تبكي من اول المكالمة الى نهايتها وهو يحاول يهديها ويسكتها ويراضيها بس هي ماطاعت تهدي
قال لها خبريني وش تبيني اسوي وبسويه عشان خاطرك؟
قالت له ماشي وهي تبكي ياعمري
لما خلص المكالمة قال لها ماراح ابات اليوم فبيتنا ببات ف المحل التجاري حق اخويه
كله هذا عشان خاطرها ... مع انها هي ماطليت الشي بس ف خاطرها مايروح حق حرمته
استغفر الله بس وش نسوي؟؟؟ والله معاناة

المهم الولد بعدها دخل بيوم او يومين

وهنيه بدت المشاكل بينهم وبدت الغيرة تشتعل ف ربيعتي
وكان يقول لها ان محد يسواها ف دنيته واناه اهم شي ف حياته
وانه اذا تزوجها بتتحقق امنيته فهالحياة وبيرتاح من هالمعاناة
وهي لاتتضايق لانها الوحيدة ف حياته وحبه الاول والاخير

وهو عشان مايحس انه يخون زوجته لقاها تعرف عنه انه يحب وحدة ثانية وقالت له انت متواصل معها قال لها ايه.. وان هالبنت ابيها زوجة ثانية لي.. وبيكون لك احترامك وماشي بينقصك...

الحمد لله زوجته ماتحبه وتشوفه عادي حتى انها شبه مغصوبه عليه من اهلها
وقالت له انا عادي عندي تتزوج بس بشرط ماتظلمني... قال لها فالك طيب

هذا خلال الفصل الثاني من سنة رابعة وجا الصيف وتقريبا حملت زوجته ف الصيف
وربيعتي قالت له من حزنها : الزوجة وجاتك والولد وجاك... وش تبي بعد؟؟ ماشي ناقصنك؟؟ بس هو قال لها ناقصني اهم شي ف حياتي انتي.. وابي الولد منك انتي

وخلال كل هالمدة ربيعتي تعاني من الغيرة وبدت تزيد عندها خاصة ايام الخميس والحمعة والاجازات لانه حنا ندرس ف العاصمة وبعد هو يشتغل ف العاصمة واهله وزوجته ف من الديرة
وكلما راح الولد ف الاجازات ربيعتي تتكدر وتتنازع معاه وتقوله خلاص ماقدر لازم افارقك ماقدر على الغيرة ونارها

بس مثل ماقلنا من قبل كلما حاولو يتفارقو ويبتعدو ردو مرة ثانية لبعض

وجاه ولد ف شهر 4 من السنة الي طافت
وربيعتي جلست تبكي وقالت الليلة الي تمنيتها راحت لغيري
والولد الي تمنيته يجي مني جا من غيري
يعني وايد تألمت وحزنت

والولد من حبه للبنت مارضي يسمي ولده بالاسم اللي يلقبوه به بو فلان
وقال انا حلمي هالولد يكون منك ومستحيل اسميه به رغم انها قالت له عادي سميه
بالاسم (مع انه ف قلبها تبي الاسم لها لانه حلمهم)
بس هو ماسماه بهالاسم وسماه باسم ثاني... الحين تقريبا الصغير عمره 10 اشهر

وهذي معاناة ربيعتي من تزوج وهي بين نارين

نار الغيرة وتقول انها هي وبعدا ماذاقت طعم الحياة معاه وهي تموت من الغيرة عليه
كيف اذا اهلها وافقو وخذها.. وش بتسوي؟؟ هل بتتعود على الغيرة ويمكن تقل اذا عاشت معاه؟ولا تخاف تتورط فهالزواج وتندم عليه؟

ونار الفراق.. لانها كلما حاولت تفارقه تموت من هالقرار وتحس نفسها ماتقدر تعيش بدونه... وانه مستحيل تحصل مثل هالريال ومستحيل احد يغليها وعزها ويحترمها ويتمناها مثل ما هو يبي.. هذا غير معاناته هو ويشوف ربيعتي امله الوحيد ف الحياة وطعم الحياة (عشان بعد مانظلمه)

بنات ارجوكم لاتبخلو عليه بردودكم وارائكم و خبرتكم؟؟ مع انها بتقتلني لما تعرف
بس بخليها تقرا ردودكم عسى نحصل لها حل لمعاناتها

اوكيه بنات ... نسيت اخبركم هو ناوي يجي يخطبها فهالصيف
يعني لازم تستعد حق الضرابة مع اهلها وتوقف ف صف الولد اذا تبيه... لازم تكون مقتنعة وماتضيع حياتها

ماااقول الا الله يعينها واذا كان خير لها ان شاءلله الله يسهل امورها وتاخذه

تخلي الريال مع حرمته وولده .... خلاص استوت له حياة خاصة.... لا تخرب على حرمته حرام انا قلبي عورني على حرمته مع انها تعرف انه ريلها يحب غيرها صبرت عليه .... ربيعتج الله بيسرلها واحد خلاااااااص تقتنع لو كان في نصيييب بيييها والله كريم

واذا قلتلك مامصبر هالريال مع اهله الا وجود ربيعتي... عالاقل قادر يتعاطي معاهم
لما هي تتركه يصير عصبي وينازع وتصير مشاكل مع حرمته
وخبرتكم بعد انه الريال مايتعيب ووالله ان حن ربيعاتها نحسدها عليه من قمة الاخلاق والذوق اللي فيها
وحرمته عادي عندها ولا مهتمه اذا بيتزوج او لا... هذا غير انها مو مهتمة به اوكيه
وهو حاط امله وسعادته ف ربيعتي
يعني اذا فارقته بتتحطم حياته هو مو حياتها هي
وحتى اذا رضت بغيره احسها بتظلم اللي بتاخذه لانه ف قلبها حد ثاني
حتى هي تقول احسني بتطلق من اول شهر اذا خذاني احد غيره لاني ماقادرة اتخيل احد غيره ياخذني

بنات اللي متزوجين واحد متزوج... وش رايكم؟؟؟

بنات بليز كل من يدخل يعطيني رايه حتى لو معارض
ارجوكم ساعدوني والله يعورني قلبي عليها من كثر ماشوفها تعاني ياقلبي قلبها :(
وادعو معاي ان الله يسهل لها امرها