el3yo0oz2000 :

عزيزتي "من ترك شيء ابتغاء مرضات الله عوضه الله بخير منه" خلنا نكون واقعيين شوي ونبتعد عن المشاعر وخصوصاً إن ولا وحده فينا لها طرف في الموضوع حتى انتي طارحة المشكلة مش مشكلتج مشكلت ربيعتج يعني لازم تكونين أكثر حيادية، العلاقة هذي والرغم من المشاعر الجياشة الي فيها هي علاقة ((محرمة)) حتى قبل ما يتزوج أنا ما أشكك بأخلاق الريال لكن -الي يبى الصلاة ما تفوته - يعني هو شو كان يبى البنت تكلمه وتتعلق عقب يخطبها؟! ليش ! تراة ماكان مرتبط يوم أعجب فيها وأهلة جيران أهلها وهو سمعتة طيبة فشو كان العائق؟ لازم أول شي تكلمة ؟ هذا وهو على خلق ويعرف شو يعني بنات الناس.. انا مب متحاملة عليه بس هذا الواقع.. من وجهة نظري إن ربيعتج لازم تبتعد عنة بأقرب فرصة أدري إن نار الشوق ما تنطاق لكنها مب أحر من (جهنم) صح؟ ما تعرفين يمكن الله يبالها الي أخير عنه ويمكن الحب هذا كله لو تزوجته ينقلب لكره ويمكن أشياء وااايد ما نعلمها في علم الغيب بس صدقيني الله له حكمة في كل شي ودايماً يحب الخير لعبده شجعيها على الصبر والتقرب لله ومثل ما كانت عاقل ووقفة معاه في إنه مايغضب والديه تكون عاقله وما تغضب ربها الي بيكتب لها الخير وين ما كان إن شاء الله ..وإذا حصل واتقدم لها ماعليها الا إنها تستخير ربها هو عالم الغيب ..أنا أدري يمكن يوم تقرين كلامي تقولين فخاطرج إن الي إيده في الماي مب مثل الي إيدة فالنار لكن انا أكلمج عن واقع تجربة والحمد لله على كل حال . ..اللهم اقدر لها الخير حيثما كان ورضها به يارب..

عزيزتي "من ترك شيء ابتغاء مرضات الله عوضه الله بخير منه" خلنا نكون واقعيين شوي ونبتعد عن المشاعر...