معاناة سنه وتسع شهور عشان الحمل تجربتي الخاصه

السلام عليكم ورحمة الله وبركاته
بكتب لكم تجربتي سنه وعشر شهور من التعب والتفكير والمشاكل عشان الحمل



بس قبلها بقولكم انا متزوجه لي سنتين ونص وحملت من اول شهر ب زواجي ماشاءالله وصارت عندي ولاده مبكره
وتوفى الجنين طبعا هنا بدت المعناه عشان احمل ثاني




طبعا اول شهرين كان عادي عندي لان توي طالعه من
ولاده وابغى ارتاح كملت اربع شهور وبدا زوجي يطلب
احمل رحت سويت فحوصات وتحاليل قالت لي الدكتوره
كل شي سليم !! لاكن طلبو اسوي اشعة صبغه بس مر
سويتها. هنا بدا دور الطب الشعبي واهـ ما اداكم عن
هالطب المتخلف والخرفات اول شي قالو لي انتي
مكبوسه والكبس انواع ( مثلا دخل احد علي وانا نافس


مروش ميت او جاي من دفن او حرمه جتني وعليها
نجاسه او جنابه او حرمه لابسه ذهب او فضى وانا اكون
ماني لابسه ودخلت علي ) طبعا هذا كله خرفااااات ليتني
ما اتبعتهم اول ما قالو مكبوسه وماراح تحملي الا بعد
سبع سنوات او 14 سنه ويفك الكبس 🙆🙆 المهم
قالو الا ذا تعالجتي ينفك الكبس 😒 طيب هنا البدع
والخرفات والجهل والتخلف هنا الغبا الي يسمع كلامهم


انا سمعته ولا استفدت المهم العلاج ايش هو اول شي
قالو اتروش بصابون ميت او ليفته بعد ما يروشوه 😑
جربتها ولا نفعت. 😩😩 بعدها قالو تتروشي ع قلايد
(خرز وليفة ميت ) كل جمعه الساعه ١٢ الظهر وكنت
اروح انا وزجي ١٨٠ كيلو كل جمعه للحرمه عشان
اتروش ب القلايد حقتها ولا نفعت 😩 وبعدها قالو
حرمه عندها قلاده افضل واخذتها وسبع ايام اتروش
فيها 😩😩 ولا نفعت تروشت بالصابونه حقت الميت
مباشر وشربا من مويتها 😑😑 ولا نفع 😩

و بعدها قالو تاخذي دم الضحيه سبع ضحايا ووتروشي فيه 😩😩😩 ولا جربتها لاني ما اقدر وخفت من الدم

هذا كله بس عشان احمل لعبو فيني وبعدها قالو اكيد البنت دفنوها ع وجها يقصدو بنتي الي ولدتها وتوفت
واذا اندفنت ع وجها ماتحملي غير لما تفتحي قبرها
وتعدليها وترجعيها 🙆🙆🙆😩😩 هنا خلاص انا
حست ان الدنيا وقفت بوجهي وانسدت ضاقت علي
كلام ما يصدقه المجنون وش حال العاقل بس لعبو ب اعصابي




وطنشت كلامهم ورجعت لمستوصفات قالو لي هرمون
الحليب مرتفع واخذت حبوب ونزل خلال شهر
وبعدها اخذت كلوميد واخذ ابر تفجيره ولا حملت
تمرخت عند حرمه وكذا مره المهم ما حملت حلل زوجي
وسليم مافيه شي اخر شي لجأت لدعاااااااء او بالاصح
لربي صرت استغفر ع الاقل ٥٠٠ مره واقول لاحول ولا
قوة الا ب الله وسبحان الله وبحمده واصلي الليل
وابكككي وادعي ربي يقر عيني واحمل


المهم بديت من شهر رمضان استغفار ودعا واحاول قد
ما اقدر ما اهجر القران وحافظت ع السنن لان تذكرت حديث
‎((قَالَ رَسُولُ اللَّهِ صَلَّى اللَّهم عَلَيْهِ وَسَلَّمَ: إِنَّ اللَّهَ قَالَ مَنْ عَادَى لِي وَلِيًّا فَقَدْ آذَنْتُهُ بِالْحَرْبِ وَمَا تَقَرَّبَ إِلَيَّ عَبْدِي بِشَيْءٍ أَحَبَّ إِلَيَّ مِمَّا افْتَرَضْتُ عَلَيْهِ وَمَا يَزَالُ عَبْدِي يَتَقَرَّبُ إِلَيَّ بِالنَّوَافِلِ حَتَّى أُحِبَّهُ فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ وَبَصَرَهُ الَّذِي يُبْصِرُ بِهِ وَيَدَهُ الَّتِي يَبْطِشُ بِهَا وَرِجْلَهُ الَّتِي يَمْشِي بِهَا وَإِنْ سَأَلَنِي لَأُعْطِيَنَّهُ وَلَئِنِ اسْتَعَاذَنِي لَأُعِيذَنَّهُ وَمَا تَرَدَّدْتُ عَنْ شَيْءٍ أَنَا فَاعِلُهُ تَرَدُّدِي عَنْ نَفْسِ الْمُؤْمِنِ يَكْرَهُ الْمَوْتَ وَأَنَا أَكْرَهُ مَسَاءَتَهُ ))
‎


صرت اتقرب لي الله ب النوافل وقيام الليل وساعات مو
دايم بالضحى وباالصدقهه كنت احط لطيور ع الشباك
مويه واحط اكل وكنت اسوي كل شي بنية الصدقه من
اجل الحمل اي شي اسويه قهوه وحلا اكل مثلا غدا
عشا اذا كنت عند اهل زوجي او عند اهلي او اسير اتعمد
افرح الاطفال اجيب لهم عصير حلاويات اهم شي ادخل
الفرحه عليهم طبعا كلها اشيا بسيطه ويمكن اغلبنا
نسويها بس ما نحدد ايش النيه من كل هالامور


يرمضان اخذت عمره ودعيت بالملتزم وكنت ادعي لي ولكل من تريد الحمل


المهم خلص رمضان وجاء شهر ١٠ وجتني الدوره زعلت كثير بس قلت الحمدلله ع كل حال استخدمت خلطة
الرويس 21 يوم واخذت ابره تفجيريه ودفسترن واسبرين اطفال وتوكلت ع الله قلت خلاص صار ولا ماصار انا راضيه




كنت طول هالفتره ادعي دعاء شفته توقيع
لاختنا تراجيدا القدر الله يجزاها خير
الي هو



يارب هب لي هبةً مباركة من عندك ،، قد. لأكون أهلا لهذه الهديه ولكنك اهلٌ لهذا العطاء




وكنت كمان اقول ربي اكرمني بما يليق ب عطياك لا بما استحق



واقول يا ذا الاجلال والاكرام اكرمني بالحمل



وربي لاتذرني فردا وانت خير الوراثين




وطبعا كنت اسوي الجذب والامتنان للحوامل هذا شي مره جمييل الي فاهمين الموضوع يسوه والي ماتعرف عادي اعلمها




كنت اقول ممتنه لكل وحده حامل ومبسوطه ب حملها




وطبعا انوي مفعولها قوي جدااا




كنت اقول كل صبح انوي ب اسم الوهاب ان يهبني الله بالحمل هذا الشهر. كل صبح اقول كذا لان العقل الباطن ينفذ ما تنويه سبحان الله




المهم كملت ١٤ يوم بعد الابره التفجيريه وماجت الدوره تفائلت كثير بس ما قدرت احلل انتظرت لموعد الدوره
وجا موعد الدوره بشهر ١١ وحللت بعدها ب خمس ايام



والمفاجاه














































انا حــــــــــــــــآآآآآآآآمممممممل ❤️❤️❤️🎉🎊








ما استوعبت ولا صدقت بكييييت من كل قلبي لما شفت التحليل وعدته مره مرتين ثلاث ابغى اتأكد واستوعب
وطلع الحمدلله حااااامل يارب لك الحمد ولك الشكر


بعد سنه وعشر شهوووور بعد ما تركت الخرفات ورحت لربي وماخاب من لجأ له الف شكر لله والحمدلله

كتبت تجربتي عشان اجدد الامل لكل وحده يائسه او
فاقده الامل ترا ربي يستجيب الدعاء. لاتنسي هذي الايه
وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ ( 186)


وبالنهايه احسنو الضن ب الله وتفائلو خير والله واذكرو
الله على كل شي يعجبكم وقولو الله يبارك لهم فيه
عشان ربي يرزقك واحمدو الله كثير
و يرزق الجميع ويتمم حمل كل حامل


ادعو لي ان ربي يثبت لي حملي ويرزقني بتوأم اولاد
صالحين ومعافين من كل شر واذى وان يقر عيني بشوفتهم

واجيبهم على التاسع لان اخاف من الولاده المبكره لان رحمي ذو القرنين ويمكن احتاج ربط


وسسسامحوني اذا طولت عليكم 🌹


المهم لاتنسوي من الدعا ان ربي يحقق لي امنياتي 🌹🌹