معاناة صديقتي مع زوجها تكفوووووووووون ادخلوا وادعوا لها فهي في امس الحاجه

الأسرة والمجتمع

السلام عليكم
اليوم كلمتني صديقتي وهي منهاره مره وتصيح:icon33: حتى ماقدرت تكمل لي السالفه من كثر الصياح وبعد ماسكتت جالسه تشكي لي من زوجها الظالم حسبي الله عليه اولا هي الزوجه الثانيه وزجها ما يعدل بالمرررره تخيلوا تقول انه سافر قبل اسبوع واعطى زوجته الاولى 3500ريال وماعطاها ولا ريال يقول اذا احتجتي شي اطلبي منها بالله ماهو شي يقهر:angry2: وهي عندها بنت رضيعه وتحتاج مصروف واللي يقهر زياده انه اعطى كل واحد من اولاده اللي من الاولى 300 ريال هو كريم على ناس وبخيل على ناس ويوم رجع من السفر عزمته في مطعم ورفض يقول لها اذا تبغين اوافق اعزمي اللي يعز عليه يقصد زوجته واولاده قالت خلاص ماهو لازم حتى من يوم تزوجته لها سنتين ماعمرها طلعت هي وياه لوحدهم حتى مره تعبت يوم وداها المستشى اخذ بنته الصغيره معاهم واذا بغت السوق تشتري لها اغراض خاصه قال روحي مع الاولى واكيد انتم عارفين ماتبغاها تشوف اللي اشترت واكثر مشاويرها اللي يوصلها ولد زوجها واذا ناقشته في شي يقول لها اسكتي لاتناقشيني حتى اكله دائم عند زوجته الاولى ومطبخها فاضي يقول اذا بغيتي شي انزلي عندها وما يعرفها الاوقت النوم لا تقولون اكيد انها ماتهتم لا والله انها اهتماميه درجه اولى ولبسها دايم انيق وفوق هذا كله رومنسييييييييه مع ان زوجته الاولى مهمله مره وماتعرف تلبس تخيلوا انها تلبس بنطلون البجامه على بلوزه عاديه وصديقتي ماخلت شي ماسوته ومانفع معاه انتم اكيد مستغربين ليش هي صابره انا اقولكم ليش الان اهلها يقولون لها اسكتي واصبري واجلسي في بيتك لا تجين حتى بغى يوديها عند اهلها قالوا لاتجيبها خلها تجلس عند امك الان امه عايشه مع الاولى وزوجته بتسافر عند اهلها وامه عندها شغاله وبناتها بيجونها والله يابنات اشياء كثيره يشيب لها الراس ومن كثرها نسيت بعضها ...........

واللي ابغاه منكم انكم تدعون لها ان الله يسخر لها زوجها ويحببه فيها يارب العالمين
61
4K

يلزم عليك تسجيل الدخول أولًا لكتابة تعليق.

تسجيل دخول

الغلا أمي
الغلا أمي
هو ليش تزوج من الاساس اذا كان للحين يحب زوجته الاولى اكثر من كل شي
نزف المحاني
نزف المحاني
لا يمكنك مشاهدة هذا التعليق لانتهاكه شروط الاستخدام.
الله يسخر لها زوجها ويحببه فيها يارب
ام الفـاتح
ام الفـاتح
حسبي الله عليه الظالم

يوم انه مو قد الزواج ليه يتزوج
عاشقة البعيد
عاشقة البعيد
لا حول ولا قوة الا بالله طيب هو ليش تزوج من الأساس اذا كان لسه يحب ويعز زوجته الاولى لهالدرجه الزواج عنده لعبه وبنات الناس مايهمونه حسبي الله ونعم الوكيل
الله يصلح حالهم ان شاءالله
لغد ( أرشق )
لغد ( أرشق )
ليه طيب يعذبها وهو ما يبيها :(

يارب يسخره لها ويهون عليها .. رحمتها والله