معاناتي مع السمنه

معاناتي مع السمنه
انا من قبل ماتزوج ونا سمينه ماذكر كم كان وزني بس مافقت لنفسي الا قبل زواجي نحفت نحف جميل صرت البس وادلع بجسمي واخذت احلى ملابس لشهر العسل وبعد زواجي بكم شهر حملت وبدا الوزن يزيد
وولدت وقررت انحف لاني ماعرف البس حتى البجايم صرت ماتقبلها ع نفسي
المهم اخذت سير ونحفت من الثمانينات ل 70 تقريبا هذا اللي وصلتله ومرت كم سنه ونا انزل كم كيلو وارجعها واقول ببدة انحف ولا يصير
وصار عمر بنتي ثلاث سنين واحمل ويزيد الوزن بس حملي ذا غير زياده فضيعه وكرهت جسمي وملابسي صرت مالبس الا قمصان
اروح السوق ووتنسد نفسي ماعرف اشتري
من زماان مالبست بنطلون جينز مع تيشيرت مالبست تنانير قصير وقمصان نوم حلوه
لبسي يجيب الكآبه
ولدت وبعد شهرين قررت انحف ولا نحفت مدري شفيني يابنات ع اساس عندي مناسبه بعد كم يوم
ومن قبل رمضان احاول انحف ومانحفت محاولات فاشلهه
كل الريجيمات اللي اسويها فاشلهه ماستمر عليها
توني ماكله واحس بتخمه وغثيان ودي استفرررغ
بموت يابنات احس زوجي مل مني ومن طريقه لبسي
عندي سير ولا امشي عليهه اتابع حسابات دايت ولا اتحمس صار عندي برود فضيع ماقد الا ونا افكر بذا الشي
اخخ بس وربي تعبت
الحين لازم اشتري فستان للزواج اللي بحضره بس كيف بيكون علي اكيد بايخ
وربي مالي خلق شي
تعبت يابنات منقهره على نفسي وكل يوم يمر لاجديد ولا خطوه قدام بالعكس ارجع لوراا اكثر واكثر
وزني 86 اذا مو اكثر
ودي اوصل ل 65 اقل شي
طولي 162
دمتم بود