ماخرب جيل طالبات اليوم الا فزعة امهاتهم على كل كلمة يسمعونها من بناتهم والانجراف العاطفي الزايد وراهم وهذا الذي جعل البنت تستغل هذه النقطة وتصور نفسها دايما مظلومة ولاتعترف باخطائها انا اتكلم عن البنات في عمر ثالث ابتدائي وفوق حالة بنتك مختلفة لانه في هالعمر مابعد اكتشفوا نقطة الضعف العاطفي عند الام ولسه مابدأ الاستغلال .. اسألوا اي طالبة في اي مرحلة من رابع ابتدائي وفوق لش انت ضعيفة في الرياضيات مثلا على طول الاجابة والله المعلمة ماتفهم عمر وحدة فيهم ماتعترف انها تسرح وماتركز مع المعلمة او انها تنام في الحصة او تنشغل بمادة ثانية او.... او ...........انا أم ومعلمة سابقة واقول هالكلام للجميع وعن تجربة والامهات اللي قاعدين في البيت مايدرون وش السالفة يحسبون المدارس على زمانهم

ياقلبي بعض المعلمات قليلة رحمه
أنا لما كانت بنتي بثاني إبتدائي رحت بنفسي لمعلمتها من أول يوم وقلت لها إن بنتي تحتاج تروح لدورة المياه كذا مره فياليتك ماتمنعيها 000قالت لي طيب يعني ماتحملي هم 00وفي نفس اليوم جات بنتي من المدرسه قالت لي ياماما أنا لما طلبت من المعلمه تسمحلي أروح دورة المياه قالت لي لا وقرصتني في أذني
أنا على طول نقلتها من عندها ولما كبرت بنتي تعقدت من المدرسه من معاملة بعض المعلمات القاسيه مع إن بنتي ماشاء الله بارك الله متفوقه بس العقاب يعم صارت بنتي تعملها على نفسها بالليل وفي الصباح بطنها يوجعها لحد مانقلتها لمدرسه خاصه وارتحنا
ولله الحمد

أسمحيلي ماله داعي الهجوم علي اعتقداني يوم قلت استشيركم قصدت فيها أشوف رأيكم موأني مش عارفه كيف اتصرف
عمومآأنا عارفه انه ماقلتي كذا أنتي وغيرك من الآخوات الامن حرصكم ولكم الشكر------

موحده بالله مشكوره حبيبتي على ذوقك---------

ياحبيبتي يامحبه العدل؟
اجل ماخرب البنات الا الامهات؟؟!!
والله ماخربهم الا قل التاديب ونقص المهارات..!!
بعضهم مايعرفون التعامل
وتقولين الام احيانا تسوي كذا مع اولادها
والله حتى هذي الام تحتاج اعاده تاهيل ..
ويمكن انتي عادي عندك الضرب ورفع الصوت ومتعوده عليها
ماالومك!!
لكن رفع الصوت يعتبر اهانه للطفل والضرب اشد
ويعدين ليش مايتعامل الطفل مثل الكبير والا علشانه مسكين مايقدر يدافع عن نفسه!!!
جارتك او صديقتك لو غلطت تبي تضربينها؟؟تبي تصرخين عليها!!
نحتاج مزيد من ثقافه التعامل وهذاك تعرفين حديث الرفق ماكان في شئ الا زانه..


ياسلام بس على التفسير المنطقي؟
اجل البنات اللي مايفهمون كلهم سرحانين!!
ولاينتبهون للمعلمه!!
بما انك معلمه انا ايضا معلمه واعرف كيف مهارات المعلمه الصح بتوصيل المعلومات للطالبه..
فيه معلمات متمكنات تخلي الفصل كله حيويه ونشاط والبنت تتفاعل معها وتفهم وتشارك وتحل وتصير ممتازه
وفيه العكس اللي ترطن الدرس وتصارخ مسويه فيها بطله وتهدد وتطلع وتقول بنتكم بليده! وتسرح..!!
اذا كنت تشكين من نقد بعض الامهات ايام ماكنت معلمه لايصير دفاعك مستميت عن المدرسات بهذا الشكل..
الا صح ومتاكده انه التمكن له دور والتعامل له دور والطريقه لها دور..
ياليت نفهم كيف يحترم الطفل؟؟باي مكان وباي زمان..