طيب ليش انتي منرفزة

أكيد مو هذا تعاملك مع البنات في عمر ثالث ابتدائي وما فوق


للام اللي تشكي ما تنتظري روحي المدرسة ما تهاوشي لكن اسألي عن بنتك وتناقشي مع المعلمة والمشرفة الاجتماعية واحكمي لانك لو رحتي تهاجمي حيردوا بهجوم أعنف
بنتك صار عندها تحولين :
1. عدم حبها للمدرسة ومن اسبابه:
زيادة الدراسة عن التمهيدي , عدم وجود محفزات في المدرسة , عدم محبة الطفلة للمعلمة
2. تبليل بنتك لملابسها :
اعتقد هذا اهم شيئ تبحثي عن اسبابه هل طرأ تغيير في بيتك كوصول مولود جديد , محاولة من بنتك لفت نظرك او طريقة للاحتجاج على المدرسة , الخوف من المدرسة , عدم سماح المعلمة بالخروج في اي وقت
هذا كله يعتمد على سيطرة بنتك على نفسها

لكن اختي ما تهاوشي بنتك ما تكوني انتي والغريب عليها وما تسكتي على الموضوع لانه ممكن يسبب لها عقدة من المدرسة تبقى حتى لو دخلت الجامعة

اصلا من اول ماقريت الحاله عرفت انها ضحية قسوه

بس لاتسكتين روحي للاداره وواجهيها ولو تقدري توصليها للوزاره ياليت

وانقليها من المدرسه ان لم تجدي تجاوب ونصيحه لكل الامهات تقربن لاولادكن

واحفظي سره وكوني صديقتهم علشان مايخبي عنك حاجه

بنات هالجيل مدلعات وغير جادات... اتكلم من خبرة سنين في التدريس وكنت يوم من الايام طالبة مجتهدة واعاني من ظلم المعلمات وخاصة انهم من جنسيات عربية اذكر اني بعد تخرجي من الكلية قابلت وحدة من معلماتي كانت مساعدة وكان تعاملها معنا قاسيا برغم اننا كنا جيل نتميز بالحياء والخوف وعندنا امهات ماعمرهم سألوا عنا وهذا خطأ طبعا خير الامور الوسط المهم هذه المساعدة شافتني ماسلمت عليها وقالت لي انت فلانه انا كنت ادرسك مش فاكرتني ولحقتها الى مكتبها وقلت لها انا مانسيتك ومانسيت اليوم اللي ضربتيني فيه بدون سبب وضربت الفصل كله قال :الله انت البك اسود بكرة حتبقي معلمة وحتضربي ....قلت لها لايمكن ارفع ايدي على بنات خلق الله هذولا بشر..... تتوقعين وحدة عانت وذاقت الظلم بتذوقه لغيرها لكن التجربة اثبتت لي ان بنات اليوم اختلفوا وخاصة جيل العشر سنوات الاخيرة وعند تدريسي استطيع ان افرز الطالبات مثلا اللي واعدينهم اهلهم بمدرسة خصوصي هذه تكون في عالم ثاني واخر اهتمامها الدرس والمشكلة انها تشغل غيرها .....احدى الطالبات كانت قمة في اللا مبالاة اخذتها برا الفصل وقلت لها يابنتي :انت اش حكايتك ليش ماتركزين معي ودايما مشغولة !!!!!!تدرون ...طلعت امها تدرس نفس المادة اللي ادرسها يعني اذا عرف السبب بطل العجب ..
من هنا اقول لك ان السبب البيت وانا اولكم ... بنتي في الثانوي وكل اختبار شهري تجيب لها معلمة فيزياء ورياضيات واحاول اقنع في ابوها انه مايطاوعها مافيه فايدة اخيرا اقتنع الحمد لله وبدت تسأل معلمتها وتركز اثناء الشرح
احنا خربناهم لانا ماعودناهم الاعتماد على النفس من صغرتهم ووفرنا لهم الملهيات في البيت وخارج البيت بعض البيوت غرفة الالعاب عندهم كأنها محل ألعاب والطفل يلعب باللعبة شوي ويكسرها او يرميها لانه عارف ان اهله بيوفرون له غيرها خربناهم بكثرة التردد على الملاهي ومع ذلك دايما طفشانين بمعنى ماعلمناهم الجدية في حياتهم توفير الالعاب ترسل رسالة لعقل الطفل ان الحياة لعب فقط حتى الحرص الزايد على تعليمهم يخربهم هناك امهات ترتب جدول ابنها او بنتها تتفقد حقيبتها انت عارفه انك لو فتحتي له علبة العصير خربتيه لم يعد الجيل يتحمل المسئولية او الجديه ولو لبعض الوقت انا لا ادعو للاهمال ولكن للاشراف من بعيد ولا ادعو لعدم النظر في شكاويهم ولكن بعقلانيه وهدوء وتأني ومن غير فزعة واستعراض شجاعة امام ابنتك او ابنك كان عندنا طالبة ماخلت معلمة مانشبت في حلقها واذا نادوا الادارة امها جت الام مشحونه باكاذيب وتهويلات من ابنتها وتخرج وهي تهدد قلت اذا جتكم الام يوم نادوني انا بقابلها كنت منتدبة في المدرسة ودخلت الام وهي شايشة وجلستها وسلمت عليها وحبيت رأسها لانها كبيرة في العمر وقلت لها ماشاء الله انتم من الفلان من ديرة الفلانية ونعم وش يقربون لكم الفلان وبدت الام تحس اني ممكن افضح بنتها ....بدت تلين وشوي شوي فهمتها وقلت لها : والله ياام فلان احنا مانبي الا مصلحة بناتكم ولا تخلين بنتك تلعب عليك وهي الله يصلحها طيبة بس يمكن احد لاعب عليها وانت اكيد ماترضين ان بنتك كذا و.......و ...... حتى صفينا الموقف وطلعت الام تدعي انا ما ازكي نفسي والحمد لله انكم ماتعرفوني........... لكن هذا التعامل الراقي اللي احنا بحاجته من جميع الاطراف لكي نرتقي بالعملية التعليمية ونحصل على جيل متوازن
واختلاف الرأي لا يفسد للود قضية انا ام وتجيني شكاوي من المعلمات ياكثرها بس اعرف انه تسعين بالمائه منها مبالغات لان الطالبة الان ماخذه حقها بزيادة ,,,, بنتي امس عادت لهم المعلمة اختبار الرياضيات بس اشترطت عليهم انهم يعيدون الكتاب كله تعاطفت معها وشجعتها انها تدخل التحدي ...وقلت في نفسي الله يقويها معلمتكم لاني عارفة بنتي هي السبب ماذاكرت يوم الامتحان وطلبت الاعادة كم مرة ...طولت عليكم سامحوني انا لست مع او ضد انا انشد الاصلاح فقط والله اعلم

شوفي يامحبه العدل
انا احب اتكلم من احصائيات..
عطيني مايثبت ان البنات كلهم لامبالاه ومدرسات وملاهي ودلع؟؟ عطيني نسب..
بالنسبه لي مافيه من بنات العائله كلها اللي ذكرتي صفاتهم
اقاربي واقارب اهل زوجي
وحتى المدرسه اللي انا فيها ومدارس قريباتي !! يمكن واحد اثنين ثلاثه يمكن بس هل يعقل اننا نموّت البنات ضرب كلهم لان فيه كم وحده كذا؟؟ والا نصارخ ونفجر طبلات العاقلات المؤدبات؟؟

وانتي تتكلمين عن شئ بعيد عن الموضوع
احنا نتكلم عن الاحترام تعرفين وش معنى احترام؟؟؟
احترام الطفل كانه كبير بالضبط ماينضرب ابدا ولا يصرخ عليه
اذا كان الاسلام مايضرب للصلاه الا بعد 3 سنين من الامر ويكون غير مبرح
تجي المعلمه تضرب ليش؟؟وباي منطق؟؟ لان البنت ماتنتبه؟؟!! والا لانها تروح للملاهي
يااختي تكلمي بمنطق علشان الناس يسمعون لك
تقولين بنتك تجيب مدرسه؟؟!! معناه انتي صاحبه الحاله اللي تحذرين منها..!
وتقوين انك ماسلمتي على المعلمه اللي ضربتك؟ شوفي كيف اثر عليك مافكرتي بغيرك ليش؟
وكون البنت تجي وتقول ضربتني المعلمه وانا اعرف بنتي ..لازم افتح محضر تاديب للمعلمه الغير مهيأه للتدريس والتعامل التربوي..ماراح انتظر تنطمس هويه بنتي او تتدهور نفسيتها
يااختي درسنا بنات قليلات ادب ولامبالاه على قولتك وكان اسلوب الاحترام لهم والحزم بدون صراخ انسب حل..(الا البنات المنتهيات اخلاقيا وواضح قصدي)
وقياسك على البنت الي تقولين تكذب على امها وانتي جلست مع امها قياس غير صحيح
لان الطفله بعمر 6 او 7 سنوات اذا قالت ضربتني او صارخت علي فمعناه صحيح..هذا اذا تكلمت وماخافت من العواقب المسكينه
ماتشوفين كيف الاطفال اللي يجلسون عند خدم وشغالات ينضرب ويورى الويل بس مايتكلم لانه يخاف..
مستحيل البنت تجي وتقول ان المعلمه رفضت اروح للحمام وتصير تكذب؟؟ومستحيل تقول ضربتني وهي تكذب..

عمر الصراخ والضرب ماطلع انسان ناجح..مستحيل..
انا مع الام الحريصه واللي تسال دايم وتمدح بنتها وتشيخها عند المعلمه وتذكر افضل صفاتها علشان تعرف المعلمه تحترمها..
اتمنى يجي اليوم اللي يحترم فيه الطفل مثل مايحترم الكبير ..الله يرحم ضعف الاطفال جميعهم ويرزقهم ناس فاهمين التعامل.
وبالمناسبه الان الحمدلله التعليم في ضوء دراسه معاقبه المعلمه او الاداريه اللي تهين الطالبات اما بالكلام او الضرب او التهزئ (المعاقبه تتضمن عده نقاط ومراحل) ينتهي بالفصل وطوي القيد..
رفعت هذا المووضوع قبل فتره بمساعده مختصين واصحاب مبادي في نطاق التعليم وان شاء الله باذن الله تبي تتطهر المدارس عندنا من اي وحده غير مهيأه..
وبالفعل تم التخلص من معلمه قبل سنه فصلت بعد ماحذرت..حتى تتعلم كيف يحترم الصغير
كانت تدرس في مدرسه وتضرب وترهب الطالبات وكتب فيها خطاب وقلعت كالضرس..
وهذا ايضا من مبدا الاصلاح ..

حسبي الله عليها من مدرسه

شوفي روحي للأدارة اذا ما حصلتي من ينصفك اشتكي لادارة التعليم هم يرسلون من يحقق

انا سويت كذا لما صار لبنت اختي موقف ولقيت الادارة مستهتره وصلتها للأمير المشاري نائب وزير تعليم البنات

وبصراحه ماقصر اخذنا حقنا وزياده

ويا اختي محبه العدل وين العدل بكلامك مع احترامي اذا انتي معلمه اجيال فكلنا معلمات حتي الام اللي بالبيت معلمه مهي بجاهله وممكن تعليمه احسن من المدرسه بعد والله ان بنات مرو علي انهم فاهمين الدروس قبل لا اشرح تتوقعين من اللي وراهم امهات ما يفهمون ولا مدلعينهم لا والله بس اتوقع انك تحكمين كمن واقع محدود والمعلم لازم يكون عنده حصيله مو تبنين معلوماتك علي شريحه خاصه بمجتمعك وممكن يكون محدود

مافي بنت تكذب علي امها لان الاطفال يجيبون السالفه مثل ماهي واكيد انه مر عليك بنات يقولون حتي وش صار بالبيت يعني ما يعرفون اللي بسن 7 سنوات والله لازم اكذب عشان ما انضرب لسي ذول أبرياء وما يحق لنا كمعلمات اننا نعلمهم الخوف من اللحين